กำลังแสดงผล 1 ถึง 9 จากทั้งหมด 9

หัวข้อ: ไปเกี่ยวหญ้าดง...หาเผิ่งมิ้ม

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    ไปเกี่ยวหญ้าดง...หาเผิ่งมิ้ม


    ได้ข้าวเที่ยงกับหยังกันแหน่น้อพี่น้องบ้านมหา มื่อนี่น้องเขมฯออกไปกินข้าวร้านไก่ย่างเขา

    สวนกวางมาค่ะ เห็นคะเจ้าเอาน้ำเผิ่งมาขาย แนมเบิ่งกะฮู้แล้วค่ะว่าน้ำตาลต้ม แต่พ่อค้า

    เพิ่นกะยืนยันว่าเป็นของแท้ ๆ อั่นเห็นฮังเผิ้งมิ้ม เพิ่นเอามาโชว์กะเก่า ๆ คือสิเก็บมาแต่เหิง

    แล้วเบิ่งซง เห็นฮังเผิ่งมิ้ม กะคึดพ้อแต่น้ิองเขมฯเป็นเด็กน้อย(อีกแล้ว::)) พ่อใหญ่น้อง

    เขมฯเพิ่นเป็นนายฮ้อย ซื้องัวมาไว้คอกหลาย ๆ ไว้ถ่าขายระหว่างที่ยังขายบ่ได้กะต้องเป็น

    หน้าที่ลูกหลานต้องเลี้ยงงัวตั่วค่ะบาดนี่ ฮอดยามดำนาแล้วข้าวพวมสิเขียว เพิ่นกะแฮ่งซื้อ

    ไว้คอกหลาย หม่องเลี้ยงงัวกะบ่ค่อยมี กะเลยต้องพากันเข้าดงหาเกี่ยวหญ้าตั่วค่ะ หญ้าใน

    ดงกะมีแต่หญ้าต้นสูง ๆ คาย ๆ นั่นแหม๋ จั๊กซื่อว่าหญ้า่หยังดอกค่ะ อยู่นำไฮ่หมากแตงโม

    ของคะเจ้านั่นค่ะ น้องเขมฯกะขี้คร้านเกี่ยวหญ้าที่สุดดดดด::)::) หาลายหลอยซั่นแหล่ว

    บาดนี่ ไปหาฮังเผิ่งมิ้ม นำป่าหญ้านั่นล่ะค่ะ เผิ่งมิ้มสิโตน้อย ๆ เฮ็ดฮังนำต้นไม้น้อย ๆ ตอด

    กะบ่เจ็บหลายพอทนอยู่ค่ะ ฮังสีขาวมีแม่เผิ่งอยู่บ่หลายดอกค่ะ ฮังใหญ่แหน่กะสิซ่ำจานนี่

    ละค่ะ ฮังน้อยกะซ่ำฝ่ามือ หาง่ายค่ะนำไฮ่หมากโมมีหลาย น้องเขมฯกะมีปัญญาหากินแต่

    เผิ้งมิ้มนั่นล่ะค่ะ เผิ้งหลวงบ่กล้าย่านหลาย ไปเกี่ยวหญ้านั่นบ่ได้กินแต่เผิ่งมิ้มเด๊ค่ะ หมาก

    แข้งโขกะหลายคัก (บางท้องที่สิฮู้จักหมากแข้งโขบ่น้อ) เก็บมาได้เทื่อล่ะคุถังพุ่นค่ะ แนว

    มันอึดมัีนอยากเน๊อะค่ะสมัยแต่กี้ หมากแข้งโขสุก กะเป็นผลไม้ที่สุดยอดแล้วค่ะ หมาก

    ข้องแล่งแหน่ เก็บรวมกันมา อั่นยามไปเกี่ยวหญ้าน้องเขมฯบ่ได้ย่อนปานได๋ดอกค่ะ คาแต่

    หลอย ลักนอนเว็นนำป่าหญ้ากะปานนั้น ไปเกี่ยวหญ้านำไฮ่หมากแตงโมคะเจ้ากะบ่กล้าลัก

    หมากโมคะเจ้ากินดอกค่ะ ฉีดยาหลายคัก แค่ยืนอยู่กะวิงแล้วค่ะ อั่นเห็นเผิ่งมิ้มกะเลยคึด

    พ้อเลยมาเว้าให้ฟังซั่นดอกค่ะ.........::)::)::)::)::)

  2. #2
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: ไปเกี่ยวหญ้าดง...หาเผิ่งมิ้ม


    แม่นความน้องเขมฯ ว่าหนิหล่ะครับ สุมื้อนี้จักแม่นหลาย ซุมมาขายน้ำตาลต้ม กะดาย
    อันคนในเมือง กะจักแม่นพากันซื้อเนาะ ประสาคนประสพการณ์หลาย คือน้องเขมฯ หนิ
    คือสิขายยากยุดอกตี๋ อย่าไปหาส่อคะเจ้าหลายเด้อ ว่าจริง ๆ บ่จริงกะดาย คะเจ้าสิเว้า
    ผิดบท เด้อ

    ถามไป ถามมาหล่ะสิว่า เขาให้มาเว้าซ่ำนี้ ส่อหลายตอบบ่ได้ สิว่าหล่ะ

    ฮ่า ๆ ๆ เอา ๆ ว่าไปน้อง เขียนดียุดอกหล่อนหน่ะ

    ::)

