กำลังแสดงผล 1 ถึง 4 จากทั้งหมด 4

หัวข้อ: -- สงกรานต์ปีใหม่ 2552--

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    -- สงกรานต์ปีใหม่ 2552--


    -- สงกรานต์ปีใหม่ 2552--
    [Radio]http://baanmaha.us/jolo/Story/songkarn.wma[/Radio]

    วัฒนธรรมอันสูงค่า ภูมิปัญญาอันสูงส่ง ซ่อยดำรงค์คงอยู่หมั่น ลูกหลานนั้นได้ส่งเสริม

    ตั้งแต่มื้อแรกเริ่ม เดิมเก่าเฮาอิสาน บุญสงกรานต์ท่านสมมา เตรียมจัดหาแนวสรงน้ำ

    ซ่อยกันหามนกแขกเต้า พระพุทธรูปเก่าอยู่ในสิม พร้อมแผ่นพิมพ์ฮองขา พระพุทธามาเตรียมตั้ง

    พร้อมอีกทั้งชาวบ้าน มีฮ้านพระไว้ลงสรง พุทธรูปแต่ละองค์ กะวางปงถ้าสรงน้ำ

    พอฮอดยามแห่ตุ้ม รวมกลุ่มซุมเฮาไป ฟ้อนม่วนหดน้ำใส ไส่น้ำอบนพมือตั้ง

    ขอเฮายังสุขขีหมั่น ฮักแพงกันดอกคือเก่า ประเพณีตั้งแต่เค้า ขอเฮาได้ไว้คู่เฮือน

    สามมื้อเตือนเอื้อยอ้าย ก่อกองทรายป้ายปักไส่ ดินที่ลูกเหยียบออกไป จากวัดได๋ขอส่งเข้า ธรณีสงฆ์เจ้าลูกส่งคืน ซั่นแหลววววว

    -- สงกรานต์ปีใหม่ 2552--

    บุญสงกรานต์บ้านผม ตามธรรมเนียมของงานสงกรานต์ มื้อแรกวันเนาชาวบ้านสิซ่อยกันไปวัด ขนพระพุทธรูปลงจากสิม (ลงจากโบสถ์)เอามาตั้งเรียงไว้ไส่แคร่

    ด้านหน้าสิม ตั้งเรียงรายกัน เอาไว้อาบน้ำสรงน้ำในเทศกาลปีใหม่บ้านเฮา จากนั้นเผิ่นกะสิพากันสร้างซุ้มหน้าบ้าน นำถนนหนทางเส้นกลางบ้าน พากันเอา

    พระพุทธรูปของเฮือนไผ เฮือนมันไปวางไว้โฮมกัน(รวมกัน)ในซุ้ม จากนั้นกะพากันเฮ็ดน้ำอบน้ำหอม จากนั้นประมาณบ่ายสี่โมง กะสิพากันไปรวมโตกัน

    อยู่ศาลากลางบ้าน จากนั้นกะแห่พระพุทธรูป สาดน้ำสรงน้ำพระนำซุ้มของแต่ละบ้าน แห่จนรอบบ้านซ่อยกันสรงน้ำทั่วหมู่บ้านแล้วกะไปเลยไปสรงน้ำอยู่วัด

    จากนั้นกะแล้วแต่ม่วนไผ ม่วนมัน ส่วนมื้อถัดไปกะไปสรงน้ำพระอยู่วัดสุแลง มื้อที่สามเผิ่นสิพากันหอบหิ้วดินทราย ไปสร้างปราสาททรายกันในวัด

    ม่วนกุบเนาะครับ เผิ่นมีความเชื่อว่าในแต่ละปี เฮาพากันเหยียบเอาดินออกไปนอกวัด วันสงกรานต์แล้วเผิ่นกะพากันหิ้วเอามาคืนไส่วัดคือเก่าครับ

    -- สงกรานต์ปีใหม่ 2552--


  2. #2
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    Re: -- สงกรานต์ปีใหม่ 2552--

    :g:g อ้ายโจ่ จั่งแม่นเพิ่นเว้าหยัง พิมพ์หยังกะดูดีไปเบิดเน๊อะ

  3. #3
    ศึกษาหาความรู้
    วันที่สมัคร
    Jan 2009
    กระทู้
    30

    Re: -- สงกรานต์ปีใหม่ 2552--

    มาเด้อพี่น้องน้อย มาโฮมซ่อย มาเอาบุญ

    ตรุษสงกรานต์ งานบุญ มาซ่อยหนุน มาซ่อยค่ำ

    สาดน้ำกัน สนุกเล่น อย่าให้เป็น น้อลายต่าง

    ประเพณีซิม้าง พ่อแม่สร้าง แต่เก่ามา

    ซ่อยรักษา กันไว้ คนรุ่นใหม่ ได้สืบสาน เด้อท่าน..

    ให้ตำนานเดิมเค้า...ได้ยั่งอยู่คู่แผ่นดิน...

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728

    Re: -- สงกรานต์ปีใหม่ 2552--

    :g:g:gสวัสดีปีใหม่ไทยครับ....เที่ยวให้มว่นๆเด้อพี่น้อง ขอให้ระมัดระวังในการเดินทางครับรถหลายๆ ..ยามไปยามมากะให้ปลอดภัยเด้อครับผม....หลังสรงกานต์พ้อกันคือเก่าครับ..


    เมาบ่อขับเด้อครับ....

    ::)::)::)
    Re: -- สงกรานต์ปีใหม่ 2552--

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •