ส่งลาวสวิส กลับสวิสเซอร์แลนด์

[เขมราฐ]

สงกรานต์ปีนี้พิเศษกว่าทุกปีที่ผ่านมาของน้องเขมเนาะค่ะ นอกจากสิได้เมือบ้านสู่อ้อม

กอดของพ่อแม่ และญาติ ๆ แล้ว น้องเขมยังได้พ้อพี่น้อง ที่น้องเขมบ่คิดว่าสิมี สิได้พ้อ

กัน จักแม่นเฮาเคยมีวาสนาต่อกันแต่ปางได๋เนาะค่ะ พี่น้องที่ว่านี่คือพี่น้องบ้านมหาเฮานี่ล่ะ

ค่ะ เฮ็ดให้น้องเขมมองสังคมโลกไซเบอร์ดีขึ้นหลายเลยค่ะ ที่ประทับใจแฮงกะได้เอื้อยฮัก

ในบ้านมหานี่นำค่ะ ที่เว้าถึงนี่คือ เอื้อยติ๋ว หรือ ลาวสวิส ไปพ้อกันอยู่หาดคูเดื่อ แล้วกะมี

โอกาสได้ไปส่งเพิ่นบินกลับนำค่ะ น้องเขมเลยเอาภาพประทับใจมาฝากพี่น้องค่ะ

ปีหน้าสิมีโอกาสได้ต้อนรับเพิ่นอีกเทื่อหนึ่งแน่นอนค่ะ



พ้อกันเทื่อแรกอยู่หาดคูเดื่อค่ะ



พี่น้องที่ไปส่งลาวสวิสค่ะ อ้ายคนพนมไพร อ้ายบ่าวโจ่โล่ อ้ายคนตระการ น้องเขม



อ้ายคนพนมไพร อ้ายบ่าวโจ่โล่ พี่ติ๋ว (ลาวสวิส) น้องไพลิน น้องเขม อ้ายคนตระการ...










ประทับใจหลายค่ะ พอแต่เพิ่นถึงบ้านกะโทรทางไกลข้ามทวีปมาหาน้องเขมเลยค่
ว่าการเดินทางเรียบร้อย ปลอดภัยดี ฝากขอบคุณพี่น้องบ้านมหาที่ให้ความอบอุ่น
กับเพิ่น ประทับใจหลายว่าซั่นค่ะ

[sompoi]

ยินดีนำสำหรับมิตรภาพของพี่น้องเฮาเนาะค่ะ เข้ามาหัวข้อนี้เป็นอุ่นๆแนวได๋บุเนาะ อิอิ..และกะอยู่ดีมีแฮงสำหรับคุณติ๋ว ลาวสวิส.ผู่ฮอดบ้านโดยปลอดภัยแล้วเนาะค่ะ

[หนุ่มน้อย]

ซาบซ่านในใจลึกๆที่พี่น้องบ้านมหาเผิ่นเบิ่งเผิ่นแยงกัน ให้การต้อนรับ
ให้กำลังใจผู้ไป ผู้มา ทั้งคนพนมไพร บ่าวโจโล่ คนตระการและก็น้องเขม
หนุ่มน้อยประทับใจอยู่แล้วกับเผิ่นที่เอ่ยนามมานี้
ดีใจ และก็ขอให้สมาชิกหมู่เฮาเบิ่งแยงกันจังซี้ตลอดไปเด้อครับ

[ติ๋ม เปอร์โย]

ขอให้เดินทางกลับบ้านปลอดภัยเด้อจ้า...หวังว่าคือสิมีโอกาสได้พ้อกันอยู่เนาะค่ะ...

[ธิดายาเย็น]

ไผได้เข้ามาอยู่ในใต้ร่มหลังคาบ้านมหาแล้วมีแต่ความอบอุ่นและเป็นกันเองอิหลีจ้า น้องติ๋วจ้าปีหน้าคึสิได้พ้อกันอีกเนาะจ้า..

[ต่วง]

บ่ได้ไปส่งนำเพิ่นกะขอส่งแรงใจให้เดินทางโดยสวัสดิภาพเด้อครับ คราวหน้าคงมีโอกาสได้พ้อกันเนาะครับ

[คนตระการ...]

ปะทับใจหลายๆครับ..ผมกะพึ่งเจอเพิ่นครั้งแรกคือกัน...เสียดายแต่มีเวลาน้อยโพด เอาไว้โอกาศหน้าเด้อครับเอื้อย(ลูกสาวกะเป็นตาฮักคัก)

[สหายพง]

เป็นตาฮักทั้งแม่ทั้งลูกสาวเลยครับผม

[ลาวสวิส]

ค่ะจังไดกะขอบคุณพี่น้องบ้านมหาเฮาหลายๆเด้อค่ะ บ่ว่าซิเป็นอ้ายโจโล่,บ่าวคนตระการ,อ้ายพนมไพรเพิ่นเข้าไปส่งจนฮอดทั้งในพู้นตั่ว,
หลายกว่าหมู่แน้จักหน่อยกะแม้นน้องสาวหล้าคือสาวเขมฯ ส่วนบ่าวหล่อฯ,สาวมัฑนา,เอื่อยธิดายาเย็นเพิ่นกะฟ้าวเข้ามาเม้นถามข่าวคราวโลดตั่ว นี้ละค่าความอบอุ่นของพี่น้องบ้านมหาเฮาเพิ่นเบิ่งเพิ่นแยงดีตั่ว คั่นแม้นว่าไผบ่ทันได้ไปพบพ้อพี่น้องบ้านมหาเฮาโตเป็นๆ กะไปซะเด้อค่า ขนาดในเว็บอบอุ่นปานนี้ พ้อโตเป็นๆเพิ่นซิอบอุ่นซำได บอกได้เลยค่าว่าความอบอุ่นความประทับใจที่ได้หับนั้นลืมได้ยากค่าาาา:g:g

[ขอโทษที่คิดถึง...เด็กดื้อ]

มิตรภาพที่ประทับเก็บไว้ในความทรงจำตลอดไป...งานพาแลง 3 หวังว่าคงได้เจอกัน จ้า