-- อ้ายฮักนางสู่มื้อ - -

[บ่าวโจ่โล่]

[Radio]jolo/Paya/missyoueveryday.wma[/Radio]



ฝนสิลาฟ้าสิแล้ง ดินแตกแหงกะตามซ่าง

บ่เคยวางหัวใจเจ้า อ้ายยังเฝ้า เบิ่งถนอม

ดอกกะยอมคันหอมกุ้ม ซุมผมนาง สิหอมกว่าบ่น้อ

หวานในคอ-น้ำตาลออ้ย สิหวานจ้อย ซ่ำเผิ่นจา-บ่ละนาง

แนวบ่จางปานจืดน้ำ นั้นคือความคิดฮอดอุ่น

คิดฮอดคุณทุกค่ำเซ้า คือความเว้านั่นอี่หลี

วันเดือนปีนี้ทางอ้าย หมุนข้างกายเจ้าบ่ห่าง

อ้ายฮักนางอยู่สู่มื้อ บ่สนซ้ำ ส่ำเวลา นั่นแหลว

ด้วยความขอบคุณ พิณอิสระ สำหรับแนะนำให้เปิดแคน ประกอบเสียงครับ

[sompoi]

.. สำเนียงเสียงคนอ่าน และเสียงแคนกะพร้อมแล้วอ้าย..แต่โตกลอนให้มันยาวกว่านี้อีกจักหน่อยกะดีจ้า..
..ให้พอๆกับเพลงๆหนึ่งกำลังดีจ้า..ร่ายออกมาคล้ายๆกับสาส์น หือ กลอนลาวกะแหล่มเด่ะอ้าย..แล่วกะอ่านคือผญาแบบนี้ล่ะจ้า..ไว้ให้คนไกลบ้าน (หรือแม้นคนใกล้บ้าน )ได้ฟังเนาะจ้า..ยามคําๆเนาะ..คึดฮอดบ้านเฮาตะหน่ายเด่ะนาง โอ้ะ..ส้มป่อยว่าอ่ะจ้า... คริๆๆ..

ปล..ควรบ่ควรแล้วแต่สิโปรดค้าบอ้าย..

[คนตระการ...]

แต่ละบท แต่ละกลอน ของอ้ายโจ่โล่นี่ ย้านมีคนไฮ่นำอยู่เด้อเศร้าคักแหม...

[บักหล่าลูกกก]

ขอต่อให้อ้ายโจ่อีกสามบทเด้อครับ

ขอเมตตาจากทางเจ้า เอาเข้าไว้ใส่ใจพี่
ทุกข์สุขดีให้สมเว่า ค่ำหรือเซ่าอย่าหน่ายหนี

เอาใจวีพัดฮ้อนเอ้า เอาใจเฝ่ากล่อมนางนอน
เอาอาทรเป็นแพรตุ้ม ห่วงหาหุ้มเจ้าอุ่นไอ

ทางแสนไกลสิย่างต้าน ลมแฮงฮานบ่หวั่นไหว
เพียงมีเธออยู่เคียงไกล้ ภูเขาใหญ่สิซะม่าง แปนทางไว้ให้ท่องเดิน

[pcalibration]

ขอแจมนำแหน่บ่าวโจ่โล่
***ผิดพลาดประการใดช่วยชี้แนะ***
"โอ่ยน้อ...ยามเมื่อฟังคำเจ้า พรรณนา อ้อยอิ่ง
ผู่ลังคน พออยากเหยียดคิ้งนิ่ง
ติ่งบ่ได้ย้อนคิดนำ....อ้ายเอ้ย....::)::)

[บ่าวโจ่โล่]

บ่ะ คอมเมนท์ แมะ มะคือกะด้อแท้หล่ะ อันเรื่องแต่ง กลอนหนิ
มันกะบ่ฮู้ว่ามื้อได๋ ได้สั้น ได้ยาวเด้อน้องเด้อ
คิดอยากเขียน มันกะเขียนเอาโลดหนิหล่ะ บ่ได้กะประมาณว่ามันต้องยาว ต้องสันท่อได๋เด้อ
ขอบคุณ สำหรับคำแนะนำเด้อ ไผกะดาย ขอน้อมรับฟังความเห็นสุคนเอาโลด

ฮ่า ๆ ๆ ขอบคุณครับ

::)

[เขมราฐ]

บ่มีคำบรรยายเลยอ้าย

[pui.lab]

เกิดมาพึงได้ฟังกลอนสดๆภาษาอีสาน ม่วนหลายๆค๊า :g

[nuzing]

แสง/สี/เสียง/สุดยอดคน/เอาอีกๆๆ มีหยังดีๆออกลายมาเลย
พี่น้องสิถ่ารอชมจ้า ขอบคุณที่นำมาแบ่งปันเด้อ :g

[xeep]

อั่นว่าความคิดฮอด...หรือคำว่า Miss you

มันกะคืออันเดียว แปลว่าเทียวคึดนำเจ้า

ซิเซ่าสาย งายข่าม ตกเข้าหว่างตะเว็นแดง..คำเอ้ย

กะบ่เคยลืมไล สาวคนไค ขวัญใจอ้าย

คึดนำหลาย แต่นางน้องซิใจจ่องใส่อ้ายซาย บ่น้อ

ย่านแต่บ่คึดซ่ำ ปล่อยยาอ้ายคึดผู้เดียว ซั่นดอก...