หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: .... ขอมีเจ้าไว้คิดถึง ...

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    .... ขอมีเจ้าไว้คิดถึง ...


    .... ขอมีเจ้าไว้คิดถึง ...


    เห็นยิ้มใส หัวใจปลื้ม อ้ายจนลืมคำเว้าต่อ

    แอบลักห่อความคลั่งไคล้ ไว้เคียงข้างตางคิดถึง

    ยากสิดึงเอาแผ่นฟ้า มาเทียบค่าให้เคียงดิน

    บ่หารปืนบันไดฝัน ไปสู่วันได้เคียงเจ้า

    อาศัยเงาไว้เคียงข้าง ฝันเลือนลางไว้เคียงคู่

    อ้ายขออยู่ในโลกนี้ กับมีเจ้าไว้คิดถึง น้องสาวเอ๊ย


    ........................
    ฝากความคิดฮอด พี่น้องสุคน สำหรับงานพาแลง 2 ที่ได้ผ่านไปเรียบร้อยแล้วเด้อครับ
    แก้ไขครั้งสุดท้ายโดย sompoi; 24-01-2010 at 09:12.

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8

    Re: .... ขอมีเจ้าไว้คิดถึง ...

    ขอบคุณเด้ออ้าย ปีหน้าบ่ลืมแท้ ดักแด้ที่สั่งไว่ อิอิ
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  3. #3
    เจ้าหน้าที่ประชาสัมพันธ์ สัญลักษณ์ของ ชายหล่ามาดามศรี
    วันที่สมัคร
    Feb 2007
    กระทู้
    762

    Re: .... ขอมีเจ้าไว้คิดถึง ...

    คิดนำอ้ายอยู่ล่องๆๆ คือกันนั้นละ อ้ายเอ๋ย 5555 เว่านำบ่เป็นดอก


    ::) ::) ::)

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    Re: .... ขอมีเจ้าไว้คิดถึง ...

    ขอมีเจ้าในใจจำจื่อ
    คึดห่วงหาสู่มื้อ บ่มีเมี้ยนเปลี่ยนหมาง
    ฮักห่างฮ้าง หิวหอดหาโหย
    เพียงแต่จาคำโดย ตอบดีเอาอ้าง
    วางความเว้าสองเฮาคนทีป
    บ่ห่อนบีบป่องแป้น สะแนนไม้จอดกัน
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  5. #5
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433


    ร้อยความฝัน พันความเว้า กะซ่ำเก่าทางหัวใจ อยู่หม่องได๋กะมีเธอ คิดเสมอบ่มีเว้น

    ยามเหลียวเห็นสายฝนย้อย สายลมลอยพัดใบม่วง ย่านหลงป่วงไปเป็นบ้า คิดเห็นหน้าเจ้าบ่วาย

    วาสนาคนจั่งอ้าย ซำกระต่ายหมายมองจันทร์ มีภาพฝันเป็นอักษร กอดเพียงหมอนนอนแทนน้อง

    หวังจับจองเจ้าเคียงคู่ สิปานหมู่สักกุณา บินถลาหาเมฆลอย ได้แค่ฝอยละอองน้ำ

    ขอเดินตามคนเทิงฟ้า ชี้ชะตาหนาวหรืออุ่น มีความฝันนั้นเปื้อนฝุ่น พร้อมต้นทุนที่ฮักเจ้า เทียวออยเว้าไส่เจ้าของ

    น้ำตานองขำหรือเศร้า มีเพียงเงาเว้าเป็นหมู่ กับขออยู่ในโลกนี้ มีเพียงเจ้าไว้คิดถึง น้องสาวเอ๊ย





    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  6. #6
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,229
    บล็อก
    5
    ฟังความฝัน..พันความเว้าว่า
    ปรารถนาเพียงน้อง..มาจ่องใจคู่คิง
    อิงคำอ้าง..หว่างเหงาเว้าหยอก
    บอกผู้สาวกี่ราย..นำพี่ชายกี่ร้อย
    ออยออยเอิ้น..เพลินคารมคมพี่
    ฮักอีหลีนาดน้อง มาจองแจ้งกระจ่างจิต..เด้ออ้าย


    อั่นนี่..กะฝึกใหม่จ้า พยามอยู่จ้า:heart::heart:

  7. #7
    แบ่งปันความรู้และประสบการณ์
    วันที่สมัคร
    May 2007
    กระทู้
    181



    ฝากถึงเด้อเธอคนนั้น ทักทายกันบ่ฮู้เบื่อ คิดเอาเหลือคิดฮอดเจ้า จักสิเว้าเข้าไส่ไผ

    หากส่งใจไปปลายฟ้า สินำหาเห็นหรือบ่ หรือเทียบท่อดาวเทิงฟ้า แท้บ้อจ้าว่าท่อกัน

    ใจเกินร้อยที่ว่านั้น ล่อให้ฝันแล้วยิ้มไส่ แต่ความจริงเป็นแนวได๋ สิมีไผน้อรับรู้ เบิ่งดู๋เว้าให้คิดนำ

    ฝากแต่คำหวาน หวานไว้ เคยฝากใจบ้างจักเทื่อ ยามได๋เมือเทื่อฮอดบ้าน ย้านหลงเพ้อเก้อผู้เดียว ซั่นเด๊หล่ะ อ้ายต่ายเอ๊ย



    แก้ไขครั้งสุดท้ายโดย น้องแพรจ้า; 13-06-2009 at 21:40.

  8. #8
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,229
    บล็อก
    5
    หล่าแพร..เอ๊ยยยย....

    ทุกข์บ่มีเงินใช้ บ่ปานทุกข์ใจคึดนำเจ้า..คือเอี้ยงเฝ้าควายตู้..บ่ห่อนฮู้หากิน..นางเอ้ย

    คึดเฉลยความในใจ..คนผู้ไคฮู้หรือบ่....ขอมีเจ้าไว้คึดถึง..คำซึ้งๆว่าบ่เป็น..ซั่นแหล่ว
    มีแต่แนวอุกอั้ง..เป็นตาซังน้อหัวใจ..คนที่ "ใช่ "แม่นอ้ายบ่..รอถ่าฟังหวังลมแล้ง..เด้ละนาง

    ใจบางบางหลูโตนพี่..ใจคนดีอย่าลืมลา..ส่งสายตามาผ่าใจ..ย้านช้ำในเด้หละน้อง..แพรเอ้ยยยย....อิอิ

    :heart::heart:**********:heart::heart:

    ผู้บ่าวฝากมากะยังว่า..บ่แม่นอ้ายต่ายดอกนางเอ้ย
    ตาซังคัก...อั่นผู้บ่าวนั่นกะดาย...หืยยยยยย

  9. #9
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307
    ย้อนว่าอุกในใจคิดฮอดหลายแท้น้อหล่า
    เเหงนเบิ่งทองฟ้าเห็นหน้าเจ่าแม่นผู้เดี่ยว
    อิอิแจมนำแน่เด้อครับ :heart::heart:

  10. #10
    ศึกษาหาความรู้ สัญลักษณ์ของ น้องขวัญ
    วันที่สมัคร
    Sep 2009
    กระทู้
    14



    เห็นยิ้มใส หัวใจปลื้ม อ้ายจนลืมคำเว้าต่อ

    แอบลักห่อความคลั่งไคล้ ไว้เคียงข้างตางคิดถึง

    ยากสิดึงเอาแผ่นฟ้า มาเทียบค่าให้เคียงดิน

    บ่หารปืนบันไดฝัน ไปสู่วันได้เคียงเจ้า

    อาศัยเงาไว้เคียงข้าง ฝันเลือนลางไว้เคียงคู่

    อ้ายขออยู่ในโลกนี้ กับมีเจ้าไว้คิดถึง น้องสาวเอ๊ย
    ........................



    ยิ้มนำอ้าย ชายงามอยากถามต่อ มีแล้วบ้อคู่ซ้อน หรือนอนลี้อยู่ผู้เดียว

    เจ้าผู้เขียวใบหว่าน วาจาหวานอยากเตื้องไส่ มีแล้วไป่คู่เว้า มาเป็นเจ้าเข้าอยู่เฮือน

    หรือเป็นเดือนแสงจ้า กลางเวลาให้คนส่อง หลายคนมองกล่าวเว้า อยากมีเจ้าไว้ส่องแสง

    ขอเบิ่งแยงแน่เด้ออ้าย ขอทักทายพอเว้าส่ง มื้อได๋ลงจากฟ้า น้องนางหล่า สิค่อยซู เด้ออ้ายเอ๊ย



    อยากเขียนผญาเป็นหลาย ไปหัดแต่งมาอาทิตย์หนึ่งเด้ออ้าย ได้ซ่ำนี้หล่ะเด้อจ้า ไปอ่านโพยพ่อศรี เผิ่นเขียนม่วนคัก น้องกะสิมาเขียนนำเผิ่นค่ะ กินใจคัก ผญาเผิ่นกะดาย เข้าห้องแล๊ปก่อนจ้า แว๊ปปปปป ไปเรียนก่อนค่ะ


    แก้ไขครั้งสุดท้ายโดย น้องขวัญ; 07-09-2009 at 15:16.

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •