..... ตามฝันกันเด้อจ้า .....

[น้องแพรจ้า]

ฝันอันเดียวเพียงซ่ำนี้ ทำหน้าที่สร้างความหวัง คือพลังเติมหัวใจ เรื่องหวั่นไหวบ่เคยย้าน

ถิ่มเฮือนซานเถียงนาน้อย หวังนำฮอยความฝันไผ่ ไกล้ความจริงซ่ำได๋ คือแฮ่งไกลห่างบ้าน อิสานเค้ากะเล่าไกล

มื้อหวั่นไหวหัวใจเศร้า ยิ้มปนเหงาน้ำตาหลั่ง ด้วยความหวังทิ่มบ่ได้ ไผคอยเย้ยกะซ่างตาม

ในสนามหัวใจสู้ กะยังอยู่บ่มีถอย ถึงสิลอยนำความฝัน กะนับวันมีรอยยิ้ม

ไผกะตามอย่าได้ทิ่ม ขอชวนชิมความฝันไผ่ ถ้าประสพคือตั้งใจ ความสดใสคงได้พ้อ รอเพียงมื้อสิชื่นบาน เด้อจ้าาาาาาา

[พลายแก้ว]

สาวแพรเอ้ย...ฝันว่ามีคนกินข้าว นั่งเฮียงเคียงอ้ายบ่าว
จ้องเบิ่งสาวคนนั่งเลาะเลียบข้าง คือจั่งเจ้า แหมะ.. สาวแพร
ดีใจหลายอ้ายยิ้มแต้ ถึงสิแค่เป็นเพียงฝัน
นั่งคิดอยู่หลายวัน เป็นฝันดีหรือฝันร้าย
วอนสาวแพรมาแก้ให้ เผยความนัยให้อ้ายแน่
บ่จั่งซั้นอ้ายตายแท้ เพราะแพรเจ้า..มาเข้าฝัน สุคืนเอาโลด

(ข้าวกะกินบ่ได้ นอนกะบ่หลับ คาแต่ฝันเห็นเจ้าอยู่หยั่งคืน)

[บักหล่าลูกกก]

ยามท้อแท้ ดวงแดเปลี่ยวเหงา
ความหวังเจ้า แม้เหลือเท่าผงธุรี
แม้นชีวี จ่อมจมไหม้ อย่าได้สูญสิ้นหวัง

หากหลายอย่างต้องพังพ่าย
สูญหายถิ่ม ทุกสิ่งอัน
ความฝันไฝ่ทังความหวัง ขอให้รั้ง
ดึงไว้ให้เป็นแนวสุดท้าย หากต้องสูญเสีย

หากจะต้องสูญเสียทุกอย่าง ความหวังขอให้เป็นสิ่งสุดท้าย ให้เป็นสิ่งสุดท้าย หากต้องสูญเสีย