หลังจากที่จอยไปยามบ้านในเดือนมกราที่ผ่านมา จอยได้การต้อนรับจากพี่น้องทีมงานบ้านมหาและมื้อนี้วันที่2 กพ.น้องจอยกะต้องเตรียมโตเดินทางกลับในวันที่3 กพ.เวลา05.00 น.กะเลยแวะลาพี่น้องทีมงานต้อนรับก่อนซึ่งนำโดย อ้ายดีเจพล พระยาแล และกะ อ้ายต่วง พี่ใหญ่มุ ซึ่งจอยได้รับการต้อนรับ และความม่วนซื่น จากพี่น้องมากมาย มื้อนี้จอยสิพาไปเบิ่งลีลาหน้าฮ้านจ้า
ไปฮอดร้านอันดับแรกกะนั่งเซามีแฮงจักหน่อยก่อนเนาะจ้า
ภาพนี้ให้น้องมันทนา โชว์ผลงานเพลง เปิดใจสาวแต เสียงเพิ่นม่วนคักจ้า
จากนั้นกะมาเป็นผลงานเพลงของ น้องจอยเอง เพลงยังบ่จำบ่ได้ ว่าแม้นเพลง เอาสามีไปเผานี้หล่ะ ฮ่าๆๆๆๆ หรึเพลง มักสามีเพิ่นนี้หล่ะ โดยมี น้องชายพงษ์น้อย กับ อ้ายเฒ่าพาโล หย่าวหน้าฮ้าน
เริ่มมาวได้ที่กะหย่าวหล่ะจ้าบาดนิ มาเบิ่งเอาจ้า ว่าลีลาพี่น้องเพิ่นเด็ดอีหลี่ อิอิอิ...
เบิ่งเด้อจ้าแต่หล่ะคน ม่วนบ่ม่วนกะดาย
ส่วนภาพนี้ นักร้องฝ่ายชาย พงษ์น้อย นั้นเอง โดยมีหางเครื่องคนงาม น่ารัก นิสัยดี ฟ้อนกะสวย อิอิอิ..หย่าวหน้าฮ้าน(หางเครื่องเสื้อขาวๆๆเพิ่นหลอยมุไปอาบน้ำ เด้อค๊าเด้อ)
ปิดท้ายด้วย ชายร่างสูง ยาว ฮ่าๆๆๆๆ ฟ้อนกะงาม เสียงกะใช่ย่อย คนตระการ นั้นเอง
นับจากวันนั้นจนถึงวันนี้ น้องจอยบ่เคยลืมทีมงานต้อนรับเลยเด้อจ้า บอกได้คำเดียวว่า ยังรักและคิดฮอดเด้อจ้า หวังว่าครั้งหน้าจอยกลับคือสิได้พ้อกันอีกเนาะจ้า
ขอขอบคุณ น้องมันทนา อ้ายคำบัง นำเด้อจ้า มีโอกาสพ้อกันอีกเด้อจ้า
(ปล.ขอโทดเด้อจ้า ภาพใด๋จอยเอาลงบ่ได้บอกกล่าวและอนุญาต กะขออภัยหลายๆๆจ้า):g::):g::)
Bookmarks