- -* หยิบดาราดวงใหญ่น้อย คอยกำไว้ถ้าไส่มือ *- -

[xeep]

[Radio]jolo/Paya/HHpaya.wma[/Radio]


เก็บตะเว็น เข็นเอาฟ้า ชูจันทราพาแสงส่อง.........โฮยดาวกองกลื่นฟ้า พอให้จ้าระยับแสง

ขอเอาแฮงวาโยฮ้าย พัดกระจายสายลมผ่าน.........เป่าสายน้ำตามสายธาร หว่านเป็นหมอก ออกทั่วหล้า พรมต้นหญ้าทั่วแผ่นดิน

เสียงโผผิน บินโบยโบก กะคือนกสักกุนา...........ฮ้องเอิ้นกัน-กลับ-เคหา สั่งปูปลา ธารา น้ำ

มาลางาม ตามคันห้วย ดอกสลวย สวยสง่า...........หลบภมรซ่อนสายตา นำพฤษาแมกไม้ วายุไล้กลิ่นระเหย

หอมรำเพยดอกคัดเค้า หอมบ่เซาดอกสะมั่ง...........ความมืดมิดเข้าปิดบัง แสงเหลือยังส่องใต้ ไฟหิ่งห้อยปล่อยตะเกียง

ได้ฟังเสียงจิ้งหรีดน้อย คอยบรรเลงเพลงกล่อมป่า........แว่วนกฮูก กูกมาหา บอกเวลาว่าค่ำค้อย เดือนดาวน้อย ค่อยส่องแสง

เหลือใจแฮงคันเป็นได้ คือจั่งใจอ้ายฝันว่า.. .........พออยากสมปราถนา หยิบดารา ดวงใหญ่น้อย คอยกำไว้ ถ้าไส่มือ น้องสาวเอ๊ย

::)

เสียงดังหลาย กะอย่าว่ากันเด้อครับพี่น้องครับ ม่วน บ่ม่วน กะพิจารณากันเอาเด้อครับผม

[MUSIC][/MUSIC]

:gอ้ายบ่าวโจ่โล่ เอ้ย....

ให่สมหวังเด้ออ้าย เจ้าผู่จ่ายผญาซึ้ง

ให้ได้ดึงดาวไว้ เดือนได้ใส่ในกำมือ เด้อครับอ้าย

ซิได้มีแฮงท้าย พอได้จ่ายผญาต่อ

พอให้บักหำน้อย ... ผู้นี่ได้ม่วนใจ ซั่นดอกว้า

[xeep]

***เดือนบ่เคยหว่างเว้น ลอยเด่นเทิงนภา
***ดวงดาราบ่เคยไกล ลาไลจากผืนฟ้า
***ดวงตะเว็นกะบ่เคยหลบหน่า หายตาซ่อนหน่วย ผู้สาวเอ้ย
***คือโตอ้าย กะบ่มีทางเมื่อย คอยความฮักจากนางน้อง คองถ่าอยู่สู่แลง.......เด้อจ้า

[COLLETTE]

มักเสียงแคนจ้า คึดฮอดบ้านเด้ ค้อยเน๊าะอ้ายเน๊าะ

[ต่าย]

โอ้น้ออ้ายเอ้ย....:heart:
เหลือใจแฮงเด้ละอ้าย.นางบ่หมายอยากได้ดาว..
จอบเห็นสาวข้างอ้าย...ใจสลายแต่พู้นมา

แนววาจาพาใจป่วน..บ่คึดม่วนอกกลัดหนอง..
ปากอ้ายบอกว่าฮักน้อง..มารอจองเป็นแรงใจยามใด๋สิได้พ้อละน๊อ..

ให้มาขอแต่ปีกลาย..บ่เห็นอ้ายมิดซีลี่..
นางทนรออยู่เบิ้ดปี..บ่เห็นมีวี่แววอ้าย

คึดอยากอายไทบ้าน..รอขึ้นคานย้านเด้น๊อ..
ฟ้าวเด้ออ้ายนางยังรอ..บ่ขอฮักไผ๋นอกจากอ้าย..

หยิบดาราดวงใหญ่น้อย..มาเรียงร้อยใส่มือนาง
เปลี่ยนเป็นฮักบ่จืดจาง บ่ลาร้างได้บ้อละอ้าย..

ดาวดวงใด๋ในผืนฟ้า..บ่ปรารถนาคือญาพี่..ดาวดวงเดียวในใจนางนี้..
คือญาพี่ผู้เดียวเด้อชาย.......:heart:
c06:....c06:....อิ อิ

[พิทักษ์]

สุดยอด สุดยอด