อยากได้ผญาเกี่ยวกับความสามัคคี หรือหว่าเชิญชวนให้สามัคคีกัน ..พอสิมีบ่ค้าบบบ ขอบคุณล่วงหน้าคับผม
อยากได้ผญาเกี่ยวกับความสามัคคี หรือหว่าเชิญชวนให้สามัคคีกัน ..พอสิมีบ่ค้าบบบ ขอบคุณล่วงหน้าคับผม
อยากได้คือกันคับ ไผมีเอามาปัข่าน้อยนำแด๊
ผญานี้ ต้องร้อผู้เฒ่าเพิ่นเด้อครับ เดี๋ยวเพิ่นกะมาดอก ใหญ่ศรี อ้ายโป้ยก่าย อ้ายโจ่โล ละอีกหลายคนครับ เจ้าชายน้อยนี่กะเก่งเด้อเรื่องผญา บ่อแม่นกินเก่งเป็นแต่เหล้าเด๊...::)
โอยเนาะ..ให้เซามีแฮงก่อนเด้อท่านพี่น้อง..หัวกะเข้าาบ้านมหาได้ ให้อาวโจ่โล่ ซายน้อย โป๊ยก่ายเพิ่นว่าไปก่อนโลด
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
ลองเบิ่งครับ แต่งหัวตะแล้วอุ่น ๆ วั่งนั่นนิ ฝากพิจารณาแหน่
สามัคคีเสมอหมั่นฮักหอมกันสิได้ค่า
สิได้สุขเสมอหน้าทุกทั่วฟ่าสิซุ่มเย็น
ทุกบ่เป็น สิสุขล้ำ คือคำค่าสามัคคี
ผองสิสุขยินดี ถ้าเฮามีใจฮ่วมมารวมร่วมฮ่วมฮุม
ฮักรวมฮ่วมมาตุ้มซุมเข้าไว้ไทเดียวกัน
ฮักถนอมใจมั่นคือเกลียวค่าวหมั่นเหนียว
เข้ามาผูกกันเกี้ยว เป็นเกลียวเหนียวเชือกใหญ่
อย่าอยู่ยายกันไกลคือฝักด้ายบักหลอก
อย่าเป็นเปลือกปอปอก ลอกถิ่มไว้บ่มีค่า
ให้เข้ามาร่วมตุ้มหุ้มกันไว้เป็นสอบป่าน
เป็นป่าแกทนลมต้าน ทางลมฮานขนวนใหญ่
มารวมตุ้มสุมกันไว้ อย่ายืนต้นโดดเดียว
คำผญาหายากครับ มีแต่ในเว็ปบ้านมหาเฮานิล่ะครับสิหาจากไสบ่ได้อีกแล้วครับ:g:g:g
ไทยเมืองล้วนญวนลาวสิเฮืองหุ่ง
กัมพูชาย่างกุ้งสิหุ่งย้อนสามัคคี
ให้พ่อแม่พี่น้องครองกันให้หมั้นแก่น
เถิงพ่อแถนยุฟ้ากะเย็นย้อนสามัคคี
อันนี้เผียบเที่ยบไว้สาวนางบ่ได้อ่ง
บ่ได้หลงผิดบั้งทางสั้นเห็นแก่โต
สามัคคีคือมดน้อยเฮ็ดฮังอาศัยหมู่
แม่นว่าชูซ่อยได้งานช้างกะบ่เหลือ
ฮักกันนั้น ฮักกันให้หมั่นแก่น เป็นสายแนนสายนหน้าว คราวได้ดอกฮักหอม
หาความจริงเอามาพร้อม ยอมรับกับไมตรี เฮ็ดความดีต่อกัน ทุกวันอย่า
เพ ม้าง เฮามาพากันสร่าง สามคีให้มีต่อ ฮักกันน้อ นับกันไว้
ฮาสิได้ดอกเพิ่งพา มีปลาแดกขี้หล้า ให้ปั๋นป๋าเอามาแบ่ง ความฮักแพง
คือพี่น่อง พองได้ดอกแมนดี สามคีฮักหมั่น คนอีสานดอกคือเก่า
ให้พี่น่อง ลองคิดเอา เฮาฮักกันนั้นแท้ บอมีแน่ว่าสิจาง
เป็นหนทางให้เฮาฮู้ ให้มาคิดเบิงดู๋ คงสิฮู้หากยังเซื่อ
บอได้มีวันเบื่อ คั้นยังเหลือพีน่อง ให้มองไว้ดอกใส่ใจ
ฮั้นแหล่วพีน่องเอ้ย?
ฮ่วมใจมั่นให้โฮมกันตั้งต่อ เวียกถ่อภูจ้อก้อสิเสร็จได้ดั่งใจหมาย
คือดังกายเฮานี้มีมือแขนพร้อมผ่ำ หูตาพร้อมใจเจ้าสิสั่งงาน
บ่อระรานขัดข้องต่างคนทำหน้าที่สามัคีกันไว้ไผสิเว้ากะส่างตาม
อัศจรรย์ มื้อนี้ ครูใหม่ เปิดใจสอน
ว่าด้วนกลอน หนหลัง ให้หมู่คน ได้เห็นฮู้
ขอให้แก้ว ฮุ่นหล้า คืนคำ ครั้งเก่า
เสริมให้ไทย พี่น้อง เห็นแท้ เรื่องกลอน
Bookmarks