เอาวิธีเฮ็ดรั้วแบบทางอังกฤษมาฝากจ้า

[เมษา]

ด้านหลังบ้านสิมีที่กว้างสำหรับไห่ม้าอยู่น่ะค่ะ ระหว่างที่บ้านกับที่ที่ไห่ม้าอยู่สิเป็นทางเดินสาธารณะคั่นกลางค่ะ ก่าเลยสิต้องเฮ็ดฮั่วไห่มันหน่าเบิ่ง ถ้าต้นใม้สูงกิ่งก้านมันปกคลุมลงมาในทางเดินเพิ่นสิร้องเรียนไปทางราชการ บัดหนี่เฮาก่าสิซวยหล่ะ ประเทศนี่กฎหมายเพิ่นคุ้มครองดีหลาย ตัดต้นใม้ก่าต้องขออนุญาตก่อนแหม สิตัดสุ่มสี่สุ่มห่าคือบ้านเฮาบ่ได้เลย ก่าเลยไปจ้างผู้เชี่ยวชาญมาเฮ็ดไห่ ก่าได้พ่อใหญ่กอร์ดอนเลามาเฮ็ดไห่ เลาเฮ็ดไห่ปีที่แล่วอีกด้านหนึ่ง มันเหลืออีกด้านที่ยังบ่เฮ็ดเลาเลยมาเฮ็ดต่อไห่แล่ว เห็นว่ามันแปลกและก่างามเรียบร้อยดีเลยเอารูปมาฝากเผื่อผู่ใดอยากเอาไปเฮ็ดแถวบ้านเฮาก่าคือสิดีค่ะ


พ่อใหญ่เลาก่าเลต้นใม้มาแล้วก่าดัดกัน ถ้าต้นใดใหญ่หน่อยดัดบ่ได้เลาก่าสิตัดโคนต้นมันหน่อยนึงไห่มันเอนได้

สังเกตในรูปภาพเอาเด้อค่ะ พ่อใหญ่เลาเอาใม้เสียบลงไห่ต้นไม่มันอยู่ทรงและเป็นระเบียบ

เลาสิดัดต้นไม้ค่ะ

ภาพที่ดัดแล้วกับส่วนหนึ่งยังบ่ดัดค่ะ

ภาพนี่พ่อใหญ่มาเฮ็ดไห่ปีที่แล่วค่ะ

กำลังใส่ปุ๋ยหญ่าค่ะ ม้าเล็มหลายป่งบ่ทันหญ่าก่าดาย

เฮ็ดฮั่วแบบนี่ดูแลง่ายค่ะ บ่ต้องตัดปลายบ่อยๆคือฮั่วแบบอื่นเลย

แถมรูปน้ำบาดาลแบบอังกฤษค่ะ อิอิ เพิ่นก่ามีคือกันกับบ้านเฮาแหม แต่อันนี่บ่ใช้แล้วจ้า มันเก่าหลายสิบปีแล้ววาสั่น

[/SIZE]