ผังผญา กลอนหก (แม่นบ่บุ๊)

[บักหล่าลูกกก]

เขาแม่นเพิ่นเอิ้นว่า กลอนหกบ่ครับแบบนี่

จากผญาที่ว่า

ฝนสิลาฟ้าสิแล้ง ดินแตกแหงกะตามซ่าง
บ่เคยวางหัวใจเจ้า อ้ายยังเฝ้า เบิ่งถนอม

ดอกกะยอมคันหอมกุ้ม ซุมผมนาง สิหอมกว่าบ่น้อ
หวานในคอ-น้ำตาลออ้ย สิหวานจ้อย ซ่ำเผิ่นจา-บ่ละนาง

แนวบ่จางปานจืดน้ำ นั้นคือความคิดฮอดอุ่น
คิดฮอดคุณทุกค่ำเซ้า คือความเว้านั่นอี่หลี

วันเดือนปีนี้ทางอ้าย หมุนข้างกายเจ้าบ่ห่าง
อ้ายฮักนางอยู่สู่มื้อ บ่สนซ้ำ ส่ำเวลา นั่นแหลว

วิเคราะห์หา คำคล้องจอง สัมผัสนอก สัมผัสใน เสียงพยางปิดบาท เบิ่งรูปตามแผนผังด้านล่าง


1 บทมี 4 บาท
1 บาทมี 6 (3+3) พยางค์ ยกเว้นบาทสุดท้ายของบท อาจเพิ่มมาอีก 3 เป็น 9 กะได้
คำสัมผัสในบาท ได้แก่ การเล่นอักษรซ้ำ(เช่น กอดเกี้ยวแก้มกาย อุกอั่งเอ้า พวกนี้แฮ่งมีหลายแฮ่งเฮ็ดให้กลอนม่วน) หรือ การใช้สัมผัสเสียงกะได้
การเลือกเสียงพยางค์ปิดท้ายบาทกลอนแบบนี้ได้หมดบ่ได้ลดทอนควมม่วนปานได๋

รบกวนท่านผู้รู้อีกล่ะครับ ผิดถืกประการได๋กะดาย