    อ้ายกะนำมาเชียร์ หนิหล่ะ

  3. #3
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728

    Re: ไปเกี่ยวหญ้าดง...หาเผิ่งมิ้ม

    ...แต่เป็นเด็กน้อยเพิ่นคือสิหากินเก่งเนาะ.//
    แม่นแล้วผึ้งที่ขะเจ้าเอามาขายนั่น บ่อแม่นของแท้ดอก ของแท้นั่นหายากคัก เคยไปซื้ออยู่ฝั่งลาวแถวช่องเม็กกะบ่อแท้ แต่ว่าฮังผึ้งนี่คะเจ้าสิหวงคักเด้อขอซื้อกะบ่อขาย.. ถ้าขายไปแล้วกะถือว่าเบิดนากินเลย ..::) เพิ่นเอาไว้โชว์

  4. #4

    Re: ไปเกี่ยวหญ้าดง...หาเผิ่งมิ้ม

    เคยไปเอายุครับกะเป็นเด็กน้อยเอายาสูบเฒ่าพ่อไปเป่าลมขวัญมันให้มันเยาแต่ว่าคนเป่าเยาก่อนอิอิคะเจ่าว่ายามไปเอาอย่าเว่าว่ามันซิตอดมันซิตอดอิหลีให้ไปเอาซื้อๆๆถือมีดไปฟันเลยกะเคยลองยุครับมันกะบ่อตอดเด่ละครับแต่ฮังน้อยดอกครับตอนไปเอามักเอาน้ำหวานมันมาจ้ำกับข้าวครับ

  5. #5

    Re: ไปเกี่ยวหญ้าดง...หาเผิ่งมิ้ม

    เวลาเพิ่นสิไปเอามิ้ม แม่นเพิ่นกะสูบยาเส้นเป่าบ่ฮึ แล้วกะตัดเอาน้อ อิอิอิ แล้วมิ้ม กะผึ้งอันเดียวกันบ่ฮึ เด็กน้อย ::)

  6. #6
    ร่วมถ่ายทอดความรู้สู่สังคม สัญลักษณ์ของ บ่าวนิติกร
    วันที่สมัคร
    Nov 2008
    กระทู้
    163

    Re: ไปเกี่ยวหญ้าดง...หาเผิ่งมิ้ม

    ผู้ข้า แนะนำให้ซื้อน้ำผึ้งที่ขาเจ้าเลี้ยงตามฟาร์มครับ ได้ของแท้ ซุมหาบขาย ของขี้ตั๋ว
    แต่กะเคยซื้อกินยุครับ หลีโตนคนหาบ มีแต่คนบ้านเฮา

  7. #7
    ร่วมถ่ายทอดความรู้สู่สังคม สัญลักษณ์ของ แจ่มใสยิ้มสวย
    วันที่สมัคร
    Mar 2009
    ที่อยู่
    USA
    กระทู้
    1,014
    บล็อก
    18

    Re: ไปเกี่ยวหญ้าดง...หาเผิ่งมิ้ม

    ผึ้ง มิ้ม ผึ้งใหญ่ เดี๋ยวนี่หายากแล่วน่อ

    แต่อยู่บ้านมี คนเขามาขอที่เลี้ยงผึ้งอยู่เวลา หน้า ดอกงิ้วบาน ก็พอได้กิ๋นของแท้ หนำเขาอยู่

  8. #8
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940

    Re: ไปเกี่ยวหญ้าดง...หาเผิ่งมิ้ม

    มิ้มอยู่นำเขียงฮั่ว (รั้ว) ต้นบักเยา (สบู่ดำ) กะหลายเด้อจ้า

    ผึ้งหลวง โอ้ ฮัง (รัง) ใหญ่มากครับ เคยเห็นที่เขาดิน

    คาดว่าน้ำผึ้งน่าจะได้เป็นปี๊ป

    น้ำผึ้งแท้ ๆ ล้านเปอร์เซ็นต์ เราต้องไปเจอด้วยตัวเอง

    และเอามากับมือครับ

    เพราะคำว่าล้านเปอร์เซ็นต์คืออันที่ 1 ไม่ใช่ผึ้งเลี้ยง เป็นผึ้งที่หาน้ำหวานจากธรรมชาติ

    อันที่ 2 คือ เราไปเจอรังกับตาเราเองครับ เอิ๊ก ๆ ๆ ๆ

    ส่วนที่เห็นตามท้องตลาด น่าจะเป็นแบะแซ หรือเคี่ยวน้ำตาลมากกว่า

  9. #9
    ดูแลตรวจสอบเนื้อหา สัญลักษณ์ของ สาวส่าเมืองอุดร
    วันที่สมัคร
    Dec 2007
    ที่อยู่
    Hattiesburg, MS , USA
    กระทู้
    1,287

    รอบยิ้มพิมใจ Re: ไปเกี่ยวหญ้าดง...หาเผิ่งมิ้ม

    บ่เคยซื้อกินดอก แต่เคยเห็นพ่อค้าหาบมาขายขาย กะเถียงเผิ่นคือกันว่าตั้ว มีแต่เฒ่าแม่หล่ะเลาอยากได้กะซื้อให้ ซื้อให้แล้วกะมาจ่มนำก้นพ่อค้า ฮ่าๆๆๆๆๆ ::)::)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •