ผญา ขอลาบวช พี่น้องเอ้ย

[บ่าวคนเดิม]

พี่น้องเอ้ย ยี่สิบปีกะเลยแล้ว ซาวเอ็ดคัดเลือกผ่าน
เดือนห้าล่วงเลยพ้น เดือนหกจ้นเข้าใส่เจ็ด
เฮ็ดจังได่เด้น้อ อันวาโตผู้ข้านี้ซิขอบวชทดแทนคุณ พ่อแม่ ซั่นแหล่ว
คันแม่นฮอดมื้อนั่น มีบ่หนอ...ผู้ซิมาเสนออุ้ม หมอนน้อยฮ่วมขบวน


[music]http://www.file2go.com/mrun.php?me=50160s3[/music]

[ศรีสะท้าน]

พอแต่เหมิดเดือนห้าเมษาพ้นผ่าน
เกณฑ์ทหารหล่วงม้มบ่สมแม้งปรารถนา
เลยสิลาหนห่องเครือคองพี่น้องเก่า
ขึ้นกล่าวจาผู้เถ่าอยากเนาซ้นศาสนา
ด้วยดวงจิตแก่กล้ามะโนหวังกุศลส่ง
อานิสงค์ส่งยู้ซูซ้อนซาติสิมา
ขอสมมาอำลาท่านบุพพการทั้งเถ่าแก่
มือวันทาแก่แด่ขันดอกไม้แต่งพร้อม ขอยอน้อมนมัสการ ฯ

มาเด้อผู้ใดสิอุ้มหมอนอะ จับบัตรคิวเด้อ

[sompoi]

บู๋ยย(ขิวเด้) ..เว่าเล่นหือแม่นเจ้าเว่าอิหลี คั่นเจ้าบวชได่สักที มีบ่อน้อสาดแม๋ะ..(สิขอถือสาดนิล่ะเสี่ยวเอ้ย..ฮ่าๆๆๆ..)

[หนุ่มเหงาคนไกลบ้าน]

บวชก่อนเบียดบ่อครับอ้ายคนถือหมอนซิบ่อหลายยุติครับอิอิ

[บ่าวนาตาลเขย่าโลก]

ช้างหลายๆในงานบุญแบบนี้คงเป็นจังหวัดสุรินทร์แมนบ่ครับนิ จั่งได๋ก่าอยากให้มีผุบวชหลายๆคนล่ะครับข้าน้อยจั่งสิได้ขออนุโมทนานำ.....

[pui.lab]

อายุยี่สิบเอ็ด ถึงเวลาบวชทดแทนพระคุณแม่เนาะท่าน บวชแล้วก็เบียดเนาะค่ะ
จั่งได๋ปุ้ยรอใส่ซองการืดสีชมพูเด้อค๊า

[บ่าวนาตาลเขย่าโลก]

ข้าน้อยขอร่วมบุญนำเด้อครับ

[khonsurin]

ทางสุรินทร์ส่วนใหญ่จะแห่งนาค โดยให้นาคขี่หลังช้างค่ะ

แต่เคยเห็นคนเมาไปแหย่ช้างเล่น ช้างเหม็นคนเมา เกือบเล่นงานเอา
ดีว่ามีควาญช้างดูแลอยู่ค่ะ

[ศรีสะท้าน]

พี่น้องเอ้ย บ่าวคนเดิมเลามาเว้า อยากหมายเนาว์กาสาว์พาด
จิตฉลาดอยากหล่วงพ้น ไปหาซ้นผ่าห่มเหลือง
พอให้เฮืองเมือหน่า สาสะนาสมณเพศ
ตัดกิเลสอันเซื่องส่น ให้หายพ้นบ่อนอบาย
วจีกายมะโนน้อม ขอสังฮอมน้อมเข้าใส่
โทษาโทษอันผิดไป กราบอภัยพวกพี่น้อง สมมาท่านอย่าใส่เวรฯ

มาเด้อพี่น้อง มาเตรียมงานซ่อยกัน บวชใส่บุญบั้งไฟนี้หละ บ่มีช้างกะย่างเอาโลดเถาะเด้อนาคเอ้ย อิ อิ

[sompoi]

บ่อมีช้าง กะยังมีอ้ายศรีอ่ะเด่ะจ้า..ทรงสิสมบุกสมบันดีอยู่เด่ะ สิพอได่ยุดอกรอบวัดจักสามรอบเนาะ คริๆๆๆ..