ผญา "ขอลาจากอ้าย"

[pui.lab]

ก๊ากกกกกกก ครั้งแรกในชีวิตที่ดีเจปุ้ยจะหัดเขียนผญา
จะเขียนได้บ่ฮึ ลาวโคราช+กุงเทป+เมกัน = ป่วงคักๆ::)

อ้ายเอ๊ย โต๋น้องนี่ จากนี่ไปขอไกลห่าง(นั่งเครื่องบินไกลตั๊ว)
เพราะภาระ หน้าที่ บดบังไว้ความฮักน้องห่างไกลอ้าย
อันเคยเว่า เคยจ๋า เฮาแต่ก่อน น้องซิจดจำไว้บ่ลืมเลือน
ความฮักน้อง มอบแด่อ้ายเพียงผู้เดียว ใจบ่เหลียวแลไผดอกอ้ายเอ๊ย
หากบุญเลี้ยว โค้งหา ฮักเฮาคือเก่า ขอฝากไว้กับบุพเพ วาสนา เนาะอ้ายเอ๊ย.

::) หมายเหตุ อ.หมอศรีธรรม อ.โป้ยก่าย อ.บ่าวโจ่โล่ อ.ส่มป่ม
มาเม้นท์ให่แน๊ พอได้บ่หล่ะ



[radio]http://www.hotlinkfiles.com/files/2319613_2wgwt/chatneebunnoi.wma]chatneebunnoi.wma[/radio]

[หมูหวาน]

เพลงแมะจ้า เอื่อยปุ้ย เข้ากะผญาแท้เนาะ อิอิ จอดฮับแน่เด้อค่ะ เครื่องบินลำนี้นะ แต่งได้เก่งๆๆค่ะ น้องหมูหยังเฮ็ดบ่เป็นเลย :g:g:g

[sompoi]

**เอาดอกไม้มาให้เป็นขวัญและกำลังใจจ้าเจ้.. ใหม่ๆส้มป่อยกะราวๆแบบนี้ละจ้า..บ่ดนกะเก่งดอก..เชียร์ๆ จ้า.. **

[khonsurin]

แต่งผญาเก่งจังเลย

เพลงม่วนคักเลย ฟ้อนแล้วเด้อจ้า ม่วนคักค่ะ

[บ่าวโจ่โล่]

อ้ายเอ๊ย...จากกันไกลในมื้อนี้ บ่ได้หนีลี้ไกลห่าง
เพียงเส้นทางบ่หวนไกล้ จั่งไกลข้างห่างพี่ชาญ โอ๊ะพี่ชาย
ดีใจหลายน้ำตาแตก โอ๊ะเสียใจหลายน้ำตาแตก คิดฮอดปลาแดกน้ำตาเฮี่ย
ป่นบักเขือ แกงหม่อไม้ หาไสแท้บ่อนสิกิน (ฮ่า ๆ ๆ คิดฮอดตำบักหุ่งนำ)
จนว่าวินคิดนำอ้าย แม่นมื้อด๋ายยยย พ้อกันใหม่
ยืมเงินไปซ่างหลบหน้า ได้ยินว่าแอบลักหนี (ซังคนเด๊)
อีกหลายปียุเด้อจ้า จั่งสิมาพ้อกันใหม่
ดอกกับต้นคันบ่ได้ สิไหมอ้ายเป็นคู่นาง เด้ออ้ายเอ๊ยยยยยย


ใหม่ ๆ ผมกะเขียนบ่ได้ซ่ำนี้ดอกครับ สุมื้อนี้แฮ่งเป็นฮ่ายใหญ่ครับ ขอปรบมือให้เด้อเจีเด้อ
เป็นกำลังใจให้กันเฮา ตามประสา คนเก่า แต่ว่า บ่แก่ เนาะครับ คริ ๆ ๆ

::) ::) ::)

[pui.lab]

ขอบคุณหลายๆค่ะสำหรับคำชมและคะแนน
น้องหมูหวาน/อ.ส้มป่ม/คุณเล็ก/อ.บ่าวโจ่โล่ ปุ้ยจะพยายามเรื่อยๆจ้า


คิดฮอดปลาแดกน้ำตาเฮี่ย
ป่นบักเขือ แกงหม่อไม้ หาไสแท้บ่อนสิกิน

มาซางเปรียบเทียบเนาะท่าน กำลังสิเขียนเพิ่มแม่ะเขียนบ่ออกเลยมื่ออื่นจะมาต่อใหม่เด้อท่าน::)

[แพรมน]

ผญาดีขนาดเลยครับผม มีอีกกะแต่งมาได๋เด้อครับ:g:g

[ศาลาพักใจ]

อะป๊าดดดดดดดดดด.....คือมีแต่คนแต่งม่วนๆ แท้น้อ

:g:g:g

[คนพนมไพร]

อ้ายลองนำแน่จักหน่อยหล่า :):):) ปุ้ยเอ้ย อ้ายนี่ปรารถนาฮ่อย นำฮอยซู่บาดย่าง ทางแห่งไกล ไปแห่งเยิ้น สินำเอิ้นกูกหา จั่งได๋แหลว เหลียวเบิ่งก้อนขี้ฝ้า บัดยามห่าเฮาไกล สายตาเฮาสิจวบกันอยู่เทิงฟ้า เห็นแต่เมฆาผ่าย ไหลไปอยู่เลื่อนเลื่อน ห่างกะบ่อห่างแต่เฮือน เลื่อนกะบ่อเลื่อนตั้งแต่ก้อนขี้ฝ้า บัดพาปุ้ยน้องเลื่อนไป แม่นทางไกลสุดส่าว สาวอย่าลืมมื่อเอิ้นสั่งกันเด้อ ยามเจ้าไปหวั่งๆ อย่าลืมอ้ายบ่าวมหาทางพี้เด้อ น้องปุ้ยเอ้ย

[ศรีสะท้าน]

ลาจากอ้าย ภายภาคงานมหาฯ
เสียน้ำตาไหลริน ขึ่นเครื่องบินเมือบ้าน
บุญสมภารเพียงพ้อ โอนอต้องลาจาก
มาห่างพรากหมู่เจ้า เหงาสะอื้นบ่ซื่นทรวง
อันว่าโลกใหญ่ก้วง หากมีพบแล้วลาหนี
แสนโสกีคะนิงหา เมื่อจากลาไลล้าง
ขอแต่บุญกุศลสร่าง จงเป็นทางได้เทียวไต่
สมมะโนนึกได้ หัวใจน้องหากจ่องนำ..พี่เอ๋ย