ซุปหน่อไม้

[ฅนภูไท]

ซุปหน่อไม้
Soup Nor Mai (Bamboo Shoot Salad Northeastern Style)

มื้อนี้ฅนภูไทมีเมนูเด็ดๆมาฝากอีกแล้วครับ ซุปหน่อไม้เป็นอีกเมนูที่ขึ้นชื่ออีกเมนูหนึ่ง เป็นที่รู้จักกันแพร่หลาย ส่วนกรรมวิธีตลอดจนสูตรในการปรุงกะแตกต่างกันไป สูตรที่ฅนภูไทเฮ็ดเป็นสูตรดั้งเดิมถ่ายทอดมาจากเฒ่าแม่ของฅนภูไทเอง หน่อไม้ที่สิเอามาเฮ็ดซุปต้องใช้หน่อไม้เผาทอนั้นเด้อครับ สิเป็นหน่อไม้หยังกะได้ บ่ว่าสิเป็นหน่อไม้ไผ่บ้าน(ไผ่สีสุก) หน่อไม้สร้างไพ(ไผ้ลวก) หน่อไม้ไผ่ป่า หน่อไม้ไผ่หวาน แต่ต้องเอาไปเผาไฟก่อน แล้วค่อยเอามาไบ้แล้วกะส้อย อ่อมให้จืดอีกที มาเบิ่งกันเลยครับ



เมื่ออ่อมหน่อไม้จืดแล้วเฮากะเอาหน่อไม้มาต้มกับน้ำยานาง



พอน้ำยานางเดือดให้ใส่ปลา รึกบ, เขียด ลงไป ในที่นี้ฅนภูไทใช้ปลาทู แล้วกะใส่น้ำปลาแดกลงจักหน่อยเพื่อความนัว พอปลาสุกกะตักขึ้นพร้อมกับตักน้ำยานางไปนำจักหน่อย



อ่อมต่อไปจนน้ำเริ่มแห้งค่อยยกหม้อลง ทิ้มไว้ให้มันเย็น



ทีนี้เฮากะมาปรุงกันเลยอันดับแรกกะแกะเอาแต่เนื้อปลาใส่ครก ตำให้ละเอียดแล้วกะใส่น้ำต้มที่เฮาตักใส่ถ้วยไว้ลงไป



ใส่พริกแห้งต้นหอม ผักชี ผักชีฝรั่ง ผักแพว น้ำบักนาว งาคั่วป่น ลงไปปรุงรสตามใจชอบ ตำให้เข้ากัน



ตักใส่จานเสริฟพร้อมข้าวเหนียว



ซุปหน่อไม้ต้องกินกับผักกาดย่า รึยอดผักไส่เผาเด้อ เข้ากันคัก

[หมูน้อย]

อยากกินจังเลยอ้ายป๋อง
ขอหล่าชิมนำแหน่เด้อจักคำ..สองคำ
อิอิอิอิ

[แหลวแดง]

ซุบหน่อไม้กินกับผักหยังกะแซบบบบบบบบบคับ หน่อไม้เผาใหม่ๆแห่งแซบคับ มันสิหอมเป็นพิเศษ หน่อไม้เผาแล้วก้อยกินกับแจ่วกะสุดยอดคับ

[หนุ่มเหงาคนไกลบ้าน]

แซบละน้ออ้ายซุปหน่อไม้แหม๋เห็นแล้วกะอยากนำเนาะครับ ผมมักกินกับหัวหอมแดงครับคั้นแม่นซุบหน่อไม้นี่ครับ

[สาวส่าเมืองอุดร]

:g:g กินกับทอดหมู ปิ้งหมู ข้าวเหนียวฮ้อนๆๆน้อจ้า แซบคัก ขอบใจจ้าเพื่อนรัก เมนูนี้ สุดยอดเลย::)

[khonsurin]

กินกับข้าวเหนียวร้อนๆ ปลาแห้งทอด แซบคะ

[ไก่น้อย]

ป้าดดดดด (ผงชูรส 555+) อาหารโปรดดดด ....โอยยน่อ ไปตลาดยุดอกมื้ออื่นเส่า อยากกินซุปน่อไม้....

[เฒ่าทรนง]

ปั้นข้าวเหนียวแล้วจ้ำเอาเด้อครับ อย่าคุ้ย มันสิเบิดเร็ว

::)::)::)

[คนพนมไพร]

อยากเฮ็ดจั่งได๋สิได้กิน ซื้อเพิ่นกะพอฮาวนั่น เบิดควมเว้าเลยข้อย

[ริต้า]

เป็นตาแซ่บน้อ ...ปั้นข้าวเหนียวฮ้อนๆกินกับซุปหน่อไม้:g