บ้านน้องเขมสิมีตลาดนัด อาทิตย์ละ 2 มื่อค่ะ วันพุธมียามเช้าค่ะสินค้าจะหลากหลายค่ะ
ส่วนวันเสาร์สิมียามแลงสินค้าส่วนมากเป็นของกินค่ะ
ตลาดอยู่ใกล้บ้านน้องเขมค่ะ ตื่นขึ้นมาเก็บภาพแต่เช้าค่ะ
ฝนตกแฮงมา 2 - 3 มื่อ มีอึ่งมาขายเลยค่ะ ::)
สินค้าส่วนใหญ่สิเป็นของป่า ล่ะกะที่มีอยู่ในสวนสิเอามาขายค่ะ อันนี้มี หวายใหญ่
หมากหมี่สุก เห็ดกระด้าง ล่ะกะหนังเค็มค่ะ ผู้มักของป่าคือสิถืกคีกเพิ่นอยู่ค่ะ ::)
สองแม่ลูกมาขายผักหนามค่ะ เพิ่นว่าเก็บมาจากดง
โซนนี้ขายปลาแดกค่ะ มีทั้งเหม็นและบ่เหม็นเพิ่นว่าค่ะ แต่น้องเขมหย่างผ่านเหม็นคัก ::)
อั่นนี้คือ คั่วแม่เป้งค่ะ หมกใส่ใบตองชาติ(ฮู้จักกันสู่คนอยู่เน๊อะค่ะ)
หมากพริกโพนปลูกเอง
อันนี้คั่วแมงแคง ล่ะกะแมงกิ๊นูนค่ะ แมงกิ๊นูนเพิ่นนับโตขายค่ะ 100 ละ 40
อยู่ในหม้อนั่นคือ ลาบบ่างเด้อค่ะ มีผักหนอกให้กินแกล้มพร้อม ::)
อันนี้เป็นบ่างที่ยังบ่แปลรูปค่ะ มาจากดงคือกันค่ะ
กะทิแตง ข้าวลอดช่อง ของมักน้องเขม อุดหนุนเพิ่นไป 2 ชุด ๆ ละ 5 บาท ค่ะ::)
ของใช้ในครัวเรือนกะมีเด้อค่ะ ติ๊บข้าวกะหลายเลือกได้เลย
จอบ เสียม ก่อนลงนากะหาซื้อไว้เด้อค่ะ
แม่บ้านกลุ่มนี้กำลังเลือก หมอน เสื่อ ไปยัดนุ่นเอาเองค่ะ เป็นงานอดิเรกของแม่บ้านเพิ่น
ส่วนพ่อบ้านกะเลือกของมีคมค่ะ มีพร้าเหล็กหลา ::)
เอ้า..ผู้ได๋สิมีแม่ย่า มาซื้อ หมากอ่อน แก่นคูณแดง ไปฝากแม่ย่าเด้อค่ะ ::)
Bookmarks