เนื่องด้วยวันสงกรานต์ที่ 14 เมษายนนี้ สิมีงาน บ้านมหาสันจร กะเป็นการพบปะกันประสาพี่ ประสาน้องเนาะครับ
ซ่อยกันออก ซ่อยกันกิน ไผมีหยัง สิพอได้สู่พี่สู่น้อง กะติดไม้ติดมือไปแบ่งปันกัน พอได้เว้านัวหัวม่วนนำกันเด้อครับ
บ่าวหล่อร้อยเมตร เผิ่นว่าสิเอาไข่มดแดงไปฝากพะนะ ส่วนอ้ายบ่าวเซียงน้อยเผิ่นว่าสิเอาขั่วจินูนไปแบ่ง
ส่วนน้องเขมราฐว่าสิให้แม่ลาบเป็ดให้จักหม้อ (มีค่าเปิดหม้อบ่น้อร้านกะดาย) ส่วนของมึนเมากะแล้วแต่ผู้ได๋
สิติดไม้ติดมือไปซั่นหล่ะ ถ้าเป็นไปได้ คาดว่าสิได้ถ่ายทอดสดจากร้านมาให้พี่น้องเบิ่งนำ
ส่วนร้านคือ : ครัวลีลาศ เข้าหาดคูเดือ แพแรก ๆ เวลาโดยประมาณ 11 โมงเนาะครับ ไปกินข้าวเที่ยงนำกัน
นัดหาดคูเดื่อ เพราะว่าน้อง ๆ คิดว่ามันเป็นศูนย์กลาง ประจำจังหวัดครับผม
ไผมีความคิดจั่งได๋กะ โพสไว้ในกระทู้เด้อครับ ส่วนผู้จัดหาสถานที่ ต้องขอขอบคุณท่านหล่อร้อยโล โอ๊ะหล่อร้อยเมตร ครับผม
ด้วยความขอบคุณ และ ขอเรียญเชิญไผอยู่ไกล้เคียงกัน ไปแว่ไปยามกันแน่เด้อครับ ฮักตลอดคิดฮอดเสมอ ฮ่า ๆ ๆ
ผู้ประสานงาน : ไปแจ้งน้องสาวคนสวย เขมราฐ เด้อครับ ติดขัดหยังกะเว้ากันเบิ่ง
ผู้ประสานงานสถานที่ : หล่อร้อยเมตร คนหล่อประจำจังหวัดอุบลฯ หล่อยุผุเดียวเอาโลด
แจ้งการแถลงข่าวโดย : บ่าวเซียงน้อย ณ ศรีเมืองใหม่
ผู้เชิญชวนพี่น้อง : บ่าวโจ่โล่ กับ บ่าวคนเดิมเด้อ (จักสิได้มานำหมู่บ่เด้อ ติดถ่ายแบบหลายคักช่วงหนิ)
ขอบคุณ : น้องมันฑนา สำหรับการโพสแจ้งพี่น้องใหนบอร์ด กลุ่มคนเมืองอุบลฯ เด้อครับ
::)
[radio]http://wcs.hopto.org/up/file/a-deedrukkheopansa.wma[/radio]
Bookmarks