หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 22

หัวข้อ: แกงหน่อไม้ไผ่ป่า

  1. #1
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1

    ความเยือกเย็น แกงหน่อไม้ไผ่ป่า


    แกงหน่อไม้ไผ่ป่า

    มื้อเช้าฅนภูไทเอางัวไปล่ามเลาะท่ง เลยแวะไปเบิ่งหน่อไม้ไผป่าแถวๆฮิมห้วย เลยเอามีดเซ๊าะมาได้หลายเติบเลยว่าสิเอามาแกงสู่พี่น้องบ้านมหากิน ที่จริงหน่อไม้ไผป่าเขาบ่นิยมเอามาแกงเด้อพี่น้อง ส่วนหลายเขาสิเอามาเฮ็ดหน่อไม้ส้ม ต้มกินกับป่น รึบ่กะเอามาเผาไว้เฮ็ดซุปหน่อไม้ แต่ช่วงเดือนสี่เดือนห้า หน่อไม้ยังหายากอยู่เลยต้องใช้หน่อไม้ไผ่ป่าแกงไปก่อน มาเบิ่งกันเลยครับ

    แกงหน่อไม้ไผ่ป่า

    หน้าตาหน่อไม้ไผ่ป่ากะเป็นจั่งซี้หละครับ ส่วนก่อมันกะมักขึ้นตามฮิมห้วยมีหนามหลายๆนั่นหละ

    แกงหน่อไม้ไผ่ป่า

    ส่วนเครื่องปรุงตามสูตรฅนภูไท กะมี บักบวบ บักอึน้อย เห็ดขอน ปลาค่อ ผักอีตู่ ผักขะ แล้วที่ขาดบ่ได้กะคือผักสะแงะ

    แกงหน่อไม้ไผ่ป่า

    ทีนี้เฮากะเอามาไบ้ฝานใส่หม้อ อ่อมให้จืด หน่อไม้ไผป่าต้องอ่อมจักสองน้ำเด้อเพราะว่ามันสิขมแฮงกว่าหน่อไม้ประเภทอื่น

    แกงหน่อไม้ไผ่ป่า

    พออ่อมจืดแล้ว กะเทน้ำทิ้ม แล้วกะเอามาคั่วให้แห้งคักๆก่อนจั่งใส่น้ำยานางลงไป

    แกงหน่อไม้ไผ่ป่า

    พอน้ำยานางเริ่มเดือดกะใส่ปลาแดก ข้าวเบื่อลงไป

    แกงหน่อไม้ไผ่ป่า

    ใส่ปลาค่อ บักบวบ บักอึน้อย เห็ดขอนลงไป

    แกงหน่อไม้ไผ่ป่า

    กะว่าปลาสุกดีแล้วกะใส่ผักอีตู่ ผักสะแงะ แล้วกะผักขะลงไป ปรุงรสตามใจชอบแล้วยกหม้อลง

    แกงหน่อไม้ไผ่ป่า

    ตักใส่ถ้วย เสริฟพร้อมข้าวเหนียว กินกำลังฮ้อนๆ แกงหน่อไม้ไผ่ป่า

  2. #2

    Re: แกงหน่อไม้ไผ่ป่า

    :g:gกินอิ่มแล้วขอห่อนำเด้อจ้าอ้ายเป็นตาแซบแฮง

  3. #3
    แบ่งปันความรู้และประสบการณ์ สัญลักษณ์ของ สาวทุ่งฝน
    วันที่สมัคร
    Nov 2008
    ที่อยู่
    ห้องพี่สาว
    กระทู้
    509

    Re: แกงหน่อไม้ไผ่ป่า

    หัวตะเคยเห็นแกงหน่อไม้ใส่ปลาข่อใหญ่หนิหละ แถวบ้านเพิ่นบ่แกงใส่ปลาดอก อิอิ

  4. #4

    Re: แกงหน่อไม้ไผ่ป่า

    อยากกินอยุผุข้า อยากฮู้วารสชาติต่างจากหน๋อไม้บ้านอยุบอครับRe: แกงหน่อไม้ไผ่ป่าRe: แกงหน่อไม้ไผ่ป่าRe: แกงหน่อไม้ไผ่ป่าRe: แกงหน่อไม้ไผ่ป่าRe: แกงหน่อไม้ไผ่ป่าRe: แกงหน่อไม้ไผ่ป่าRe: แกงหน่อไม้ไผ่ป่าRe: แกงหน่อไม้ไผ่ป่าRe: แกงหน่อไม้ไผ่ป่า

  5. #5

    Re: แกงหน่อไม้ไผ่ป่า

    แม่นครับต้องต้มหลายๆๆน้เพรามันฝื่นครับจั่งซิเอามาแก้งแซบส่วนมากซิต้มกินกับป่นกับแจ่วเนาะครับ

  6. #6
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608

    Re: แกงหน่อไม้ไผ่ป่า

    ตะกี้สาวเมืองยศกะเซียนหาหน่อไม้ไผ่ป่าโตยงคือกันจ้าแต่วามาบาดนี่คะเจ้าขุดลอกห้วยหน่อไม้กะวายเบิดบ่อมีจักกอไห่เห็นเลยจาแมนเสียดายหลาย กะพอได้เห็นเป็นบุญตานำอ้ายคนภูไทนี่ล่ะ แกงหน่อไม้เป็นตาแซบเนาะขอซิมนำจักถ้วยแนเป็นหยังอ้าย::)

  7. #7
    แบ่งปันความรู้และประสบการณ์ สัญลักษณ์ของ แดงน้อย
    วันที่สมัคร
    Nov 2008
    กระทู้
    171
    บล็อก
    1

    Re: แกงหน่อไม้ไผ่ป่า

    เป็นตาแซบ ..แกงหน่อไม้อาหารประจำภาคเฮาเนาะจ้า..

  8. #8
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1

    Re: แกงหน่อไม้ไผ่ป่า

    ป้าดดดดดดดดดดดด เป้นตะนัวแท้ปอบ จักหม้อแน อิอิ

  9. #9
    ร่วมถ่ายทอดความรู้สู่สังคม สัญลักษณ์ของ เมษา
    วันที่สมัคร
    Jan 2009
    ที่อยู่
    UK and BKK.
    กระทู้
    991

    อายหน้าแดง Re: แกงหน่อไม้ไผ่ป่า

    ป้าด อีพ่อ อีแม่จ๋า แกงหน่อคือมาเป็นตาแซ่บแท้น้อ
    คิดฮอดบ้านหลายเด้อ ขอจักถ่วยแนเด้อ เอาเห็ดหลายๆ

  10. #10
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194

    Re: แกงหน่อไม้ไผ่ป่า

    ได้ใจแท้คับ แบบนี้ของแท้และดั้งเดิม รสชาดคือสิแซบคัก จ่งไว้จักหน่อย แกงยามเที่ยงเหลือไว้กินยามแลงแห่งแซบคับ สุดยอดเลย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •