กำลังแสดงผล 1 ถึง 8 จากทั้งหมด 8

หัวข้อ: ไปติดจักจั่น

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    ไปติดจักจั่น


    ได้ยินเสียงจักจั่นฮ้องดนเติบล่ะเน๊อะค่ะพี่น้อง แต่จักจั่นในกรุงเทพฯฮ้องบ่ม่วนปานได๋ดอก

    ค่ะ มีเสียงรถเสียงรากลบเบิด บ่สู่เสียงจักจั่นอยู่นำบ้านเฮาคือจั่งเป็นตาฟังกว่านี่อยู่ แต่เป็น

    เด็กน้อยยามจักจั่นฮ้องหลาย ๆ แนวนี้เฒ่าพ่อน้องเขมฯเพิ่นสิตัดบั้งไม้ไผ่ ให้ไปหายางไม้

    ใส่ในกระบอกไม้ไผ่เน๊อะค่ะ เป็นอุปกรณ์จับจักจั่นชั้นดีเลยค่ะ ยางหมากมี่แหน่ ยางกกไฮ

    แน่ เอาพร้าไปสับ ๆ ให้ยางมันย้อยใส่ในบั้งไม้ไผ่ แล้วเฒ่าพ่อเพิ่นกะสิเอาขี้ยางมาผสม

    เอาไม้คน ๆ ให้เข้ากันให้มันเหนียวซ่ำนี้กะได้ตังไปติดจักจั่นล่ะค่ะ อุปกรณ์อีกแนวหนึ่งคือ

    ไม้ไผ่ลำน้อย ๆ ยาว ๆค่ะ ยามไปติดจักจั่นเพิ่นกะสิเอาไม้จุ่มตังเหนียว ๆ นั่นล่ะค่ะ เสียบ

    ใส่ปลายไม้กะเอาไปติดปีกจักจั่นมันบินหนีบ่ได้ ยามไปติดจักจั่นเพิ่นกะสิไปแต่เช้า ๆ ตะ

    เว็นบ่ทันขึ้นพุ่นล่ะค่ะ ยามเช้าจักจั่นมันฮ้องเส็งกันหลายคักค่ะ พอหย่างไปใกล้ ๆ ต้นไม้ที่

    มันอยู่มันกะพากันมิดเสียงค่ะ แต่สิมีละอองน้ำผิวลงมาเย็นดีค่ะ มันคือเหยี่ยวของจักจั่นค่ะ

    ไผตาดี กะแหนมเห็นโตมันกะติดเอาโลด แต่น้องเขมฯติดจักจั่นบ่หมานดอกค่ะ บ่เห็นโต

    จักจั่นคือเพิ่นไปนำเพิ่นย้อนอยากไปเลาะโคกซื่อ ๆ ค่ะ ถ้าไปเลาะโคกยามเช้ากะบ่ต้อง

    เกือหมู อั่นขี้คร้านเกือหมูที่สุดเลยค่ะ สมัยนี้เพิ่นบ่พากันใช้ยางไม้ล่ะค่ะ เพิ่นพากันหย่ำ

    หมากฝรั่งติดจักจั่นว่าซั่นค่ะ จั่งแม่นพากันทันสมัย เว้าแล้วกะคึดอยากกินก้อยจักจั่นใส่บัก

    ม่วงน้อยเน๊อะค่ะ คั่วจักจั่นนัว ๆ (ห้ามเค็มเด้อค่ะ) เผาบักพริก เผาหอม แล้วกะตำพริก

    หอม จักจั่น ให้เข้ากันฝานบักม่วงน้อยลงไปนำค่ะ ปรุงรสออกส้ม ออกนัว ข้าวเหนียวฮ้อน

    ๆ จ้ำแกล้มกับผักกระโดน แซ่บหลายค่ะ ในห้องครัวเอื้อยเมรี มีเมนูนี่บ่น้อ ถ้าบ่ทันมีเมือ

    บ้านสงกรานต์สิเฮ็ดสู่กินค่ะ
    ::)::)::)

  2. #2

    Re: ไปติดจักจั่น

    อยู่บ้านเฮาฮ้องจนหนวกหูเน๊าะ งึดหลายโตน้อยๆมาฮ้องดังแท้::)

  3. #3
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075

    Re: ไปติดจักจั่น

    :g :g :g เขียนดี เขียนดี มีสาระ Re: ไปติดจักจั่น

  4. #4
    แบ่งปันความรู้และประสบการณ์ สัญลักษณ์ของ Lerm ubon
    วันที่สมัคร
    Jan 2009
    ที่อยู่
    Chonburi-BASF The Chemical company
    กระทู้
    309

    Re: ไปติดจักจั่น

    ได้จักจั่นมาเเล้ว กะห่อใบกระโดน หย่ำ บ๊ะเเซบคัก::):

  5. #5
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1

    Re: ไปติดจักจั่น

    ยางที่ว่าเขาเอิ้นยางตังเด้อครับ การเฮ็ดตังติดจั๊กจั่นกะมีหลายสูตรตามแต่หลท้องที่ ที่หลักๆกะใช้ยางไฮ ยางเดือ ยางต้นกุง เวลาไปติดระวังมันเงี่ยวใส่ตาเด้อ สำหรับเมนูเด็ด ตำจั๊กจั่น เมี้ยงจั๊กจั่น คั่วจั๊กจั่น

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728

    Re: ไปติดจักจั่น

    ทางนี่กะมักไปติดจั๊กจั่นคือกันอยู่..แต่กะมักกินปานได๋

  7. #7

    Re: ไปติดจักจั่น

    ทางนี่บ่อเคยไปติดเลยครับแต่กะเคยจับมากี่กินยุครับมื้อบ้านสงกรานต์กะลองเฮ็ดมากินนำแน่เด้อครับ

  8. #8

    Re: ไปติดจักจั่น

    เมืออาทิตย์เลิกงานตอนแลง ๆ จ้า มีจั่นฮ้องระงมเลยจ้า พอดีมีป้ายหนึ่งตั้งอยู่ข้างถนนมีจักจั่นตัวหนึ่งจับอยู่ เด็กน้อยเข้าไปไกล้ ๆ มันะจบ่ยอมบินหนีแมะ เด็กน้อยกะเลยเอามือไปคลุบมันได้นำแมะจ้า จับได้ด้วย ว่าสิเอามาถ่ายรูปแล้วล่ะ แต่มันคงตกใจจ้า ดิ้นมักแฮงเลยจ้า เด็กน้อยย้านปีกมันขาดกะเลยต้องปล่อยมันไปจ้า เสียดายอยู่นะ แต่สงสารมากว่า ...ง่วงเลย ไปนั่นเป็นจักจั่นก่อนนะ อิอิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •