คึดฮอดอีสานบ้านเฮา

[หนุ่ม เกินร้อย]

:g :g @"มีทองบ่มีธรรมเฝ้า สิจาหนีเมื่อฮ้อยเทื่อ มีคำคันบ่มีอิ่งอ้อย ออยไว้กะบ่ฟัง แท้แล้ว"@ :g :g

[หนุ่ม เกินร้อย]

:g @"แนวนามแก้วมหานิลควงประเสริฐ ไผ๋ฮ่อนซุกใส่ข้าวซืนเซื้อห่อสะคอม ไม้กะยังต่างไม้แก้วแก่นจันโท สังสิเอามาเทียมหมู่ขอนลอยน้ำ คำหากเป็นคำแท้ชมพูมณีเทพ บ่ฮ่อนติดต่อเข้าทองเก้กั่วประสาน เด้น้อฯ "@ :g โดย ครูบ้านนอก"

[หนุ่ม เกินร้อย]

@"อันหนึ่งอย่านอน เหลือพันกางคือ หลับแจบ หลายเด้อ ให่ค่อยสอนใจตน ฮุ่งเฮืองปานแก้ว สอนตาไวไว้ ทางใจให่หลิมหล่ำ สอนหูห่ำพร้อม ฟังแจ้งฮีดคอง สอนกินไว้อย่ากินให่สมอยาก หลายเด้อ บาดห่าเจ็บปวดท้องมันสิหยุ่งโพ่นพุง เจ้าแล้ว สอนมือไว้อย่าไปเอาของเพิ่น แม่นว่าลูกผัวเมียเพิ่นห่าม อย่าไปเอื้ออ่าวบาย ให่คอยยำแยงเถ่า คนบูฮานเถ่าแก่ เพิ่นนั้นบุญปางหลังมีหลายจั่งได้ยืนเถิงเถ่า แนวคนเถ่าเพิ่นมีคุนได้สอนสั่ง เพิ่นเห็นฟ้าก่อนแท้ ตนเจ้าอย่าลื่นควม แท้แล้ว"@ โดย ครูบ้านนอก" :g

[หนุ่ม เกินร้อย]

:g @"คันอยากได้คู่ซ้อน ให่มีผู้ปึกสา ให่ค่อยปึกสาขุนหมู่พงพันเซื้อ ให่ค่อยปึกสาเถ่าขุนกวานพ่อแม่ คันเถ่าแก่บ่พ้อมเซาถ่อนอย่าเอา นางเอย."@ โดย ครูบ้านนอก"

[หนุ่ม เกินร้อย]

:g @"คันบ่อออกจากบ้าน บ่เห็นด่านแดนไก คันบ่ไปจากเฮือน กะบ่มีคาวมฮู้ คันเฮาเฮ็นดีแล้ว เพิ่นซังกะตามซ่าง คันเฮาเฮ็นแม่นแล้ว เพิ่นบ่หย้อง ก้อซ่างตาม หล่าเอย"@ โดย ครูบ้านนอก ครูสัน. :g

[หนุ่ม เกินร้อย]

:g @"ผัวคีงฮ้าย ให่เอาดีเข่าใส่ ปู่ย่าฮ้าย ให่นางกัมหมอบฟัง ซาดที่เป็นยิงนี้ อย่ามีใจเคียดง่าย ยามเมื่อผ้วฮ้าย ให่นางน้อยค่อยฟัง อย่าได้ตึงตังฮ้าย คำแข็งโต้ตอบ คำบ่แม่นอย่าเว้า เอาขึ้นก่างเถียง คันนางมีผัวซ้อน เฮียงสองเทียมคู่ อย่าได้ฮ้ายฟู่ๆ เหลือล้นลื่นคอง หล่าเอยฯ"@ โดย ครูบ้านนอก, :g

[ลักเกิบกำนัน]

สิผิดบาปบ้อน้อคับคุณครู คันผมสิขอจดเอาผญาคุณครูไปใซ้ เอาไปบอกต่อสู่คะเจ้าให้เเต่งเองคือสิบ่ม่วนกินใจดอกคับผม

[หนุ่ม เกินร้อย]

• มาอีกแล้วครับ ผญา @"เจ้าผู้ศาลากว้างโฮงหลวงให้ขออยู่นำแน่ถ้อน ขออย่าได้บาปฮ้ายเวรต้องอย่าสิมี คุณกุศลอยู่ข้างหน้าคุณศาลาให้ขอเพิ่ง คุณศีลให้มาค้ำคุณพระธรรมให้มาซ่อย คุณพระพุทธมาจำนำคุณพระธรรมมาตุโหล่ง คุณพระสงฆ์มายู้ส่ง คุณพระไตยแก่นแก้วมายู้ ชูขึ้นสู่สวรรค์แน่ถ้อนฯ..โดย ครูบ้านรนอก. :g

[หนุ่ม เกินร้อย]

มาอีกแล้วครับผม ผญา @"คึดต่ออ้อยอ้อยผัดเกิดเป็นเลา คึดต่อเลาแคมของผัดเป็นกอไก่ คึดต่อน้ำวังใสสั่งมาขุ่นเด้น้อ คึดต่อกอดอกซ้อนเครือเค้าเพิ่นบ่ไล คึดต่อนาท่งหล่งหนองสงแมวเป็นกะซาว คึดต่อนานอกบ้านทางซ้ำเพิ่นกะซิง คันบ่ได้ยอดแแก้วดวงประเสริฐมหาเพชร พี่สิหลบคืนเมื่อไปบวชเป็นเถรเฒ่า ตั้งต่อบารมีสร้างเอาบุญเป็นที่เพิ่ง ปรารถนาหน่วยแก้วพิลาเข็มชาติสิมาฯ"@ โดย ครูบ้านนอก

[khonsurin]

อ่านผญา อาจารย์แล้วก็ชื่นใจนะคะ
แต่งไม่เป็นค่ะ ยกนิ้วให้นะคะ
ชนิดยกโป้แถมก้อยค่ะ