สวัสดีครับพี่น้องบ้านมหาทุกท่าน หลายมื้อก่อนได้คุยกับน้องติ๋ม เปอร์โย (แอดมิน ผุใจดีของเฮา) เผิ่นหว่าอยากรวมเล่ม รายการอาหารที่เผิ่นเคยเฮ็ด แล้วเอามาโพสในกระทู้หมวดอาหาร ในเวบบ้านมหาเฮา บ่าวทิพย์กะเลยเฮ็ดเล่มต้นฉบับ มาให่พี่น้อง ได้เบิ่งก่อนครับ หว่ามักแนวได๋ สวยงามบ่ กะติชมมาก่อนสิเริ่มเฮ็ดเล่มจริง จั่งได๋เฮ็ดออกมาแล้วกะส่อยกันสนันสนุน แหน่เด้อครับ รายได้บ่ได้เอาไปไสดอก มอบให้กองทุนบ้านมหาทุกบาท ทุกสตางค์ โดยบ่หักค่าใช้จ่ายครับ หละกะบ่มีถ่อนี้เด้อครับ ยังสิมี ผญารวมเล่ม หละกะจินตกวีรวมเล่ม ตามออกมา ให้พี่น้องได้อุดหนุนอีกยุครับ ส่อยกันสนับสนุนแหน่เด้อครับ
นี่คือแบบปกครับ ออกแบบโดยบ่าวกันต์ ดีไซน์เนอร์ บ้านมหาเฮา
เนื้อในภายในเล่มครับ แบบ1 พิมพ์4สี กระดาษอาร์ตมันทั้งเล่ม
เนื้อในภายในเล่มแบบ2ครับ พิมพ์ขาวดำ กระดาษกรีนรีดทั้งเล่ม
กะคึดหว่าพี่น้องสิส่อยกันสนับสนุนน้อครับ บ่าวทิพย์พิมพ์เองกะสิส่อยซื้ออยู่ดอกเอาไปเป็นของขวัญให้หมู่(อั่นพวงกุญแจบ่ขายเด้อครับ ลูกน้องให่เป็นของขวัญวันเกิดแต่หลายปีแล้ว หวงคักอีหลี อิอิ ::) ::) )หวังว่าพี่น้องบ้านมหาคือสิบ่ถิ่มกันน้อครับ
Bookmarks