บักเหลี่ยม

**บักหล่าลูกกก** · 06-04-2009, 21:49

หน่วย คล้าย บักส้มมอ คล้าย ๆ มะดัน เป็นต้นไม่ยืนต้น ต้นสูงไหญ่ วิธีกินคือ ผ่ากินนวนที่อยู่ในเม็ดแข็งๆ มัน รสชาติ มัน คล้าย ๆ บักบก ต้องผ่านลายขวง แล้วเอาไม้จิ้มแข่วจิ้มกินเอา กินหลายเมาคือกันเด้อ ตะน้อย ๆ หล่าเคยกิน มันหล่นกาบดินยุ อยู่โรงเรียนประถม ครูเพิ่นพากิน (โรงเรียนบ้านนอก อิอิ) บ่มีรูปให้เบิ่งดอกครับ หายากซุมื่อนิ

**คนตระการ...** · 06-04-2009, 22:16

บ่อเคยเห็นครับ..สิแม่น บักพอก บ่อน้อ บ้านผมมีแต่บักพอกครับผ่ากินคือจั่งบักบก

**บักหล่าลูกกก** · 06-04-2009, 23:05

คือว่า นวนมันที่อยู่ในเม็ดนั่นสิบ่หลายคือบักบกครับ ต้องจิ้มกิน เอาเป็นฮู ๆ ขนาดใหญ่กั่วไม้จิ้มแข่ว อยู่จักหน่อยนี่ล่ะ หน่วยกะคล้าย ๆ บักกอกคือกัน แต่ผิวเรียบแล้วกะหน่วยน้อยกั่ว (ในของบักกอกกะผ่ากินนวนในเม็ดมันได้คือกันกับบักเหลี่ยมนี่ล่ะ)

**หนุ่มเมืองกาญจน์** · 06-04-2009, 23:17

เป็นไม้ยืนต้นขนาดใหญ่ หมากดิบสิสีเขียว หากเด็ดตอนดิบสิมียางสีขาวออกมา ยามสุกสิสีเหลือง ผ่าแล้วเอาไม้จิ้มกินนวนสีขาวข้างใน รสชาติมัน อร่อยมาก กระผมไปเลี้ยงควายโคกนั่งผ่าบักเหลี่ยมกินจนควายเสียยังว่า ต้นบักเหลี่ยมกะขึ้นง่ายเล่นหนอม่วนขนาด แถวบ้านผมมีหลาย แต่ถูกลักลอบตัดไปหลายคือกัน ส่วนบักพอกนั้นแถวบ้านบ่นิยมกินครับมันเมา

**siranee** · 07-04-2009, 00:53

แม่นหน่วยเขียวๆเหลี่ยมๆ ที่เอามาผ่ากินในนั่นแม่นบ่จ้า
ในมันๆแซบๆจักน่อยคั่นแม่นหมากเหลี่ยมคือว่านี่กะเคย
ฮู้จักอยู่จ้า ผ่ากินจนมีดบาดมือตอนเป็นเด้กน้อย ไปเก็บ
มาจากเดิ่นวัดหลายๆๆๆ ::)::)::)