หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 23

หัวข้อ: ครั้งแรกในสองปีไปร้าน Asian Food Maket

  1. #1
    ดูแลตรวจสอบเนื้อหา สัญลักษณ์ของ สาวส่าเมืองอุดร
    วันที่สมัคร
    Dec 2007
    ที่อยู่
    Hattiesburg, MS , USA
    กระทู้
    1,168

    พบปะพูดคุย ครั้งแรกในสองปีไปร้าน Asian Food Maket

    หลังจากที่มาอยู่อเมริกา2ปีแล้ว ยังบ่เคยพ้อเลย อาหาร เครื่องปรุงบ้านเฮา หลังจากที่พยายามยุโดนเติบ
    พยายามถามกับพี่คนหนึ่งซึ่งพ้อเผิ่นอยู่สนามบิน ALABAMA ตอนที่มาฮอดอเมริกามื้อแรก
    เผิ่นกะให้เบอร์โทรติดต่อ สอบถามเผิ่นกะบอกยุร้านขายอยู่หม่องใด๋ แต่ว่าจอยบ่สามารถบอกให้พ่อใหญ่พาไปได้
    สำเนียงเว้ามันเปลี่ยนเผิ่นบ่เข้าใจ งง อีกต่างหาก สั้นแล้วเป้นคนปึกเนาะ เว้าบ่เก่งแมะ::)::)
    แต่กะบ่หล่ะความพยายาม นั่งเล่นพิมพ์หาใน Google จนพ้อ อ่านเบิ่งหม่องร้าน ถนนกะคือจั้ง
    พี่เผิ่นเคยบอกไว้กะจดแล้ว เอาสะเอียดเลย จากนั้นกะคุมให้พ่อใหญ่พาไปหล่ะบาดนิ
    วันเสาร์ที่ผ่านมากะเลยได้โอกาสเหมาะ บ่พาไปกะสินั่งไห้หล่ะ อยากกินตำหมากฮุ่ง อยากถึกกลิ่นนำปลาเนาะ ::)
    อีหยังกะบ่มีของเอเชียบ้านเฮานะ หลังจากที่ขับรถไปเป้นชั่วโมงกว่าๆๆ ห่างจากบ้านนะ
    จอยกะแนมทางตลอดเพราะย้านเลาทำเป้นหาบ่พ้อเนาะ ตำรวจกะหลาย นำหนทาง ตาหนึ่งกะแนมร้านย้านมันกลาย
    ตาหนึ่งแนมพ่อใหย่ย้านเลาขับไวตำรวจสิจับ เลากะสิมาโทษเฮาบ่พาไปซื้ออีก แต่ในที่สุดกะหาพ้อบาดนิ
    พอลงรถได้กะเข้าไปหาสะออนหลายพี่น้องเอ้ยดีใจหลาย นี้บ่ที่เขาส่งมาขายอเมริกา
    หน้าตามมันเป้นแบบนี้บ่พุ้นใด๋คิดไปนะ::)::) ตอนแรกกะมองเจ้าของร้านงง สงสัยเผิ่นเป้นคนทางใด๋น้อ เผิ่นได้ยินจอยเว้านำลูกชาย ป้าเลาเลยถามจอยว่า
    "อีหล่า คนไทยบ่หรึคนเวียง เลาว่า " ตอบออกไปบ่ยั้งแล้ว คนไทยจ้าป้า คนอุดรธานีจ้า
    พุ้นแล้วดีใจได้พ้อคนเว้าภาษาเดียวกันรู้เรื่องเนาะแต่ป้าคนขายเผิ่นเป็นคนเวียงจันทร์จ้า มาอยู่แต่โดนแล้วเลาว่า
    ถามหายังนำเลากะมีเบิด หม้อนึ่ง ฮวดนึ่งข้าว กะติ๊บข้าวกะมี แต่จอยบ่ได้ซื้อ พ่อใหญ่หัวดีขนาด บ่อยู่นำจอยเลย
    หนีออกมาจากร้านก่อน เลาว่า" ของเอเชียบ้านเธอมาแพงแท้!!! "เลาว่า เลาเลยปล่อยจอยหาซื้อ ขาดทุนแมะ เกินงบประมาณเขาเอาเงินไว้ให้จ่าย::) แต่กะส่างแพงกะตามขอแต่ได้กินของบ้านเฮา เอารูปมาฝากพร้อม หน้าตามันกะเป็นแบบนี้พี่น้อง

    รูปนี้ ขวดน้อยกว่าหมู่ ปล้าร้าต้ม เมดอินไทยแลนด์ เลยหล่ะ แซบๆๆลงตำกินแล้วครั้งแรกในสองปีไปร้าน Asian Food Maketครั้งแรกในสองปีไปร้าน Asian Food Maket
    ครั้งแรกในสองปีไปร้าน Asian Food Maket
    รูปนี้ พวกเส้นก๋วยเตี๋ยว เส้นใหย่ เส้นน้อย เส้นหมี่เหลือง
    ครั้งแรกในสองปีไปร้าน Asian Food Maket
    รูปนี้ พวกลูกชิ้น ไส้กรอก แหนมสด แพงๆๆพี่น้องเอ้ย น้อยๆๆกะ5-6 ดอล แต่กะซื้ออยากกิน อิอิอิ.. ที่ขาดบ่ได้ ผงชูรสจ้าครั้งแรกในสองปีไปร้าน Asian Food Maket
    ปิดท้ายด้วย หมากฮุ่งเผิ่นฝานไว้แล้ว หน่อไม้ ตะไคร้กะมีจอยซื้อแบบนี้มาเลย เอามาแช่น้ำสิเอาไว้ปลูกเองพ้อม อิอิอิ
    ครั้งแรกในสองปีไปร้าน Asian Food Maket
    อันนี้ซื้อมาแล้วกะลองเฮ้ดกินแล้ว แซบคัก ตำหมากฮุ่งผัดหมี่ นายแบบบ่ได้บังคับถ่ายรูปเด้อเค้าบอกว่า"สุดยอดเลยแม่ปลาร้าบ้านเราเนี๊ย อร่อยจริงๆๆพะนะ"
    ครั้งแรกในสองปีไปร้าน Asian Food Maket
    สุดท้ายนี้เนาะ บ่ว่าสิอยู่หม่องใด๋คั้นได้กินของบ้านเฮามันกะมีความสุขเนาะจ้า จอยดีใจหลายในสุดจอยกะหาหม่องซื้อพ้อ ได๋สิไกลบ้าน ได๋สิคิดฮอดได๋สิอึดของบ้านเฮากิน มันกะอยู่บ่มีความสุขแล้ว แต่ต่อไปนี้มีแฮงใจ และกำลังใจขึ้นอยู่ต่อหลายเติบแล้ว 555555เทื่อหน้าสิไปเอา ฮวด หม้อนึ่ง กะ กะติ๊บข้าว ครั้งนี้ หมดงบก่อน::)::)

  2. #2

    Re: ครั้งแรกในสองปีไปร้าน Asian Food Maket

    :gเก่งๆพี่จอย ดีใจนำพี่จอยเด้อจ้าที่หาร้านค้าเจอแล้ว
    ตอนแพงมาอยู่ไกลบ้านใหม่ๆกะเป็นแบบพี่จอยละจ้า
    พอได้กินอาหารบ้านเฮาแล้วกะมีแฮงใจ
    แต่กะนานๆไปที่คือกันจ้า
    เห็นน้องๆกันแล้วเป็นตาแซบน้อจ้า
    Re: ครั้งแรกในสองปีไปร้าน Asian Food Maketอยากนำแท้

  3. #3
    ร่วมถ่ายทอดความรู้สู่สังคม สัญลักษณ์ของ พิณอิสระ
    วันที่สมัคร
    Sep 2008
    ที่อยู่
    ขอนแก่น อุดรธานี และสุรินทร์
    กระทู้
    503

    Re: ครั้งแรกในสองปีไปร้าน Asian Food Maket

    เป็นตาแซบฮ้านเน๊าะ...ดีใจนำเด้อที่หาหม่องซื้อแนวอยู่แนวกินพ้อ..ผู้ข่านี้ตี๊.......จักสิไปหาหม่องใด๋........มีต๊ะขายจาปาตีกับจายฮ้อน ๆ

  4. #4
    ดูแลตรวจสอบเนื้อหา สัญลักษณ์ของ บ่าวหนองคาย
    วันที่สมัคร
    Jun 2008
    กระทู้
    364

    Re: ครั้งแรกในสองปีไปร้าน Asian Food Maket

    แซ่บจนยกนิ้วโป้ให้ ปากมันย๊าบๆ::)::)

  5. #5
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209

    Re: ครั้งแรกในสองปีไปร้าน Asian Food Maket

    มีฮอดหน่อไม้ดองเนาะ...ว่าราคาแพงๆ..แพงประมาณไดเอื้อย..

  6. #6
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9

    Re: ครั้งแรกในสองปีไปร้าน Asian Food Maket

    ดีใจนำเด้อน้องจอยที่หาร้านเอชียได้ กินเต็มที่บาดนิ่ คึ คึ
    เห็นตะไคร้แม่ะ พี่ซื้อแบบปั่นแช่แข็งมาใช้ ซื้อแบบหัวมันเหี่ยวกินบ่ทัน
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  7. #7
    แบ่งปันความรู้และประสบการณ์
    วันที่สมัคร
    Dec 2008
    กระทู้
    274

    เรื่องฮิตน่าอ่าน Re: ครั้งแรกในสองปีไปร้าน Asian Food Maket

    :gสุดยอดพี่จอย ความพยายาม แต่ทีหลังไปแอนฝากซื้อ ของโปรดแอนดาเด้อจ้า ปลาร้า อันนี้แหล่ะ แอนขาดไม่ได้ ยังไงแอนก็ขอจอง หนุ่มน้อยสองคนเด้อจ้า พี่จอย เผื่อ แอนกะพี่จอยจะเป็นดองกัน อิอิ::)::)::)::)

  8. #8
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    2,872

    Re: ครั้งแรกในสองปีไปร้าน Asian Food Maket

    เกือบครบแล้วเอื้อยจอย....ขาดกุดจี่ แมงกินูน เด้อ ตอนนี้บ้านเฮาหลายคักครับเอื้อย ดีใจนำเด้อครับ หาหม่องกินได้แล้วววววววว ::)
    หล่อคืออ้าย กินข้าวบายกบตั๋วะหล่า

  9. #9

    Re: ครั้งแรกในสองปีไปร้าน Asian Food Maket

    ไกลคักเนาะแม่ดอง ขับรถเป็นชั่วโมงกว่า...ดีใจนำเด้อที่มีหม่องหากินแล้ว...
    ทางนี่ขับรถ40นาทีกะว่าไกลพอแฮงแล้ว...ของแห้งให้ซื้อยกลัง ยกโหลเลยเด้อแม่ดอง ได้ราคาส่งใด๋ ประหยัดเนาะ อิอิ
    ลูกเขยข่อยเป็นตามีความสุขเนาะ...ได้กินตำหมากหุ่ง....
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  10. #10
    Miss Papaya
    ศิลปิน นักแสดง
    แม่ครัวบ้านมหา
    สัญลักษณ์ของ สาวผู้ฮ้าย
    วันที่สมัคร
    Jun 2008
    กระทู้
    1,262

    พบปะพูดคุย Re: ครั้งแรกในสองปีไปร้าน Asian Food Maket

    :g เก่งๆๆๆ เพี้ยน คือซิได้กินอาหารบ้านเฮาแล้วนอ ฮิ้วๆๆๆๆๆRe: ครั้งแรกในสองปีไปร้าน Asian Food Maket
    :b-b เมรีขี้เมา :b-b

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •