สงกรานต์ บ้านเฮา.....ฮึว่าอยูใสน้อ

**บ่าวจัย** · 31-03-2009, 08:54

เทศกาลงานสงกรานต์ใกล้เข้ามาแล้วครับพี่น้องผมอยากจะมีแนวมาบอกกล่าวพี่น้องหมู่บ้านมหาแนจักหน่อยครับ
การที่จะไปเที่ยวสาดน้ำกะให้ใส่เสื้อผ้าที่มันหนาแนจักหน่อยเด้อครับ อย่าสิให้เป็นคือในภาพนี้เด้อครับ
ดืมเหล้าคือกันครับ ตอนนี้มีกฏหมายออกมาใหม่
สงกรานต์ บ้านเฮา.....ฮึว่าอยูใสน้อ

ห้ามดื่มเหล้าหลังกระบะรถ ห้ามจอดรถข้างถนนแล้วดื่มเหล้า
แม้แต่จอดให้หมู่ลงไปยิงกระต่ายแล้วเฮาดื่มรอกะบ่ได้ครับ
สวนสาธารณะกะบ่ได้เด้อครับ บั๊มน้ำมันกะคือกัน อดไว้ไปกินยุบ้านเฮาเนาะครับ พ่อแม่เพิ่นเป็นห่วงเอาครับ
สงกรานต์ บ้านเฮา.....ฮึว่าอยูใสน้อ

เบิ่งเอาเด้อครับมีญาติไผ๋บ่ ::) ::) ::)
ระวังการแต่งโตนิดหนึ่งครับ เดียวมันสิเป็นข่าว ฉุดกระฉากลากถูอีก บ่อยากได้ยินข่าวแบบนี้อีกครับ
บ่าวจัยกะอยากสิฝากไว้แค่นี้ล่ะครับ
ขออนญาติอ้ายบ่าวเด้อครับ บางภาพอาจสิล่อแหลมไปนิด เพื่อใช้ในการบรรยายครับผม ฮิฮิฮิ

**พิณอิสระ** · 31-03-2009, 09:16

อีหลีแล้ว มันคักกว่านี้เด้ข่าน้อยว่า ตอนนี้สงกรานต์บ้านเฮากำลังกลายเป็นเทศกาลโชว์...สู่อันสู่แนว...แล้วเด้ เป็นตาเสียดายวัฒนธรรมที่ดีงามอีหลี ย้านแต่ลูกหลานจะของสิไปเป็นบ้านำเขานี้แหล่ว...มันสิคักหลาย

**พ่อบักเบนซ์** · 31-03-2009, 09:38

แถวบ้านพีกะมีแบบนี้ครับแต่ว่าหน้าตาสีผิว บ่เป็นแบบนี้ ::)::)::)

**เขมราฐ** · 31-03-2009, 10:55

เสียดายวัฒนธรรมเก่า ๆ เน๊อะค่ะ แต่น้อง

เขมฯเป็นเด็กน้อยฮอดมื่อเนาเฒ่าแม่ให้ตื่นแต่เช้า ตื่นสวยบ่ได้หนังหมาเน่าสิคลุม

หัวว่าซั่นค่ะ นึ่งข้าวไปวัดถวายจั่งหันแล้วกะสรงน้ำกระดูกบรรพบุรุษ กลับจากวัดกะ

เลาะหาตักน้ำให้ผู้เฒ่าอาบ พวกผู้ชายเพิ่นกะสิไปเลาะโคก บ่มีการต่ำหูก บ่มีการ

เลื่อยไม้ บ่มีการเฮ็ดเวียก มื่อเนาเป็นมื่อม่วน ตกบ่ายแก่เฮ็ดน้ำหอมไปสรงน้ำพระ

แล้วกะแห่ดอกไม้ เก็บดอกคูณ ดอกมันปลาเข้าวัด ฮอดยามกินข้าวแลงแล้วเอา

พระอยู่เทิงหิ้งในเฮือนเฮามาสรงน้ำ อยากสงกรานต์ทุกมื่อนี้เป็นแนวนี้ค่ะ

**บ่าวจัย** · 10-04-2009, 23:03

สงกรานต์ใกล้มาแล้วน้อ....ไผ๋ไปทางได๋แนน้อครับ เดินทางปลอดภัยเด้อครับ สิเล่นสิกินกะให้ระวังแนเด้อครับ
รถลาม้าช้างหลายคักช่วงนี้ เด็กน้อยเล่นน้ำสงกรานต์หลาย ขับรถให้ระวังเด้อครับ