หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: อำลาพาจาก

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    อำลาพาจาก

    @โอ...หละว่าบุญเอ้ย บุญที่เฮาเคยโฮมส่าง ขอให้เป็นหนทางสัมพันธ์เกี้ยวสืบต่อ บ้านมหาเฮานอ ขอให่ฮักเด้อฮ่วมตุ้ม ซุมพี่น้องให้ฮักกัน สายแนนพัน...หละน่า

    @ บัดนี้ใกล้สิแจ้งแสงส่องละอองใส เดิกดนไปหิวนอน อ่อนแฮงอิดล้า ฝูงนกกาซวนซู้ ขันคูฮ้องหย่าว ฟ้าเปิดป่องสีขาว ตาเว็นทาวสิทั่งขึ่น ภายพื้นมื้ออื่นมา แสงดาราหมองคล้อยถอยลงหยับต่ำ ฟ้าสีดำก่านแหล่สิแปรพื้นเปลี่ยนผืน พาแลงคืนสนุกห่าวได้เถิงคราวสิลาจากเสียแหลว ลำบากเด๋พี่น้องสิไกลห่องห่างหา ขอขอบคุณเด้อแม่ป้าที่มานั่งฟังแสดง สาวบ่าวแวงจูมจีค่อยอยู่ดีเด้อน้อง กับทั้งผองซุมท่านอาจารย์ผู้มาซ่อยเครื่องดนตรีใหญ่น้อย สนุกล้ำม่วนหลาย พวกน้องอ้ายล้วนโฮมฮักสมัครสาน สืบสมานสัมพันธ์ต่อกันบ่วางเว้น มาพบเห็นเจอหน่า วาจาถามไถ่ ฮู้จักกันต่อไปสืบสายใยต่อปล้องคือพี่น้องฮ่วมเฮือน เป็นดั่งพี่น้องเพื่อน มวลมิตรสหายเกลอ นำเสนอผลงานได้อ่านหาเห็นพ้อ มีการถามการส่อยอวางอ้างประโยค บรรเทาโศกซ่วงเส่าให่หายเอ้าอั่งใจ บ้านมหานี้หากได้เป็นหลังใหญ่มามี ครบสี่ปีสมบูรณ์ มากมูลสนองท่าน วาระงานคืนนี้สมควรดีสนุกม่วน บัดนี้ใกล้สิม้วน สมควรจ้อหม่อมา กลอนลำลาสิแถมท้าย สาธยายนอเอิ้นสั่ง คึดฮอดหลังอ่าวโอ้มะโนน้อมหน่วงใน บ่อยากไกลดอกลาฮ้าง แต่หนทางคนละป่อง หาเลี้ยงปากใส่ท้อง คนหละหม่องบ่อนท่องเทียว ได้แต่ฝากฮักเกี้ยวเกลียวฮ่วมความสัมพันธ์ อย่าสิไลลืมกันทักทายแหน่เด้อน้อง ยามใดหมองใจเศร่าความเหงาเข้ามาผ่า บ้านมหายังฮับต้อน สะออนเอื้อนว่าอิ่นออย คึดค้อยค้อยอ้อยอิ่งคะนิงหา ลาบ่าวสาวสั่งซู้ที่มาสู้ซ่อยงาน ลาทั้งพวกเจ้าบ้านญาท่าน

    ทังสหาย ทั้งคุณยายลุงตา หมู่อาอาวเอื้อย เวลาเดิกมาเรื่อยสมควรสิลาเลิก ตาเวนเบิกส่องแจ้ง แสงสะท้อนส่งสูรย์ งานสมบูรณ์โดยดีได้สมหวังใจย้อนน้องพี่ สามัคคีเกี่ยวฝั่นพันมื้อบ่เปลี่ยนแปลง บ้านมหาบ่ได้แล้ง ยังแยงส่องสดใส เว็บอีสานของไทยยังฮักแพงแซงพุ่ง ขอคุณลุงคุณป้าอาวอาพวกเถ่าแก่ เชิญมาแวหล่ำเยี่ยม เตรียมพร้อมพร่ำกัน จากแต่มื้อนี้นั้น สิผันห่างทางไกล สิได้ไลคนทางห่างกันคนก้ำ ทางหมอลำสิลาฮ้าน บุญสมภารสิลาจาก สิได้พรากพี่น้อง ลาห้องบ่อนท่องเทียว คำเว้าเกี้ยวก้าวก่ายลายผญา สิได้เถิงเวลาจากไปไกลเจ้า ขออย่ามีความเศร่าเหงามะโนยามนอนนั่ง คึดฮอดหลังฝ่ายพี้ศรีสะท้านผู้ผ่านมา คันแม่นคึดพ้อหน้าให้เหลียวเบิ่งเดือนดาว แสงทอขาวจันโทดั่งมะโนใจอ้าย มือบายๆลาแล้วเหมิดเสียงแซวอ้ายเอิ้นสั่ง..ฝากไว้แต่ความหลัง บ้านมหาบ่อนนี้ ทางพี้ สิต่าวลา...หนานวลใน...........ฯ

    ปล.กลอนลำนี้ ความตั้งใจเดิมกะคือสิให้หมอลำเพิ่นลำลาตอนจบงาน แต่กระผมบ่อาจแต่งและนำออกมาจากเครื่องให้เพิ่นได้ กะเลยขออนุญาตนำมาลงหลังจากแล้วงาน....
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #2
    ดูแลตรวจสอบเนื้อหา สัญลักษณ์ของ บ่าวหนองคาย
    วันที่สมัคร
    Jun 2008
    กระทู้
    364

    Re: อำลาพาจาก

    อ่านแล้วคึดฮอดหลายๆเด้อคับอ้ายจำน้องคนนี้ได้บ่น้อ
    [IMG]Re: อำลาพาจาก[/IMG]

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    Re: อำลาพาจาก

    เขินเด้ ถ่ายรูปกับคนหล่อแมะ เหอ ๆ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #4
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,161

    Re: อำลาพาจาก

    อ้ายทิดศรี ที่ว่าเอาออกมาจากเครื่องบ่ได้นี่ หาเครื่องบ่เจอ แม่นบ่ ::)
    ล้มแล้วฟื้นยืนสู้ชูช่อใหม่ เพราะต้นยังสดใสผลิใบเขียว
    ลุกขึ้นต้านลมฝนต้นเป็นเกลียว รากยึดเหนี่ยวซับซ้อนกับพื้นดิน



  5. #5
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: อำลาพาจาก


    ท่านอาจารย์ กลอนลำซิ่ง บ่มีติ คือมีแต่กลอนโอ่ แหม๋

    แนวว่าำลำทางสั้น หันทางยาว จ้าวทางล่อง หนิ บ่ธรรมดาอิหลี

    อยากได้ลำซิ่งแมะ ท่านอาจารย์ ฮ่า ๆ ๆ



    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  6. #6

    Re: อำลาพาจาก

    บ่เป็นอีหยังจ้า เอาไว้ลาปีต่อไปละกันจ้า สุดยอดจ้า

  7. #7
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,148

    Re: อำลาพาจาก

    เว้ามาละเสียดายเด้เนาะอาจารย์....เห็นชุดการแสดงที่ท่านเตรียมมาเต็มรถหกล้อ
    แต่ว่าบ่มีคิวให้เล่น ย้อนเวลา 6 ทุ่มมาขับไล่ เอาจังซีบ้่อท่านปีหน้าฟ้าเก่าหม่องใหม่
    เฮาเล่นซอดแจ้งเลยดีบ่อ เพราะซิได้ให้หมอลำเพิ่นลำเรื่องต่อกลอนให้จบเรื่อง
    ขอบพระคุณสมาชิกและทีมงานที่เคารพรักทุกท่าน

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    Re: อำลาพาจาก

    แต่ส่ำนี้กะเกิบข้อยกะยังเสียอยู่แมะอาว ซั่วว่าจัดใหญ่กว่านี้ย้านโส่งน้อยข้อยเสียนำอยู่ดอก หึๆๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #9
    แบ่งปันความรู้และประสบการณ์ สัญลักษณ์ของ แมวเหมียวพลัดถิ่น
    วันที่สมัคร
    Jun 2008
    ที่อยู่
    St.Gallen SWISS
    กระทู้
    240

    Re: อำลาพาจาก

    มีโอกาสกะสิไปฮ่วมงามนนำเด้อค่ะ ครังหน้า

  10. #10
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    8,063
    บล็อก
    197

    Re: อำลาพาจาก

    ม่วนคักแท้น้อ มาดเพิ่นน่ะ โอ้โฮ้ สุดๆๆๆ เลย
    *********************************


    อิสระ เสรี เสมอภาค




    *********************************

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •