กำลังแสดงผล 1 ถึง 3 จากทั้งหมด 3

หัวข้อ: ยาดี 3 เม็ด

  1. #1
    ลูกอีสาน ล้าน%
    Guest

    ยาดี 3 เม็ด

    มื้อนี้ผมสิมาเว้านิทานก้อมสู่ฟังเด้อครับ ได้ฟังจากพ่อใหญ่สมัยเกี่ยวข้าวรับจ้างครับ

    เรื่อง ยาดี 3 เม็ด (ทะลึ่งนิดๆครับ)

    ผัวกับเมียคู่หนึ่ง แต่งานกันมากะหลายปีครับ แต่ว่าบ่เคยได้มีหยังกันจัีกเทื่อ ย้อนว่าของผัวเผิ่นบ่สู้ จนเมียอดบ่ไหว เอ่ยปากว่า...เฒ่าอันนี้ เจ้าไปหายาดีๆ มากินแหน่เป็นหยัง...เหลืออดเหลือทนแล้วได๋ ผู่ผัวกะเลยออกไปหายามาปลุกของเผิ่นซั่นแล้วครับ

    ได้ข่าวว่าทางเขมรมีหมอยาเก่งๆอยู่ กะเลยเดินทางไปขอซื้อยาปลุก....เผิ่น พอไปฮอดกะถามซื้อเลยแล้ว (เผิ่นกะสิอดบ่ไหวซั่นตี้)

    ผู่ผัว : หมอ ขอยากินแล้ว แ.็งแหน่ครับ
    หมอยา : เม็ดละหมื่น สิเอาจักเม็ดหล่ะ
    ผู่ผัว : เอาสามเม็ดครับ
    หมอยา : เอ้า นี่ยาสามเม็ด
    ผู่ผัว : ใซ้จั่งได๋ครับ สิได้ผลติ๊
    หมอยา : เอ้า กะลองเบิ่งติ๊หล่ะ กินยาเข้าไปเบิ่งเม็ดหนึ่ง
    ผู่ผัว : (กินยาทันทีเลยครับ) แน่ะ คือซื่อๆอยู่
    หมอยา : ถ้าอยากให้แ็..็.ง เจ้าต้องฮ้อง "ปี๊ดดดดดด" ถ้าอยากให้อ่อนกะ "ปี๊ดๆ"
    ผู่ผัว : ปี๊ดดดดด

    โฮ้วพี่น้องเอ้ย ของเผิ่นหล่ะ แ..็.ง เก่เด่กะยังหว่า พอเผิ่นฮ้อง ปี๊ดๆ มันกะอ่อนยวบ โลด

    ดีใจคัก เหลือยาอยู่สองเม็ดฟ้าวเมือเฮือนทันทีเลยกะยังว่า

    มาฮอดเฮียนแล้วเผิ่นกะไล่เมียเข้านอนเลย ::) ::)

    เฒ่าขึ้นเฮือนๆ มื้อนี่ได้แหน่นอน ผู่เมียกะฮู้ดีครับ ฟ้าวอาบน้ำขึ้นเฮือนทันที
    ผัวกะคลานเข้าไปหาซั่นแล้ว..กินยา กึ๊บ เม็ดนึง ฮ้อง "ปี๊ดดดด" โฮ..ขึ้นทันตากะยังหว่า
    พวมสิเข้าไปหาเมีย รถขายบักแตงโมแล่นผ่านหน้าบ้าน บีบแตรไล่หมา "ปี๊ดๆ" ฟังแต่ว่า ของผัวเผิ่นหล่ะอ่อนยวบ....ตายแล้วทีนี่เหลือเม็ดเดียว

    ผัวกะเลยบอกเมียว่า เฒ่าๆ ไปนาดีกว่่าเฮาจั่งสิบ่มีรถ ว่าซั่น เมียกะแต่งข้าวของย่างลงท่งกับผัว

    พอฮอดเถียงนา กะจัดเจียงหม่องเผิ่นนั่นหล่ะหวา เมียเผิ่นกะนอนถ่าเลยเด๊ะ ผู่ผัวกะคิดในใจเนาะ เสร็จแท้ๆ เงียบดีปานนิ

    กินยาเม็ดสุดท้ายเข้าไปแล้วบานนิ ฮ้อง "ปี๊ดดดด" ยังได้ผล พี่น้อง ขึ้นคือเก่า คลานก้อยๆไปหาเมีย เมียเผิ่นผัดฮ้องขึ้นว่า "ห่า..ึงเอ้ย สิเฮ็ดหยังกะบ่เฮ็ด ฮ้อง "ปี๊ดๆ" อยู่หั้นหล่ะ" ( ::) ::) ::) ) ฟังแต่ว่าของผัวเผิ่นหล่ะอ่อนยวบบบโลดทีนี่หน้าเฮ็ดซ้อยม่อยอยู่ เบิ่ดเลยเงินสามหมื่น ฮอดบ่ได้ซูนหยังเมียซ้ำ.... ::) ::) ::) จบบริบูรณ์ครับ


  2. #2
    เจ้าหน้าที่ประชาสัมพันธ์ สัญลักษณ์ของ หล่อร้อยเมตร
    วันที่สมัคร
    Feb 2007
    กระทู้
    1,808

    Re: ยาดี 3 เม็ด

    อิอิ หาแต่ใช้ยาย๊างงงครับ อิอิ ถามอ้ายบ่างเซียงน้อยพุ่นสูตรหนะ
    คาดสิได้ลอยมาคือปลาเน่า ... สั่นแล๊ววว

  3. #3
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209

    Re: ยาดี 3 เม็ด

    ยาเพิ่นกะจั่งแม่นราคาแพงเนาะ. ..บ่าวจัยกะมีเด้อยานั่น อิอิ //.กะทู้นี่บ่อมีผู้สาวเข้ามาอ่านดอก อิอิ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •