หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: ...เซาซะเถาะเนาะ...

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    ...เซาซะเถาะเนาะ...

    ฝากคำกลอนวอนท่าน เป็นโวหารผญากล่าว
    เถิงเรื่องราวเหตุบ้าน ถึงกาลจ้อก่อกะลี
    แบ่งเป็นสีเหลืองแหล่ เขียวแดงขัดแย้งฝ่าย
    แตกเป็นสายแบ่งเหง่า กอเค้าสังเล่าไล
    ความเป็นไทแต่คราวกี้ สามัคคีมาเหมิดมอด
    มาบกขอดขาดแล้ง เขินแห่งไหง่ละออง
    บ่สนองพระองค์ท่าน ภูบาลเคยสอนบอก แท้นอ
    เที่ยวแต่ผอกจอบซ้น โยนค้อนใส่กัน
    แสนรำพันมะโนน้อม เยียวว่าซอมซ้ำอุกอั่ง
    นั่งกะนั่งบ่ทน หนกะหนบ่กว้าง ปวงข้าราษฎร์สะดม
    มือบังคมโดยอ้าง ยอวางเกล้ากระหม่อม
    บารมีพระจงล้อม ระวังคุ้มแผ่นดิน พระเฮย
    ของมลทิลหมองเศร่า ขอบรรเทาให้จางจืด
    ฟ้าดำมืดให้แจ่มแจ้ง แสงต้องส่องประชา
    ภาวนาใ้ห้หายฮ้อน ประชากรทุกหมู่เหล่า
    ขอไว้เด้อหมู่เจ้า อย่าทำฮ้ายก่ายแผ่นดิน
    อย่าตัดสินเพียงตนไว้ หรือภายใน พวกกองกลุ่ม
    คึดนำซุมพี่น้อง ผู้เนาห่องประเทศเดียว
    ขอให้เกลียวที่เคยหมั่น สัมพันธ์ในชนชาติ
    อย่าได้ขาดแตกม้าง ทะลายล้างหล่วงลา นั้นแหลว

    .....หยุดทำร้าย ประเทศไทย.....
    แก้ไขครั้งสุดท้ายโดย ศรีสะท้าน; 04-05-2009 at 21:16. เหตุผล: จัดรูปแบบให้สวยงาม


  2. #2
    Membership renewed สัญลักษณ์ของ MADELA
    วันที่สมัคร
    Mar 2009
    ที่อยู่
    japan
    กระทู้
    299
    สุดยอดเลยครับ แต่งได้ดีอีหลีครับ สามัคคีกันไว้ไทยเฮาสิชุ่มเย็นเนาะครับ

  3. #3
    รักกันไว้เถิดนะ..คนไทยเหมือนกัน

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    คนไทยรักกัน ......สุดยอดแล้วจ้า อ้ายศรี ฮิ้วว มิเสียที ที่มาจากกาสิน สุดยอดๆๆๆ

  5. #5
    ไทบ้านทุ่ม
    Guest
    ม่วยหลายเด้ออ้าย คนไทยฮักกันไว้อยู่ไสก่ะไทยคือเก่า

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    "หยุดทำร้ายประเทศไทย
    ด้วยความคิดเพื่อหวังจะเอาชนะ
    ประเทศไทยไม่ใช่ของคนใด
    คนหนึ่งหรือกลุ่มใดกลุ่มหนึ่ง
    ประเทศไทยทุกคนเป็นเจ้าของ

    หันหน้าเข้าหากัน ณ บัดนี้
    ก่อนที่ทุกอย่างจะสายเกินไปครับ"
    แก้ไขครั้งสุดท้ายโดย พล พระยาแล; 09-05-2009 at 13:36.

  7. #7
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    :g- :g- สุดยอดเลยครับใหญ่ศรี แม่นความใหญ่ว่าล่ะครับ
    คนไทยตีกันไปกะมีแต่ไทยล่ะครับเสียหาย เซาซะ

  8. #8
    คนไทยล้วนเลือดหลั่งบ่หลากสี
    คนไทยมีเลือดสีแดงล้วน
    คนไทยถ้วนภาษากะบ่ต่าง
    คนไทยฮ้างประเทศฮ้อนฮั่งทะลาย

    นางเอาใจซ่อนเด้อ เราชาวไทยเกิดเป็นไทยตายเพื่อไทย

  9. #9
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    เห็นด้วยกับพ่อใหญ่ศรีฯแต่ทุกคนต้องพิจารณาตนเองครับ

    การที่เป็นแบบนี้ บ่มีเหตุอันสัง ดอกท่านเอ้ย
    คนทั้งหลายพละการ มองเห็น แต่ทางได้
    บ่มีไผมองหม่อง รวมกัน เป็นปึกแผ่น
    หม่องเคยฮักเคยแก่น บ่คึดเห็นย้อนอยากได้ เป็นของไว้ ส่วนตน
    การมีผลประโยชน์ร่วม ของชาติ ประเด็นรอง
    ส่วนที่เป็นของเจ้าของ นั้นจิ่งเห็น ประเด็นเริ่ม
    เลยเหิมเกริมว่าโตนี้ มีดี กว่าคนอื่น
    จริงแล้วความโลภนั้น เป็นเหตุ แห่งมูล
    บ่มีทางสิวุ่น คันเจ้าเชื่อ ในธรรม
    จำไปตรองให้มันเลิก อย่าแผ่วเพียง ฟังเว้า
    ให้เจ้าเอาใจเข้า ศึกษาธรรม ให้เถิ่งแก่น
    หากสิเถิงบ่อนแม่น อย่าไปเชื่อพวกปากกล้า ผีบ้า คึดบ่เป็น ท่านเอ้ย
    เห็นด้วยกับพ่อใหญ่ศรีฯแต่ทุกคนต้องพิจารณาตนเองครับเห็นด้วยกับพ่อใหญ่ศรีฯแต่ทุกคนต้องพิจารณาตนเองครับเห็นด้วยกับพ่อใหญ่ศรีฯแต่ทุกคนต้องพิจารณาตนเองครับ

    อย่าฟังความข้างเดียว
    อย่าลูบเคียวสองคม
    อย่าสูดดมของเหม็น
    อย่าเหลียวเห็นสิ่งบ่ฮู้
    อย่าดู๋ฟังความตั๋ว
    อย่ามัวลืมกินข้าว

    ขอฝากพิจารณาครับ...

  10. #10
    อั่นผมเซาบ่ได้ดอกเด้อคับไหย่ศรี ผมเซาเข้าบ้านมหาบ่ได้ดอก ย้อนว่าคิดฮอดเนาะ อิอิ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •