หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 21

หัวข้อ: --- วุ้่นตาล หรือ บุ้นบักตาล ---

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    --- วุ้่นตาล หรือ บุ้นบักตาล ---



    การเฮ็ดบุ่นบักตาล เด้อครับพี่น้อง หรือ การทำวุ้นตาล

    ส่วนผสม
    ลูกตาลสุก 3 ลูก
    น้ำปูนใสละลายน้ำ ขนาดหนึ่งหัวนิ้วโป้ง 1 ถ้วยแกง ไส่หลายมันขม ๆ คื่น ๆ คือบักเขือขื่นหนิ มันสิกินบ่ได้ครับ
    น้ำเปล่าสำหรับคั้นลูกตาล 1 ต่อ 2-3 ขันน้ำแล้วแต่ขนาดของลูกตาล เล็กใหญ่

    เมื่อทำเสร็จเตรียมน้ำเชื่อมไว้เทผสมดังนี้
    น้ำตาลทราย 1 ตามความชอบ
    หัวกะทิ 1 ตามความชอบ
    น้ำต้มสุก 1 ตามความชอบหวานมัน
    เกลือ ? ตามขนาดความเค็มเล็กน้อย จะได้หวาน มัน เค็ม
    น้ำเข็งทุบสำหรับ ผสมลงในถ้วยตอนตัก เพื่อความหวานเย็น

    เตรียมเครื่องปรุง
    1. ลูกตาลสุกปอกเปลือกขยำเอาแต่เนื้อ ผสมน้ำต้มสุกแล้วกรอง
    2. เตรียมน้ำปูนใสผสมน้ำไว้ขนาดเท่า 1 นิ้วโป้ง

    วิธีทำ 1. ผสมน้ำปูนใส และเนี้อลูกตาลที่กรอง ผสมให้เข้า กัน พักไว้ 1-2 ชั่วโมงเนื้อ ตาลก็จะแข็งตัวเรียกว่าวุ้นตาล
    หรือ ถ้าจะให้ดีช่วงกรองเสร็จทิ้งไว้ในตู้เย็นจะเป็นวุ้นเร็วขึ้น และยังสามรถรักษาเก็บไว้เกินได้เป็นอาทิตย์ ถึง 2 อาทิตย์

    2. น้ำตาลทรายเคี่ยวกับน้ำ ให้เหนียวเทลงในหัวกะทิ ที่คั้นไว้ ใส่เกลือ ชิมดู รส มัน และหวาน เค็มนิดหน่อย
    3. ตักวุ้นตาลใส่ถ้วย แล้วราดด้วยน้ำกะทิ ผสมน้ำแข็งทุบ ทำเพื่อรับประทาน เป้นของหวาน หอม หวาน ชื่นใจ

    คุณค่าทาโภชนาการ
    - แคลเซียม
    - วิตามิน
    - แก้ร้อนใน (ภูมิปัญญาชาวบ้าน)

    ประการที่ 1 ต้องไปหาบักตาลสุขมาก่อน เอาแบบว่าสุกแล้วหล่นลงมาจากต้น อย่าสุไปหาหย่ม เอาเด้อ มันสิหล่น
    ไส่หัวผู้ถ้าเก็บ หรือ อีกวิธีหนึ่ง คือไปหาลักเอาโลด นาไผมีบักตาลสุกแมะ หัวตะหล่นใหม่ ๆ แฮ่งดี มันจั่งหอมครับ

    --- วุ้่นตาล หรือ บุ้นบักตาล ---
    นี่คือต้นบักตาลเด้อพี่น้อง คือต้นบักพร้าวจักหน่อย ไผบ่ฮู้แสดงว่าบ้านเจ้าบ่มีเด้อ

    --- วุ้่นตาล หรือ บุ้นบักตาล ---
    นี่กะรูปบักตาลดิบ แนวนี้บุ้นบ่ได้แต่ว่ากินได้แต่ใน หรือ ว่าตอนมันออ่นจักแม่นแซปคัก ฮ่า ๆ

    --- วุ้่นตาล หรือ บุ้นบักตาล --- --- วุ้่นตาล หรือ บุ้นบักตาล ---
    นี่คือรูปบักตาลสุก หล่นจากต้น ผมไปเก็บมาพอดีมื้อนั่น

    --- วุ้่นตาล หรือ บุ้นบักตาล --- --- วุ้่นตาล หรือ บุ้นบักตาล ---
    ลักษณะสิบุ้นกะเก็บมาคือภาพหนิหล่ะ แล้วเอาไปล้างน้ำให้สะอาดครับ

    --- วุ้่นตาล หรือ บุ้นบักตาล ---
    จากนั้นกะหากะละมังมาย่อง (ขยี้) ถ้าสิให้ดีปอกเปลือกนอก ออกซะก่อนจั่งย่องเด้อ พี่เด้อ

    --- วุ้่นตาล หรือ บุ้นบักตาล ---
    ย่องดี ๆ แล้วมันกะเป็นอั๊วลั่ว จั่งซี้หล่ะ จักแม่นบ่เป็นตากินเนาะ ฮ่า ๆ ๆ


    --- วุ้่นตาล หรือ บุ้นบักตาล ---
    หน่วยได๋ย่องเกลี้ยงแล้วกะทิ่มซั่นตั๊ว อย่าหาวีไปทั่วทีปเด้อ มันฮกบ้านฮกซ่อง

    --- วุ้่นตาล หรือ บุ้นบักตาล ---
    ลีลาการย่อง ของแม่ป้าผม ส่วนรูปที่ผมย่องเอง บ่สามารถถ่ายเจ้าของได้ครับ เลยยืมนางแบบมาย่องแทน

    --- วุ้่นตาล หรือ บุ้นบักตาล --- --- วุ้่นตาล หรือ บุ้นบักตาล ---
    จากนั้นกะตักปูน ออกจากกระป๋อง ปูนสำหรับเอาไว้ถ้าเคี้ยวหมากหนิหล่ะ (ปูน เผามาจากกาบบักหอยเนาะ )

    --- วุ้่นตาล หรือ บุ้นบักตาล ---
    การพิจารณากะ ตามสูตร ที่แจ้งไว้ทางเทิงเด้อครับ


    --- วุ้่นตาล หรือ บุ้นบักตาล --- --- วุ้่นตาล หรือ บุ้นบักตาล ---
    แล้วกะเอามาขยี้ผมกับน้ำเปล่าไส่ในถ้วย จั่งซี้หล่ะ


    --- วุ้่นตาล หรือ บุ้นบักตาล ---
    จากนั้นกะสิได้น้ำปูน ครับ ไว้เทผสมกับน้ำของบักตาลที่เฮา ขยี้เรียบร้อยแล้ว

    --- วุ้่นตาล หรือ บุ้นบักตาล --- --- วุ้่นตาล หรือ บุ้นบักตาล ---
    ต่อไปกะเป็นการกรอง เอาเฉพาะน้ำใส ใสของตาล ที่ผสมกับน้ำปูน เรียบร้อยแล้ว

    --- วุ้่นตาล หรือ บุ้นบักตาล ---
    ปล่อยให้น้ำมันค่อย ๆ ไหลจากผ้ากรองครับ เป็นผ้าด้ายดิบ จากบ้านเฮาหนิหล่ะ


    --- วุ้่นตาล หรือ บุ้นบักตาล ---
    ทิ่มไว้โดยประมาณ 30 นาที แบบนิ่ง ๆ บ่ไหวติง อย่าสุไปจอบเบิ่งมันเด้อ มันสิบ่แข็งโต (มันบ่ก้าม)

    --- วุ้่นตาล หรือ บุ้นบักตาล ---
    โดยประมาณเวลาแล้ว น้ำตาลที่เฮากรอง กะสิกลายเป็นวุ้น หรือ บุ้นบักตาลครับผม

    --- วุ้่นตาล หรือ บุ้นบักตาล ---
    แล้วหล่ะ กะตักไส่ถ้วย ผสมน้ำหวาน คือจั่ง ลอดซ่องหนิหล่ะ น้ำหวานกะดาย แล้วแต่ไผมักแนวได๋ครับ



    เชิญแซปปปปปปปปปปปปปปปปป ขะน้อย (ภูมิปัญญา ผู้เฒ่าผู้แก่เด้อครับ)



    :g :g :g


  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728

    Re: --- วุ้่นตาล หรือ บุ้นบักตาล ---

    สุดยอดเลยอ้าย.สำพอว่าบางคนกินจนบ่อวางบ่วง555...มื่อหน้าเฮ็ดให้กินแน่เด้อครับ

  3. #3
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    Re: --- วุ้่นตาล หรือ บุ้นบักตาล ---

    :g:g:g:g แซ่บคักค่ะ ขอบคุณอ้ายโจ่ สำหรับบุ้นหมาก หรือบุญหมากตาลของพี่กอล์ฟ ::) ถ้าบ่เกรงใจมื่อนั่นห่อเมือนำแล้วนะ

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: --- วุ้่นตาล หรือ บุ้นบักตาล ---


    จั่งได๋อ้าย คนพนมไพร เผิ่นว่าสิย้ายบ้าน อ้ายคือสิให้น้องหลิน เฮ็ดสู่พี่น้องเฮากินยุดอกเด้อ

    บอกเหมิดหล่ะสูตรกะดาย ถ้าบ่เป็นหนิ เหมิดสภาพ เด้อน้องเด้อ ฮ่า ๆ ๆ

    แ่ม่นบ่ครับ ท่าน อบต เอ๋ ซ่อยกันไปชิมเด้อครับ


  5. #5
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    625

    Re: --- วุ้่นตาล หรือ บุ้นบักตาล ---

    Re: --- วุ้่นตาล หรือ บุ้นบักตาล --- กระทู้ต้นฉบับโดยคุณ คนตระการ... Re: --- วุ้่นตาล หรือ บุ้นบักตาล ---
    สุดยอดเลยอ้าย.สำพอว่าบางคนกินจนบ่อวางบ่วง555...มื่อหน้าเฮ็ดให้กินแน่เด้อครับ
    หึ๋ยยยย จั่งแม่นเพิ่นซอมผู้เฒ่าเนาะ มันสิขาลำเด้::)::)

  6. #6
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    625

    Re: --- วุ้่นตาล หรือ บุ้นบักตาล ---

    อ้ายกะว่าสิให้เฮ็ดสู่พี่น้องเฮากินมื่อนั้นละ ซงสิแม่นวันอาทิตย์ที่ 10 พ.ค. หั่นละบ่อทันได้เล่าพี่น้องเฮาหลายคนอยู่

  7. #7
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    625

    Re: --- วุ้่นตาล หรือ บุ้นบักตาล ---

    แล้วหน่วยบักตาลแม่นยามมันสุกบ่อน้อยามนี่ อ้ายสิฟ้าวหาแหล่งมันไว้ก่อน บุ้นบักตาลคือไฮไลต์ของงานเลยเด้

  8. #8
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,760

    Re: --- วุ้่นตาล หรือ บุ้นบักตาล ---

    ของมักผมเลยครับบุ้นมากตาล กับขนมมากตาล ทางเขื่องในหลายอิหลีครับต้นตาล
    ขอบพระคุณสมาชิกและทีมงานที่เคารพรักทุกท่าน

  9. #9
    แบ่งปันความรู้และประสบการณ์ สัญลักษณ์ของ ลาวสวิส
    วันที่สมัคร
    Mar 2009
    กระทู้
    390

    Re: --- วุ้่นตาล หรือ บุ้นบักตาล ---

    น่านนนน...ได้สูตรแล้วบาดทินี้เสร็จโจฮิฮิ...ฮ่วยลืม..ว่าอยู่สวิสบ่มีบักตาลเฮ็ดจังไดละบาดนี้..อ้ายธนิตเอย..หาแหล่งได้แล้วกะฟาดมาทางนี้แน่เด้อ,,,

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    Re: --- วุ้่นตาล หรือ บุ้นบักตาล ---

    เอ๋า ..เพิ่นคั้นกันเทิ้งลูกแบบนี้เลยติจ้า ..หว่ายเข้าใจผิดอย่างใหญ่หลวง นึกว่าแม่นปอกแกะเอาแต่ผลข้างใน .ที่เป็นเนื้อนวลๆหวานๆ ที่เพิ่นมักเอามาขายใส่ถุงเป็นถุงๆน่ะจ้า..แล้วกะเอาตรงนั่นมาคั้นน่ะจ้า บ่แม่นติ ฮ่าๆๆๆ.. (แล่วมันแม่นลูกตาลแนวเดียวกันบ่อน่อซั่นน่ะ)..ขอโทดเด้อทางบ้านบ่มีแม๋ะจ้า บ่แม่นบ้านนอกธรรมดาเด่ะ ในหลืบหุบเขาพุ่น คริๆๆๆ.

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •