อาจสิสงสัย น้องเขมคือใส่เสื้อโตเก่า อั่นเป็นกิจกรรมมื่อเดียวกันกับรดน้ำขอพรเด้อค่ะ
แล้วจากรดน้ำแล้ว น้องเขมกะเลยพาเฒ่าแม่ แม่ป้า น้าสาว และหลาน ๆ ไปเที่ยวเมืองมุกฯค่ะ ไปหลายเทื่อกะยังไปอีก เพราะว่าใกล้บ้าน ::) ::)
สะพานมิตรภาพไทย - ลาว แห่งที่ 2 ระหว่างมุกดาหาร กับ สะหวันนะเขต สปป.ลาวค่ะ
อีกมุมค่ะ น้องเขมถ่ายรูปบ่เก่งเด้อค่ะภาพอาจสิบ่งาม
น้าสาว เฒ่าแม่ น้องเขม แม่ป้า เฒ่าแม่น้องเขมเพิ่นได้เปลี่ยนเสื้อผู้เดียว บอกว่าถ่ายรูปออกมาสิมีแต่ชุดเก่า เบิ่งติ๊ล่ะปานสาวซ่ำน้อย ::)
เลาะเมื่อยแล้วกะมาเติมพลัง พาเด็กน้อยไปกินข้าว ผู้ใหญ่กะมีเมนูปลาโขง
ต้มปลาคัง ลาบปลาแข้ เด็กน้อยข้าวผัด ตอนนี้รอกับข้าวอยู่ค่ะ
กินข้าวแล้วกะมาเลาะตลาดอินโดจีนค่ะ
อุ๊น้อยค่ะ เครื่องดื่มของพี่น้องทางมุกฯ และ นคร
กล้วยไม้ส่งตรงจากประเทศเพื่อนบ้านค่ะ
ขนมขบเคี้ยว แต่ขนมแนวนี้น้องเขมบ่มักปานได๋ค่ะ มันบ่แม่นขนมอีหลี::)::)
ปิดท้ายด้วยวิวริมฝั่งโขง :g
Bookmarks