ย้อนว่าคิดฮอดบ้าน............จั่งมาอ่านคำผญา
ย้อนคิดเถิงหวานตา..... .....จั่งฝากกลอนมาเว่า
ย้อนคนิงนำเจ้า.................จั่งกดสาย กริ๊งกริ่งๆๆๆๆๆๆๆๆๆ
ย่านบ่จริง...จริงบ่ย่าน.........คือเจ้าเล่ามา
คำว่ารอคอยถ้า................รอพี่หรือรอไผ
หวานหูดูใสใส..................หวั่นใจย่านมันเปรี้ยว
ย่านนางมีหลายเลี้ยว.........หลายทางเทียวไต่
ทังอยู่ไกลอยู่ใกล้.............สำรองไว้บ่หว่างวัน
ย่านน้องมีหลายชั้น...........คือสวมใส่ภูษา
ย่านน้องมีพันตา..............เหล่ชายหลายชู้
ย่านได้นอนขดคู้..............มัวหมองยามน้องเบื่อ
หลงเชื่อลมลิ้นเจ้า............ย่านเมาค้างบ่สร่างซา
เดือนเพ็ญ เห็นสว่างฟ้า........งามสง่าแสนไกล
ยามออกไปจับกบ..............ย่านบ่ปานกะบองกิ้น
ย่านแต่ฅนเฮือนใกล้.......... ได้ครองใจได้ครองคู่
อ้ายผู้อยู่ฟากฟ้า................ย่านคองถ้าเปล่าดาย...นางเอย
อ้างข้อความนี้
กระทู้ต้นฉบับโดยคุณ มือพิณสายฟ้า
Bookmarks