กำลังแสดงผล 1 ถึง 9 จากทั้งหมด 9

หัวข้อ: ไปไต่เขียดน้อยยามฮ้อน

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    ไปไต่เขียดน้อยยามฮ้อน


    มื่อคืนนี่ฮ้อนแฮงค่ะพี่น้อง อาบน้ำ 2 รอบกะแล้ว เปิดพัดลมแฮงสุดกะแล้ว

    ยังฮ้อนคือเก่า หน้าแล้งอากาศฮ้อน ๆ แนวนี้คึดพ้อแต่ตอนน้องเขมฯเป็นเด็กน้อย(อีกแล้ว)

    หน้าฮ้อนสิมีกิจกรรมคลายฮ้อนก่อนนอนตั่วค่ะ เด็กน้อยแถวบ้านน้องเขมฯ ได้โคม

    ไฟผู้ล่ะอันกับถุงผ้าแหง่งเขียวลงท่งหาเก็บเขียดน้อยค่ะ บ้านน้องเขมฯผัดอยู่นอกบ้าน

    หน่อยหนึ่ง ผู้ได๋ออกไต้เขียดต้องหย่างผ่านหน้าบ้าน เห็นไผ๋มากะถือโคมไฟแล่นนำเพิ่น

    ไปโลดค่ะ บ่ต้องไปชวนไผ๋ หย่างไปจั๊กคราวกะฮอดห้วยเชือกค่ะ สิมีเขียดโตน้อย ๆ เต้น

    โค้บ ๆ อยู่ค่ะ เก็บใส่ถุงผ้าแหง่งเลย ผู้บางคนเพิ่นเอาแหง่งใหญ่ที่ซ้อนกุ้งไปนำค่ะ เพิ่นกะ

    สิเอาซ้อนเขียดได้ไวบ่ต้องนั่งเก็บ แต่น้องเขมฯมักเก็บเทื่อล่ะโตค่ะ ขี้คร้านหย่างดู๋คือเพิ่น

    มีทั้งเขียดน้อย เขียดขาคำ ที่เอิ้นว่าเขียดขาคำ ย้อนว่าหม่องขาโอ้ยมันสิมีเหลือง ๆ ค่ะ

    ฮอดหม่องได๋เป็นวังน้ำ ยังซุ่ม ๆ อยู่กะสิมีเขียดหลายแหน่จั๊กหน่อย แยงไฟขึ้นฝั่งห้วยเห็น

    ผักติ้วดอกขาวจุ่นพุ่น(คือสิบ่ต้องแปลคำว่าจุ่นพุ่นเน๊อะค่ะ) กะหักหง่ากันติดมือมานำเทื่อ

    เฒ่าแม่สิได้ใส่ต้มปลาหรือกินกับป่น ไปบ่พอคราวกะเมือค่ะ ฮอดบ้านเฒ่าพ่อกะมักสิบอก

    ว่า"ใสมาเบิ่ง..มื่อนี่มีเขียดตาบอดจั๊กโต" น้องเขมฯกะเคยสงสัยว่าเป็นหยังคือเิิอิ้นเขียด

    ตาบอด เฒ่าแม่เพิ่นกะสิฟ้าวอธิบายว่า " เขียดตาบอดมันบ่เห็นหุ่งเต้นหนี น้องเขมฯเลย

    จับมันได้" น้องเขมฯกะเคี๊ยดให้เฒ่าพ่อว่าซั่นนี่ค่ะ หาว่าเฮาหาเขียดบ่หมาน อันที่จริงบ้าน

    น้ิองเขมฯเพิ่นกะบ่ค่อยมีผู้ได๋มักเขียดน้อยดอกค่ะ เฒ่าพ่อว่ามันโตน้อยต้องกินหลายโต

    บังเบียดหลายชีวิตกว่าสิอิ่มว่าซั่น แต่น้องเขมฯหั่งมักไปไต่เขียดน้อย กะหมู่หลายเน๊อะ

    ค่ะ ม่วนคักยามไปไต่เขียด พอได้เขียดมาเฒ่าแม่กะสิขังใส่ผ้าแหง่งนั่นล่ะจั๊กคืนหนึ่งให้

    มันคายดิน ยามมื่อเช้าเลากะสิหมกใส่หัวสิงไคหลาย ๆ ข้าวคั่ว ผักอิตู่ สุกแล้วกะให้น้อง

    เขมฯเอาไปให้บ้านพ่อใหญ่แหน่ บ้านย่าแหน่ อั่นน้องเขมฯมี บ้านพ่อใหญ่แม่ใหญ่ ปู่ย่า

    ในหมู่บ้านเดียวกันนั่นล่ะค่ะ มีคนบอกว่าเฒ่าแม่เฮ็ดหมกเขียดแซ่บ เพิ่นกะแฮ่งอยากให้น้อง

    เขมฯไปไต่เขียดซู่มือหมกแจกใทบ้านไปทั่ว อั่นมีแม่มักย่องค่ะ ว่างานบ้านมหาสัญจรสิ

    ย่องว่าเพิ่นเฮ็ดลาบเป็นแซ่บหลาย ๆๆๆๆๆ เพิ่นสิได้เฮ็ดอย่างสุดฝีมือ....ไปฝากพี่น้อง

    บ้านมหา::)::)::)

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728

    Re: ไปไต่เขียดน้อยยามฮ้อน

    ต้มส้มไส่ผักติ้วกะแซบเด้อ ..สมัยแต่กี้ตอนอ้ายอยู่บ้าน เอากะบองเด๊ไปไต้เขียด..

  3. #3
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,760

    เล่นเกมส์ Flash Game Online Re: ไปไต่เขียดน้อยยามฮ้อน

    เอาเอ็มวีมาประกอบ เพื่อให้ได้บรรยากาศอิสานเต็มรูปแบบ
    <object width="425" height="344"><param name="movie" value="http://www.youtube.com/v/StuoStHkPRo"></param><param name="wmode" value="transparent"></param><embed src="http://www.youtube.com/v/StuoStHkPRo" type="application/x-shockwave-flash" wmode="transparent" width="425" height="344"></embed></object><br><a href="http://www.baanmaha.com" target="_blank">บ้านมหา ดอทคอม<br></a>
    ขอบพระคุณสมาชิกและทีมงานที่เคารพรักทุกท่าน

  4. #4
    ร่วมถ่ายทอดความรู้สู่สังคม สัญลักษณ์ของ สาวเกษตร
    วันที่สมัคร
    Jan 2009
    กระทู้
    157

    Re: ไปไต่เขียดน้อยยามฮ้อน

    อยากกินหมกเขียดเด้นอ
    ไปไต้กันหลายๆๆคนม่วนๆๆๆแมะ
    เว่าแล้วกะคิดฮอดบ้านเฮาเด้
    อยู่บ้านอยากกินหยังกะได้กิน
    บ้านอุดมสมบูรณ์กะจั่งซี้ละ ::)

  5. #5
    แบ่งปันความรู้และประสบการณ์ สัญลักษณ์ของ บ่าวเปรม
    วันที่สมัคร
    Sep 2007
    กระทู้
    21

    Re: ไปไต่เขียดน้อยยามฮ้อน

    คิดฮอดสมัยเป็นบ่าวส่ำน้อย5555

  6. #6
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6

    Re: ไปไต่เขียดน้อยยามฮ้อน

    มาเว้าล่อให้อยากกินแกงอ่อมเนาะ

  7. #7

    Re: ไปไต่เขียดน้อยยามฮ้อน

    แม่นยุครับแม่นแท้อบอ้าว้อนๆๆเด้อครับเขียดออกดีขนาดใด่มาแล้วกะฟักออมแซบๆๆเนาะครับ

  8. #8

    Re: ไปไต่เขียดน้อยยามฮ้อน

    อยากกินฝีมือหมกเขียดของเฒ่าแม่ จากการไต่เขียดของน้องเขมฯแท้น้อ สิได้ชิมจักหมกบ่น้อ และถ่ามีโอกาสพาเด็กน้อยไปไต่เขียดนำแนะเด้อจ้า บ่เคยจักเทือจ้า อยาก ๆๆๆ แท้น้อ อิอิอิ

  9. #9

    Re: ไปไต่เขียดน้อยยามฮ้อน

    วี้มาทางพี้แน่เด้อ จักหม่กกินเป็นยุหม่กเขียดน้อยกะดาย เพิ่นเอาแหง่งเขียวนั้นละไปหาสอ่นเอา สมัยแต่กี้กะไปหาควดเขียดตามห้วย ตามฮ่อง ควดเขียดทรายพร้อม เขียดทรายกะแม่นเขียดจ๋านาเข้าไง้เอามาตากแห้งทอดแซบๆๆ อิอิ คิดฮอดบ้านเด่เน้อ ทางอุบลคือบ่อึดแนวกินเน้อ มาเด้อ มาชิมอาหารพื้นบ้านทางอุบลนำกัน

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •