ปิ้งข้าวโป่ง/ข้าวเขียบ

[kapoloclikclik]

จักแต่ละบ้านเอิ้นกันจังได๋เด้อจ้า แต่ทางบ้านกะโปโลฯ เอิ้น ว่า ข้าวโป่ง แต่กะมีบางคนเอิ้นขนมข้าวเขียบ ทางบ้านเขาเฮ็ดบุญข้าวสาท เขากะเลยเฮ็ดส่งมาให้ปิ้งกินจ้า มีเฮ็ดกันบ่น้อจ้าทางบ้านแต่ละคน จ้า ที่ใส่เครือ ตดหมา น่ะจ้า จักเฮิ้นเครือตดหมาคือกันบ่ดอก แต่กะกินแซบเด้อ ..... มากินนำกันจ้า::)::)

[คนตระการ...]

..บ่อได้กินมาโดนแล้ว เป็นตาแซบอยู่ตั่วล่ะเนาะ..(บ่อมีภาพคนปิ้งไปนำบ่อ) กะโป::)::)

[เซียงเหมี่ยงเมืองสุรินทร์]

แซบ ๆ ครับ ข้าวโป่ง...
แต่ก่อนมีหนังกลางแปลง หรือ งานบุญ เฒ่าแม่ กะสิปิ้งขาย อันละบาท...
ก่อนสิได้ขาย เซียงเหมี่ยงฯ กะกินก่อนขายแล้วล่ะครับ...
คิดฮอดยามเป็นเด็กน้อยเด้ เห็น ข้าวโป่งแล้วกะดาย...

[บ่าวหนองคาย]

เป็นตาแซ่บแท้ เหลืองอุ่ยหุ่ยอยู่ ::)

[เมษา]

แถวบ้านเมษาเพิ่นกะเอิ้น ข้าวโป่งคือกันจ้า เป็นตากินเนาะ กรอบบบบบบบบบบ

[พล พระยาแล]

ตอนเด็กน้อยเคยกินครับ ตอนนี้กะกิน ต่อไปกะกินครับ

มื่อหลังมาปิ้งให้กินแนเด้อจ้า

[ติ๋ม เปอร์โย]

เอิ้นคือกันหละจ้า ข้าวเขียบ...เว้าแล้วบ่ได้กินมาเป็นสิบกว่าปีแล้วใด๋ จนลืมแหม๋....
ตอนเป็นสาวส่ำน้อยเคยไปซ่อยไทยบ้านเพิ่นตำอยู่ ตำยากแท้ๆเหนียว...
น้ำเคลือตดหมาสดๆนั่นคันเป็นตาหน่าย...แต่ยามข้าวเขียบแห้งแล้วเอาไปปิ้งมากิน...บ่คันแหม๋...จำได้คักบ่555++

[MADELA]

บู๊ย อยากกินเนาะ บ่ได้กินโดนหลายปีแล้ว ใส่เครือตดหมานำ แซบหลาย

[พิณอิสระ]

เฮ็ดข้าบเขียบบ่ใส่เคียตดหมา (ควมแม่นบ่ใช้เคียดอกล่ะ...เพิ่นใช้ฮากมัน..แต่กะเอิ้นฮวมกันว่าเคียตดหมา..(ย้ำ)..กะซ่ำว่าบ่แม่นข้าวเขียบ ผู้เฒ่าโบราณเพิ่นกะซ่างสรรหา เพิ่นว่าคนบ่ใส่ยามขางไฟ(จี่)มันสิบ่โพง กับบ่หอม (บาดเคียมันหั่นน๊า..บ่มีไผอยากไปต้องเลย..)

[khonsurin]

นั่งคุยไปกินข้าวโป๋งไป เป็นตาแซบอีหลีเด้อ