มาซ่อยจอยเอาลูกไก่เข้าฟามร์แน่จ้า
หลังจากที่ว่างมาเกือบ 2อาทิตย์ ก็ฮอดเวลาเอาลูกไก่เข้าฟามร์เลี้ยงหล่ะบาดนี้ มื้อนี้จอยเลยสิพาไปเบิ่งเวลาเขาไก่มาส่ง แต่ภาพบ่ค่อยดีปานใด๋ย้อนฟ้าว บ่มีคนถ่ายให้เอามาฝากพี่น้องเบิ่งแบบคร่าวๆๆกะแล้วกันจ้า เทื่อนี้บ่โชคดีเขาเอารถบัสมาส่ง กะเลยต้องได้ขนเข้าไปเอง เขามาส่ง ตี 5 ของมื้อวันที่ 18 เม.ย.
นี้คือ รถที่บรรทุกไก่มาส่งจ้า ไก่ในนั้น สิประมาณหลานแสนโต บ่มีคนงานเด้อจ้า เฮ้ดกันเอาเอง สิมีหมู่พ่อใหญ่มาซ่อย คนเดียว พอเวลาไก่เขาเข้า เฮากะไปซ่อยคือกัน
ส่วนตอนนี้ รอหล่ะจ้า รอเขาเทลูกไก่ถ้อนใส่ให้เป็นถาดเดียว
ลูกชายจอย ยืนรอคิว แกสิยกประมาณ 2ถาด แต่หล่ะถาดสิมีลูกไก่ประมาณ 150 โตต่อถาด ฝึกให้มาเฮ้ดซ่อยกันไว้ แต่กะดียุบอกยามใด๋กะมาซ่อยแม่ตลอด บางครั้งกะไปรับจ้าง ฟามร์ขอหมู่พ่อใหญ่ เพิ่นหารายได้พิเศษของเพิ่นลูกชาย::)
ตอนนี้กะแม้นคิวจอยหล่ะ จอยสิยก 3ถาดจ้า บางเทื่อเขาเทเพลิน กะ4ถาด หนักเติบเด้อจ้า สู้ๆๆค่ะ พะนะ
เอาไปเทใส่ในฟามร์ นี้หล่ะจ้า ยามเทเพิ่นแล้วๆๆกะออกหากิน นำถาดอาหารที่เตรียมไว้ให้ ลูกไก่แต่ล่ะฟามร์สิประมาณ 23,000 โตจ้า
ส่วนอันนี้ คือฟามร์ไก่ ยาวจ้า ประมาณ 400-500เมตรแต่หล่ะฟามร์ มี 5ฟามร์จ้า
ส่วนรูปนี้ แท่งใส่อาหารไก่จ้า มันสิมีท่อส่งอาหารเข้าไปในฟามร์ ด้านในสิมีตัวจ่าย ตัวควบคุม ทั้งหมด ทุกอย่าง สิเป็นออโต้เมติค ตั้งไว้
บ่ออโต้กะคือสิแม้นจอยนี้หล่ะ ฮ่าๆๆๆ เพราะจอยต้องไปเชค์ไก่ยามเช้าทุกมื้อ ว่าตายน้อยตายหลาย นับ แล้วกะเอาออกมาทิ้ม ตายมื้อล่ะ 20-30โต หรึบ่ก็หลายกว่านั้นแล้วแต่อากาศภายในฟามร์ และความสมบูรณ์ของไก่ที่เขาเอามาส่งให้ มื้อนี้เอามาฝากส่ำนี้ก่อนจ้า::)::)
อ้างข้อความนี้
Bookmarks