หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: +ส้มป่อย(บ่)ย่านผี+

  1. #1
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23

    +ส้มป่อย(บ่)ย่านผี+

    พี่น้อง.. เคยมีประสบการณ์เรื่องทางนี้บ่อจ้า อั่นพอดีไปอ่านมาหลายๆหม่อง กะเลยเกิดกระเทือนตุ่มเอ้ะ(สงสัย)ขึ้นมาว่า..ผี หรือวิญาณมีจริงอยู่บ่อ..

    ล่าสุดกะได่อ่านข่าวว่าทางอังกฤษหือได๋นิล่ะ ว่ากล้องที่ติดตั้งไว่ได่ถ่ายเจอวิญญาณพะนะ ตรวจสอบหลายๆครั้งแล้วโดยผู้ชำนาญกะลงความเห็นคือกันว่า เป็นวิญาณคักๆ พะนะ..จนหน่วยงานนั่นๆ ยอมพึ่งเอิ้นหน่วยงานที่ชำนาญด้านวิญญาณมาส่อย..ปร๊าดด..ขนาดเมืองเจริญแล้วป่านนั่นยังคิดว่าเป็นวิญญาณอิหลี..แล่วมันยังมีเรื่องชาติหน้า เรื่องบาป บุญ คุณโทษ เข้ามารบกวนคลื่นหยักสมองของขะน้อยอีก.. มาฮอดตรงนี้ทางตันเลยจ้า..คึดต่อบ่อออก..

    เพราะจากที่ได่รับรู้และรําเรียนมา มันขัดกับหม่องนี้หลาย จะของกะพยายามทำใจเพื่อการดำรงชีวิตให้เข้ากับความเป็นจริงของโลกปัจจุบัน คือบ่มีผี หือวิญญาณในโลกแน่ๆ มันเป็นแค่อากาศ ธาตุ ตามทางวิทยาศาสตร์แบบที่เฮาเคยเรียนมาในห้องเรียนท่อนั่น ยิ่งกับลูกสาวนิกะบ่เคยสอนเรื่องย่านผี หือเรื่องจำพวกนี้เลย บ่เอ่ยถึง หือบ่เว่าให่เขาย่าน ยามสิบอก หือสิสอนอิหยัง เพื่อให้เขาเสื่อฟังเพราะย่านผีเลย. (เพราะว่าย่านเขาเป็นคือจะของ คือเป็นโรคเครซี่ผีสุดๆ ทั้งๆที่บอกเจ้าของว่าบ่เสื่อๆเรื่องนี้ จนป่านนิกะยัง งง เจ้าของว่า ตกลงเธอเสื่อ หือ บ่เสื่อหว๋านิแม่ะ ฮ่าๆๆ )

    (.. เพราะอาจสิมีผลมาแต่ตอนน้อยๆ ส่วนมากขะน้อยสินอนคนเดียว เพราะต้องอยู่แต่บ้านเรียนหนังสือ พ่อและแม่เพิ่นไปอยู่บ้านที่สร้างอยู่ใกล้นา เพื่อทำนาและสวน พวกพี่ๆที่เพิ่นเรียนจบประถมหกแล้วเพิ่นกะไปอยู่นำ.น้องน้อยๆกะยังอยู่กะพ่อแม่ มีจะของนิล่ะ เฝ้าบ้านส่วนหลาย นากะบ่เคยเฮ็ด ลูกชาวนาแต่บ่เคยปลูกข้าวเลย หน่ายจะของข้อนี้ล่ะ จำได่ยุแต่ว่า เคยได่เกี่ยวข้าวอยู่เทือ สองเทือนิล่ะ ม่วนตะหน่าย อิพ่อเพิ่นจ่มให้วะซั่น ไปเหยียบต้นข้าวเพิ่นเหมิด คาสะออนนำแต่แมงปอกับแมงหยังบุ แล่นคุบวะซั่น กับตัดลำข้าวมาเป่าเฮ็ดปี่เป่าเล่น เฮ็ดยังบ่เก่งจนป่านนิ บาดพวกอ้ายๆเอื้อยๆเล้าเฮ็ดเป่าเสียงดีวะซั่น หาย่าดนำแต่ของเพิ่นมาเป่า เป่าบ่ทันดนกะบุปซํา อยู่จั่งสิล่ะ..สรุป บ่ได่เกี่ยวฮอดข้าว สำพอเพิ่นส่งไปเรียนนาฏศิลป์อ่ะล่ะแม๋ะ ฮ่าๆๆ ตอนแต่น้อยๆ ได่ให้อิพ่ออิแม่ อ้ายเอื้อย เพิ่นเฮ็ดนาเลี้ยงจะของเรียนหนังสือ บาดนิถึงคิวจะของแหล่วพี่น้องเอ้ย ได่เลี้ยงพวกเพิ่นเกือบเหมิดบ้านพี่น้องแม๋ะ..ฮ่าๆๆ.. )


    ฮอดใสแล่วล่ะ..บาดนิพอดี เรื่องเกิดขึ่นกะเจ้าของเอง มีอยู่มื้อนึง ไปดื่มกับหมู่พวกมา เมาได่ที่คือกัน กลับกะดึกคัก ราวๆตีสาม คนนอนกันเหมิดแล้ว จังหวะที่สิย่างเข้าลิฟท์ ลิฟท์ได่เลื่อนลงมาตรงจังหวะต่อหน่าพอดี ยังบ่ท่อนั่น แถมเปิดให้อิกต่างหาก เจ้าของกะบ่ทันคึดหยัง คาแต่เมาย่างเข้าไปยืนเส้ย จนลิฟท์ขึ่นมาฮอดชั้นหม่องอยู่ โดยที่เจ้าของกดแค่ ชั้น๑๓ ท่อนั่น ..

    พอมาฮอดห้อง กะอาบน้ามไปคึดไป เลยอึ้งกิ่มกี่ ประกอบกับความย่านแล่นมาสุมกุ้มทันที อาบน้ามไปเงียบๆผุเดียว บ่ปากบ่เว่า ในอาการที่หนาวๆคือขนคิงลุกไปนำ ฮ่าๆๆ
    สรุป เมื่อกิ แม่นไผ๋เป็นคนกดลิฟท์ลงมาให้ อันนิคั่นคึดว่าอาจสิมีคนยังบ่นอน แล้วเพิ่งขึ้นไปก่อนหน่านิ แล้วกะอาจสิหวังดี กดลิฟท์ลงมาชั้นหนึ่งไว่ให้กะได่ (คึดในแนวหาข้อมาหักล้างได่เนาะค่ะ แต่ว่าแม่นไผ๋สิมาหวังดี คึดนำเฮาตอนตีสามหน่อ เหอๆ) อิกอย่าง ลิฟท์มาตรงหน่าได่จังหวะจะโคน พอดีเป้ะขนาดนั่น แสดงว่า คนกดลิฟท์นิ คั่นบ่ได่เฝ้ายืนถ่าเบิ่งเฮาย่างเข้าลิฟท์จากด้านบน เพื่อสิกะจังหวะให้ได่ คั่นซั่นลิฟท์สิบ่เลื่อนลงมาได่พอดีเป้ะขนาดนั่นเด้อพี่น้อง จะของแฮงคึดไป แฮงขนลุกไป.. ที่สำคัญกว่านั่น ..เปิดประตูให้อิกแม๋ะ..ปกติลิฟท์นั่นต้องมีคนกดปุ่มเปิดประตูจากด้านในก่อน ประตูมันถึงสิเปิดออก นั่นหมายถึงต้องมีคนอยู่ข้างในนั่น แต่นี่บ่มีไผ๋เลย ว่างป่าวแม๋ะพี่น้อง จะแม่นบริการให้ดีดอก..(ทีหลังมะต๊องงง .. )

    สรุป เลยบ่อยากคึดจ้า ว่ามันคืออิหยัง พยายามหาเหตุผลมาหักล้างเอา เช่น ระบบลิฟท์อาจค้างตอนนั่นพอดี ๆ..มันเป็นไปได่น่า ในโลกเครื่องจักรกลเนาะ....พยายามปลอบใจจะของไปซั่นแหล่ว..ดีป่านได๋ตั้ว เพิ่นมาคอยดูแลให้ป่านนั่นเนาะ..แสดงว่าเป็นคนดี น่ารัก(ษา)ในระดับนึงตั้วล่ะ จะของกะดาย..บุ๋ยยย..พักนี้ไผ๋คือจูดยางแถวนี้ดู๋แท่ะหน่อ..ฮ่าๆๆๆๆ..



    <object width="445" height="364"><param name="movie" value="http://www.youtube.com/v/DmLpCcmhPAg&hl=en&fs=1&border=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/DmLpCcmhPAg&hl=en&fs=1&border=1" type="application/x-shockwave-flash" allowscriptaccess="always" allowfullscreen="true" width="445" height="364"></embed></object>
    ตัวอย่างภาพผีในลิฟท์ จากกล้องวงจรปิดครับ (ขออนุญาตเอาภาพมาประกอบเด้อมิกเด้อ)
    มองต่าง..อย่างปลง

  2. #2
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307

    Re: +ส้มป่อย(บ่)ย่านผี+

    ดีแล้วครับพี่ส้มปอยถือว่าเผิ่นเป็นคนดีมาซ่อยเฮาคั้นในสถาณการณ์แบบนี้คิดบวกไว้ครับคั้นคิดย้านแล้วจิตเฮาเตลิดครับคิดไปทั้ว น้องกะเคยเป็นยุคือกันไปใส่เบ็ดนาเอาไฟส่องยามเบ็ดอยู่พ้อดีน้ำต้าม..ดั่งบักแฮงเลยส่องไฟไปเบิ่งบ่อมีหยั่งขนคิงลุกเลยครับแต่กะทำใจบอกเจ่าของว่าป้าดปลาตัวใหญ่แท้น้อ
    กะเลยยามเบ็ดต่อแล้วฝ้าวกลับครับ

  3. #3

    Re: +ส้มป่อย(บ่)ย่านผี+

    เมาหลายซือๆดอกมั้งครับ ลองบ่เมาแล้วมาตามหาความจริงตอนตี 3 เบิ่งครับ บางทีอาจได้รับคำตอบกะได้ เหอๆ แล้วเธอจะเจอผี::)::)
    ชะตาฟ้าลิขิต...แต่ชีวิตเป็นของข้า

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209

    Re: +ส้มป่อย(บ่)ย่านผี+

    ผีนี่กะมีหลายแบบเด้อครับเอื้อย...ทั้งเป็นตาย้าน และบ่อเป็นตาย้าน...เดี๋ยวหลวงพ่อ พล เพิ่นสิมาเพิ่มเติมครับ..

  5. #5
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    1,826

    Re: +ส้มป่อย(บ่)ย่านผี+

    บ่ย่านผีบ่หล่า มานำอ้ายซิพาไปพิสูจน์

  6. #6

    Re: +ส้มป่อย(บ่)ย่านผี+

    แต่เป็นเด็กน้อยเคยย่านผีอยู่จ้า...แต่บ่เคยเห็น...เคยถามเฒ่าแม่อยู่จ้าว่า...
    ติ๋ม..."แม่ แม่ ผีมาจากไส?"
    เฒ่าแม่..."โตนออกมาจากปากเมิงหว่างหนึ่งเด๋" พะนะ....หึ๋ยยย...แต่นั่นมาบ่เคยสงสัยเรื่องผีอีกเลย5555++
    ติ๋มเชื่อนะว่ามีวิญญาณในโลกนี่(แต่บ่เคยเห็นจ้า) ถามว่าย่านบ่ บ่ย่านจ้า แต่กะบ่อยากเห็น...อิอิ
    อีกอย่างทำงานเจอคนตายหลาย บ่เคยเห็น แต่กะบ่ลบหลู่...
    ก่อนเช็ดโตให้ศพ เปลี่ยนเสื้อผ้าให้ ติ๋มสิไหว้เพิ่น แล้วกะขอโทษ...ก่อนลงมือทุกครั้ง5555++บ่ได้ย่านเด๋ แต่นับถือมากกว่า...
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  7. #7
    เจ้าหน้าที่ประชาสัมพันธ์ สัญลักษณ์ของ หล่อร้อยเมตร
    วันที่สมัคร
    Feb 2007
    กระทู้
    1,808

    Re: +ส้มป่อย(บ่)ย่านผี+

    ย่านผีคือกันเด๋ครับ ย่านแฮงอีกต่างหากแต่ก่อนยามฉีดยาฟอร์มาลีน ย๊านๆๆๆๆย่านมื่อสั่นล๊ดๆเลยแหล่วย่านแต่เผิ่นจับแขน หวึ๋ยๆๆๆๆติดตาศพได๋กะศพนั้น ย๊านนนนน
    คาดสิได้ลอยมาคือปลาเน่า ... สั่นแล๊ววว

  8. #8
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412

    Re: +ส้มป่อย(บ่)ย่านผี+

    Re: +ส้มป่อย(บ่)ย่านผี+ กระทู้ต้นฉบับโดยคุณ ติ๋ม เปอร์โย Re: +ส้มป่อย(บ่)ย่านผี+
    5555++บ่ได้ย่านเด๋ แต่นับถือมากกว่า...
    ::)::)::)::)::)

    หมวยน้อย กะบ่ย่านดอกเอื้อย...แต่ๆ นอนบ่เคยหลับหากนึกเรื่องผี...พะนะ


    :g:g:g:g

  9. #9
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,161

    Re: +ส้มป่อย(บ่)ย่านผี+

    ผีก็คือจิตหรือวิญญาณที่ยังไม่ได้เปลี่ยนสภาพแล้วไปเกิดใหม่

    แม็กกี้เชื่อว่าผีมีจริงนะคะ เพียงแต่บางคนอาจจะจูนคลื่นไม่ตรง

    แม็กกี้ไม่กลัวผี แต่ก็อย่ามาให้เห็นเล้ยย แม็กกี้บ่อยากเจอดอกจ้า ::)


    สำหรับแม็กกี้ ผู้ชายน่ากลัวกว่าผีอีกนะจ๊ะ ที่รัก ....
    ล้มแล้วฟื้นยืนสู้ชูช่อใหม่ เพราะต้นยังสดใสผลิใบเขียว
    ลุกขึ้นต้านลมฝนต้นเป็นเกลียว รากยึดเหนี่ยวซับซ้อนกับพื้นดิน



  10. #10
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: +ส้มป่อย(บ่)ย่านผี+


    ผีกะคือผี หนิหล่ะครับ บ่ต้องไปหาความจริงอยู่หม่องได๋ดอก

    มันกะอยู่นำกันหนิหล่ะ คนกับผีกะดาย อ้ายพ้อมาหลายแล้วเด้อ

    จากประสพการณ์ตรงแมะ ผีเปรตหนิ จะ จะ กะแม่น 3 เทื่อ

    ส่วนวิญญาณ อันซุมเฮ็ดให้ย่าน ซุมมาธรรมดาหนิ กะจักแม่นจักเทื่อ

    สมัยเป็นสังกะลีน้อย อยุ่วัด แฮ่งพ้อกันดู๋ ผีกะคือผีหนิหล่ะ

    จักสิไปย่านกันเฮ็ดหยังบุ ทำบุญทำทานให้เผิ่นแน่เด้อครับ

    ถ้าเห็นหลายกะแม่น มาขอส่วนบุญนำหนิหล่ะ บ่มีแนวอื่ีนดอก


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •