แกงหน่อไม้ไผ่ป่า

[ฅนภูไท]

แกงหน่อไม้ไผ่ป่า

มื้อเช้าฅนภูไทเอางัวไปล่ามเลาะท่ง เลยแวะไปเบิ่งหน่อไม้ไผป่าแถวๆฮิมห้วย เลยเอามีดเซ๊าะมาได้หลายเติบเลยว่าสิเอามาแกงสู่พี่น้องบ้านมหากิน ที่จริงหน่อไม้ไผป่าเขาบ่นิยมเอามาแกงเด้อพี่น้อง ส่วนหลายเขาสิเอามาเฮ็ดหน่อไม้ส้ม ต้มกินกับป่น รึบ่กะเอามาเผาไว้เฮ็ดซุปหน่อไม้ แต่ช่วงเดือนสี่เดือนห้า หน่อไม้ยังหายากอยู่เลยต้องใช้หน่อไม้ไผ่ป่าแกงไปก่อน มาเบิ่งกันเลยครับ



หน้าตาหน่อไม้ไผ่ป่ากะเป็นจั่งซี้หละครับ ส่วนก่อมันกะมักขึ้นตามฮิมห้วยมีหนามหลายๆนั่นหละ



ส่วนเครื่องปรุงตามสูตรฅนภูไท กะมี บักบวบ บักอึน้อย เห็ดขอน ปลาค่อ ผักอีตู่ ผักขะ แล้วที่ขาดบ่ได้กะคือผักสะแงะ



ทีนี้เฮากะเอามาไบ้ฝานใส่หม้อ อ่อมให้จืด หน่อไม้ไผป่าต้องอ่อมจักสองน้ำเด้อเพราะว่ามันสิขมแฮงกว่าหน่อไม้ประเภทอื่น



พออ่อมจืดแล้ว กะเทน้ำทิ้ม แล้วกะเอามาคั่วให้แห้งคักๆก่อนจั่งใส่น้ำยานางลงไป



พอน้ำยานางเริ่มเดือดกะใส่ปลาแดก ข้าวเบื่อลงไป



ใส่ปลาค่อ บักบวบ บักอึน้อย เห็ดขอนลงไป



กะว่าปลาสุกดีแล้วกะใส่ผักอีตู่ ผักสะแงะ แล้วกะผักขะลงไป ปรุงรสตามใจชอบแล้วยกหม้อลง



ตักใส่ถ้วย เสริฟพร้อมข้าวเหนียว กินกำลังฮ้อนๆ

[สาวทองแพง]

:g:gกินอิ่มแล้วขอห่อนำเด้อจ้าอ้ายเป็นตาแซบแฮง

[สาวทุ่งฝน]

หัวตะเคยเห็นแกงหน่อไม้ใส่ปลาข่อใหญ่หนิหละ แถวบ้านเพิ่นบ่แกงใส่ปลาดอก อิอิ

[บ่าวนาตาลเขย่าโลก]

อยากกินอยุผุข้า อยากฮู้วารสชาติต่างจากหน๋อไม้บ้านอยุบอครับ

[หนุ่มเหงาคนไกลบ้าน]

แม่นครับต้องต้มหลายๆๆน้เพรามันฝื่นครับจั่งซิเอามาแก้งแซบส่วนมากซิต้มกินกับป่นกับแจ่วเนาะครับ

[สาวเมืองยศ]

ตะกี้สาวเมืองยศกะเซียนหาหน่อไม้ไผ่ป่าโตยงคือกันจ้าแต่วามาบาดนี่คะเจ้าขุดลอกห้วยหน่อไม้กะวายเบิดบ่อมีจักกอไห่เห็นเลยจาแมนเสียดายหลาย กะพอได้เห็นเป็นบุญตานำอ้ายคนภูไทนี่ล่ะ แกงหน่อไม้เป็นตาแซบเนาะขอซิมนำจักถ้วยแนเป็นหยังอ้าย::)

[แดงน้อย]

เป็นตาแซบ ..แกงหน่อไม้อาหารประจำภาคเฮาเนาะจ้า..

[ข้าวปาด]

ป้าดดดดดดดดดดดด เป้นตะนัวแท้ปอบ จักหม้อแน อิอิ

[เมษา]

ป้าด อีพ่อ อีแม่จ๋า แกงหน่อคือมาเป็นตาแซ่บแท้น้อ
คิดฮอดบ้านหลายเด้อ ขอจักถ่วยแนเด้อ เอาเห็ดหลายๆ

[แหลวแดง]

ได้ใจแท้คับ แบบนี้ของแท้และดั้งเดิม รสชาดคือสิแซบคัก จ่งไว้จักหน่อย แกงยามเที่ยงเหลือไว้กินยามแลงแห่งแซบคับ สุดยอดเลย