หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: เรื่องเล่าหน้าแล้ง

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    เรื่องเล่าหน้าแล้ง


    ฮ้อนเน๊อะค่ะพี่น้องเมืองกรุงฯนี่จั่งแม่นฮ้อน ฮ้อนแท้ฮ้อนคัก บ่ฮ้อนแต่ยามมานั่งอยู่หม่อง

    เฮ็ดงานนี่ล่ะค่ะ มื่อเซ้าโทรศัพท์เมือถามข่าวเฒ่าแม่ค่ะ พวมกินข้าวเช้าว่าซั่นค่ะ ถามว่าได้

    กับหยัง อ่อมหวายกับคั่วแมงกิ๊นูนว่าซั่น หวายกะหวายซื้อเอาดอกค่ะ แมงกิ๊นูนกะมีผู้เอา

    มาให้ ได้กินกับลูกใทบ้านกะยังว่าค่ะ ลูกเจ้าของกะหนีจากเบิด พุ่นแล่วค่ะเพิ่นจ่มให้น้อง

    เขมฯ น้องเขมฯกะคึดอยากกินนำเพิ่นคือกันค่ะ หวายบ้านน้องเขมบ่แม่นหวายเป็นเครือเด๊

    ค่ะพี่น้อง เป็นหวายพุ่มอยู่นำป่าละเมาะ เกิดเป็นกอ ยามไปสับมาแกงเพิ่นกะสิเลือกเอา

    ยอดใหญ่ ๆ ค่ะ แม่นแท้ยามไฟใหม้ป่าแล้วฝนตกฮ่ำหวายป่งใหม่สิมีแต่ยอดใหญ่ ๆ ค่ะ

    ขมอ่ำล่ำดีคักค่ะ แกงใส่น้ำยานาง ข้าวเบือข้น ๆ ใส่แมงกุดจี่ แมงกิ๊นูนนำค่ะ เฒ่าแม่น้อง

    เขมฯยามอ่อมหวายเพิ่นใส่สู่แนวค่ะ เพิ่นสรรค์หาแนวกินบ่ค่อยคือใทบ้านดอกค่ะ ไข่มด

    แดงแหน่ ผักหวานแหน่ แมงกิ๊นูนแหน่ แกงใส่ค่ะ เคยไปสับหวายนำเพิ่นเทื่อหนึ่งสับมา

    เบิดค่ะ ยอดน้อยยอดใหญ่ เฒ่าแม่ฮ้ายว่า “สิกินเทื่อเดียวนี่ซ่ำบ้อคือสับเป็นตามันดับแนว

    แท๊..” แต่เดียวนี้กะดับแนวเบิดล่ะค่ะ เพิ่นถางป่าละเมาะปลูกยางกันเบิดค่ะ เดียวนี่ยามสิ

    กินแกงหวายกะต้องหาซื้อนำตลาดเอาค่ะ จั่งแม่นคักคนสมัยนี่ เว้าพื้นแมงกิ๊นูนกะหาง่าย

    เด๊ค่ะ ค่ำมายามหน้าแล้งแนวนี่ได้โคมไฟกับสาดปูใต้ฮ่มขามโลดค่ะ บ่แม่นไปปูสาดนอนเด๊

    ค่ะ ไปสั่นแมงกิ๊นูนค่ะ ต้นหมากขามต้นได๋มีใบอ่อนปกใหม่ แมงกิ๊นูนมักสิมากินค่ะ ปูสาด

    ใต้ต้นหมากขาม ผู้หนึ่งกะขึ้นสั่นหง่าขามค่ะแมงกิ๊นูนกะสิตกลงในสาดนั่นล่ะค่ะ เก็บง่าย

    ค่ะ คันบ่ปูสาดมันกะสิหม่นนำหญ้าเก็บยากค่ะ คืนหนึ่งได้เป็นคุถังพุ่นค่ะได้แมงกิ๊นูนมา กะ

    สิเด็ดปีก คั่วใส่เกลือจั๊กหน่อยค่ะ กินกับข้าวกะแซ่บดีค่ะ กินเล่นกะดีค่ะ เป็นกับแกล้มกะ

    เยี่ยมค่ะ เมือบ้านสงกรานต์ถ้ามีโอกาสได้ไปสั่นแมงกิ๊นูนสิเอาบรรยากาศมาฝากเด้อค่ะ

    อยากเฮ็ดอ่อมหวายไปฝากพี่น้องบ้านมหาอยู่หาดคูเดื่อคือกันค่ะ แต่เบิ่งซงสิหาซื้อยากค่ะ

    พี่น้อง อั่นเฒ่าแม่น้องเขมฯ กว่าสิได้กินกะสั่งคะเจ้าหลายมื่อค่ะ กว่าคะเจ้าสิหามาขายให้

    ได้ค่ะ บ่มีแนวจ่มสู่พี่น้องฟังเลยเว้าเรื่องอ่อมหวายกับคั่วแมงกิ๊นูนให้ฟังค่ะ
    ::)::)

  2. #2
    แบ่งปันความรู้และประสบการณ์ สัญลักษณ์ของ Lerm ubon
    วันที่สมัคร
    Jan 2009
    ที่อยู่
    Chonburi-BASF The Chemical company
    กระทู้
    309

    Re: เรื่องเล่าหน้าแล้ง

    ไปสั่นแมงกิ๊นูน กะระวังงูเขียวตกลงมาใส่เเหน่เด้อ::)

  3. #3
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075

    Re: เรื่องเล่าหน้าแล้ง

    เว้าพื้นไปสั่นแมงกิ๊นูน นี้ผมกะเคยไป ยุ ครับเอาสาดไปปูไต้ต้นแล้วกะนอนเลยครับ ::) บรรยากาศมันให้เด้เนาะ ::)
    ไต้แสงดาวแสงเดือน มันหาบ่ได้เด้ เมืองกรุง ::) ::) ได้หลายคักตามต้นหมากม่วงน้อยกะมีเด้อ เว้ามาคิดฮอดสมัยเป็นบ่าวแวง......... :g

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728

    Re: เรื่องเล่าหน้าแล้ง

    อ้ายกะเป็นคนบ้านนอกคือกัน แกงหวายนี่ยังบ่อทันเคยกินเลย (อยู่บ้านเฮาทุกมื่อนี่ของกินมีแต่ซื้อเอาเด้อสว่นมาก)....แต่ว่าแมงกินูนกะเคยไปไต้เป็นประจำ สิมักกินแต่โตน้อยๆโตใหญ่ๆบ่อค่อยมักปานได๋.. ปูสาดไต้ห่มขามกะมักแต่ยามกลางเว็นนั่นล่ะ ปูแล้วกะตั้งวงเลย..::)::)แม่นบ่อบ่าวจัย

  5. #5
    แบ่งปันความรู้และประสบการณ์ สัญลักษณ์ของ Lerm ubon
    วันที่สมัคร
    Jan 2009
    ที่อยู่
    Chonburi-BASF The Chemical company
    กระทู้
    309

    Re: เรื่องเล่าหน้าแล้ง

    Re: เรื่องเล่าหน้าแล้ง กระทู้ต้นฉบับโดยคุณ คนตระการ... Re: เรื่องเล่าหน้าแล้ง
    อ้ายกะเป็นคนบ้านนอกคือกัน แกงหวายนี่ยังบ่อทันเคยกินเลย (อยู่บ้านเฮาทุกมื่อนี่ของกินมีแต่ซื้อเอาเด้อสว่นมาก)....แต่ว่าแมงกินูนกะเคยไปไต้เป็นประจำ สิมักกินแต่โตน้อยๆโตใหญ่ๆบ่อค่อยมักปานได๋.. ปูสาดไต้ห่มขามกะมักแต่ยามกลางเว็นนั่นล่ะ ปูแล้วกะตั้งวงเลย..::)::)แม่นบ่อบ่าวจัย

    ปูสาดสั่น ไฮ-โล เเม่นบ่ทั่น::)::)::)

  6. #6
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876

    Re: เรื่องเล่าหน้าแล้ง

    สุดยอดจ้า น้องเขมฯเล่าเรื่องได้ละเอียดมาก นี้ละครับชีวิตการกิน การอยู่ ของพี่น้องไทอุบล แท้ๆ กระทู้ต่อไป ขอเรื่องไปซ้อนฮวกกบ หรือว่าเรื่องไปหาแหนงหน่อไม้ไฟไหม้ แหน่เด้อน้องหลิน อิอิๆๆ อ้ายสิติดตามผลงาน

  7. #7

    Re: เรื่องเล่าหน้าแล้ง

    แนวแซบตั้วนิครับแกงหวายใส่กี่นุ่นครับขมอำลำดีครับหวายทางร้อยเอ็ดบ่อค่อยมีดอกครับคะเจ่าซิเอามาทางอุดรพู้นละเป็นหวายเป็นกอคือกันนี้ละครับ

  8. #8

    Re: เรื่องเล่าหน้าแล้ง

    บ่ได้กินคั่วแมงจีนูนโดนแล้วจ้า โดนจนจำบ่ได้รสชาติเป็นแบบใด๋จ้า อิอิอิ ส่วนหวายเคยกินแล้วจ้า น้องอยู่กาฬสินเพิ่นแกงให้กินจ้า แซบจ้า แต่กินโดนแล้วจำรสชาติบ่ได้เช่นจ้า ::)

  9. #9
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: เรื่องเล่าหน้าแล้ง


    สุดยอดครับ ฝีมือน้องเขมฯ ในการแ่ต่งเรื่อง กะแจ่มคือเก่าเนาะ
    นี่ขนาดเว้าเรื่องแกง หวายกับขั่วแมงจินูน ซื่อ ๆ กะดาย

    อั้นมาซ่อยอ้าย แต่งเรื่องสั้นแน่เด้อหน้องหล่า แต่งไป แต่งมากะขี้คร้านหล่ะ
    ฝีมือคือจั่งตกแตะแซะแมะ (เจ๊บเป็นตาหน่าย ตกหว๋า) ว่าสิส่งเรื่องต่อให้น้องเขมฯ
    ไปจัดการยุ ไปซ่อยอ้ายแนะเรื่องสั้น "ความรักของครูบ้านนอก" เด้อน้องหล่า

    ฮ่า ๆ ๆ มาเป็นกำลังใจซั่นดอกหว๋าาาาาาาา

    ::)

  10. #10
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    Re: เรื่องเล่าหน้าแล้ง

    Re: เรื่องเล่าหน้าแล้ง กระทู้ต้นฉบับโดยคุณ บ่าวโจ่โล่ Re: เรื่องเล่าหน้าแล้ง

    สุดยอดครับ ฝีมือน้องเขมฯ ในการแ่ต่งเรื่อง กะแจ่มคือเก่าเนาะ
    นี่ขนาดเว้าเรื่องแกง หวายกับขั่วแมงจินูน ซื่อ ๆ กะดาย

    อั้นมาซ่อยอ้าย แต่งเรื่องสั้นแน่เด้อหน้องหล่า แต่งไป แต่งมากะขี้คร้านหล่ะ
    ฝีมือคือจั่งตกแตะแซะแมะ (เจ๊บเป็นตาหน่าย ตกหว๋า) ว่าสิส่งเรื่องต่อให้น้องเขมฯ
    ไปจัดการยุ ไปซ่อยอ้ายแนะเรื่องสั้น "ความรักของครูบ้านนอก" เด้อน้องหล่า

    ฮ่า ๆ ๆ มาเป็นกำลังใจซั่นดอกหว๋าาาาาาาา

    ::)

    ป้าดด.......อ้ายบ่าวโจ่โล่คือเว้าให้น้องเขมฯอยากอายแท๊น้อบาดนี่ น้องเขมฯกะเว้าแต่เรื่องที่ประสบมาเองค่ะ บ่ได้แต่งบ่ได้ใช้ความสามารถอีหยังดอกค่ะ ความรู้บ่หางอึ่งคือน้องเขมฯกะได้่ซ่ำนี่ล่ะค่ะ โอ๊ยน้อ ซ่างมาย่องน้องเขมฯคักแท๊ค่ะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •