[color=blue]?เศรษฐกิจพอเพียง?
ออย.....................ละหน้า...อา..เอ้ย....เออ เออเอ้ย....ขอยกเอาพระดำรัสเหนือหัวเจ้าทรงตรัสไว้....
เศรษฐกิจพอเพียง...จังได้เลี้ยงชีพง่าย
บ่อฟูมเฟืองพุ่มฟายเห็นเขามีก็อยากได้ เลยเป็นหนีซื้อแต่ของ เออ เอ้อ เอย
พระโคดมของเฮากล่าวไว้ถูกต้อง ปัจจัยสี่คือพอดี
กรณีทั้งสองควรไปกองไว้เหนือเกล้า
สมัยนี้คนเฮาบ่อถือเอากะลืมซั้ม บ่อทำตามแล้วยังลื่น
มีแต่บื๋นนำเขาเอาของเซ็นเป็นแต่หนี้คั้นมีไว้กะแมนเอา เอ๋อ เอ้อ เออ
เขามีรถคันงามเฮาต้องตามเขาด้วยหาเงินดาวน์ออกมาขี่
โทรทัศน์วีซีดีเครื่องซักแพซักผ้าตู้เย็นพร้อมจนอั่งเฮือน
โทรศัพท์มือถือ ลูกสาวโทรถึงตีห้าเสียค่าโทรเดือนล่ะหมื่น
โทรเบิดวันเบิดคืน หลับคาหูกะพองนั้น คันเห็นแล้ว ลูกผู้เขียน
เช่นดังวัวเทียมเกวียน ควายไถนาพาขายข้าว บ่อมีเงาเหลือแต่หุ่น
มีแต่ควายญี่ปุ่น ควายคูๆต้าๆ ควายผีบ้าหญ้าบ่อกิน โอ๋ โอ้ โอย
ควายสี่ตีน ควายกินหญ้า มีควายดำกับควายด่อน
ไถนาแลงยามแดดอ่อน ขี่เฮ็ดปุ๋ยไว้ใส่กล้า โอยนาข้าวจังแมนงาม
ควายญี่ปุ่นกินแต่น้ำ หางกี่ดี้มีหลายสี
มีเงินดาวน์บ่อจักพันกะแมนเอาโอ้ยมาใช้
ไถงานเดียว บาดเที่ยวซ่อมย่อมเสียเงินบ่อแล้วง่าย
แลนหาเงินจนแป๋ตาย ส่งแต่งวดอยู่ ป่อม ป่อม เอามาป้อม ดอก ส่งเขา เอ๋อ เอ้อ เอย
อย่าไปเพลินนำหลาย แนวปัจจัยที่ห้า กลับคืนมาคืนของเก่า
เอาพออยู่พอกิน เฮ็ดพอดีพองาม คือนายหลวงเผิ่นเว้า ผดุงเจ้าเผิ่นกล่าวเตือน
อย่าไปเผือนแต่นำเขา อย่าไปเอาแนวเป็นหนี้
ดำรงตนแต่พอดี พอเรียนย้ำจำ ได้ เออ..เออ บ่อ
นำหาแนเมืองพออย่าได้มีแต่พ้อ ปล้น จนเป็นหนี
ผู้อื่นเขา เหงาในทรวง โอ้ โอ ออย โอ้ยนอ ละ......นา
[/color]
Bookmarks