หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: วิธีการเฮ็ดบักม่วงแผ่น (มะม่วงกวน)

  1. #1
    เจ้าหน้าที่ประชาสัมพันธ์ สัญลักษณ์ของ หล่อร้อยเมตร
    วันที่สมัคร
    Feb 2007
    กระทู้
    1,944

    รอบยิ้มพิมใจ วิธีการเฮ็ดบักม่วงแผ่น (มะม่วงกวน)


    การเฮ็ดบักม่วงแผ่นเป็นการถนอมอาหารอีกแบบหนึ่งครับ เก็บไว้กินได้โดนแซบนำ บางลังเทื่อกะเก็บไว้เป็นปีเลยเด้อครับ เก็บไว้กินยามดำนา ขึ้นจากหน้านาเมื่อยๆได้บักม่วงแผ่นกับข้าวเหนียวกะแล้วคาบไปยุเด้ผมกะดาย ตอนนี่บักม่วงกะสุกหลายหาเก็บนำวัดแหน่กะเลยสิลองเฮ็ดไว้กินสั่นดอกครับ บ่เคยเฮ็ดดอกมีแต่เถ่าแม่เลาเฮ็ด แต่มื่อนี่เฮ็ดเองครับแบบว่าบ่มีผุส่อยเลยอยู่นาคนเดียวเก็บบักม่วงไว้กะเลยลองเฮ็ดตามสูตรโทรถามเถ่าแม่นำครับ อุบอิบ


    วิธีการเฮ็ดบักม่วงแผ่น

    1. ล้างบักม่วงให้สะอาดแหน่เด้อจั่งสิบ่คันคอยางบักม่วง (บักม่วงน้อย บักม่วงใหญ่ บักม่วงเอิ่กร่อง บักม่วงน้ำดอกไม้ เฮ็ดสมกันได้ครับ)

    2. ฝานเปือกออก หล่อนแกนออกสับให้เละๆนำเด้อครับ

    3. กะเอาผ้าแหง่งบ้านเฮาหละครับกรองเอา บีบเอาแต่น้ำหรือกากที่ลอดออกมาจากผ้าแหง่งมันจั่งละเอียดครับ

    4. เอาไปตั้งเตากวนกะหว่าฟดจัก 15 นาทีกะปงลงเด้อครับตอนตั้งเตาต้องคนดู๋ๆเด้อครับจั่งสิบ่ไหม้หม้อ ถ่าไหม้หม้อมันสิขิวหลายกั่วหอมครับ

    5. ป่อยให้เย็นแล้วเอาไปลาดกับใบตองครับ แต่ผมใช้ผ้ายาง แล้วเอาไปตากแดดมื่อหนึ่ง พอฮอดยามแลงกะเอามาลอกออกครับ แล้วตากอีกแดดหนึ่ง

    กะสิได้บักม่วงแผ่นกรอบๆบ่ติดแข่วครับถ่าตั้งไฟบ่ดน แล้วกะตากแดดประมาณจักสองมื่อแล้วเอามาตัดพันเก็บไว้เด้อครับ


    วิธีการเฮ็ดบักม่วงแผ่น (มะม่วงกวน)


    วิธีการเฮ็ดบักม่วงแผ่น (มะม่วงกวน)


    วิธีการเฮ็ดบักม่วงแผ่น (มะม่วงกวน)


    วิธีการเฮ็ดบักม่วงแผ่น (มะม่วงกวน)


    วิธีการเฮ็ดบักม่วงแผ่น (มะม่วงกวน)


    วิธีการเฮ็ดบักม่วงแผ่น (มะม่วงกวน)
    แก้ไขครั้งสุดท้ายโดย หล่อร้อยเมตร; 22-05-2009 at 13:51.

  2. #2
    ร่วมถ่ายทอดความรู้สู่สังคม สัญลักษณ์ของ ลูกอิสาน
    วันที่สมัคร
    Dec 2008
    กระทู้
    484
    ช่วงนี้มักม่วงสุกหลายพอเฮ้ดเก็บไว้กินอยู่ได่หล่ะน้อจ้า สิได้ตื่นแต่เดิกลุกไปหาเก็บมักม่วงแข่งกับเด็กน้อยแล้วที่หนิ มาเฮ้ดมักม่วงแผ่นคืออ้ายหล่อซั่นดอกหว่า อิอิ

  3. #3
    แม่นเหลือยุบ่อน้อครับส่งมาทางเกาหลีจักโลแน่ครับอยากกินบักม่วนทางบ้านเฮาแหม๋ครับ แต่ก่อนกะเป็นเด็กน้อยกะพากันทำไว้กินยุครับคิดพ้อตอนไปหาเก็บมักม่วงหลายๆๆบ่อรู้ว่าซิทำจั่งใด๋มีกะเฒ่าแม่ละครับเฮ็ดไว้ให้กิน

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    ยามเมือไถฮุดนา กะแล้วย้อนนี่ล่ะ บ่ายเข้า ดีคัก

  5. #5
    แบ่งปันความรู้และประสบการณ์ สัญลักษณ์ของ ลาวสวิส
    วันที่สมัคร
    Mar 2009
    กระทู้
    390
    เห็นแล้วน้ำลายไหล คิดฮอดบ้านนำ....เว้าแล้วกะคิดง้อยามกินแล้วมันติดแข้วนี้ละ้เนาะ...

  6. #6
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078
    อ้ายหล่อ คือเป็นตาแซ่บแท๊แบ่งหลินนำแหน่อ้าย สิไว้บ่ายข้าว

    ยามลงนาแหม๋อ้าย บ่แม่นไปเก็บหมากม่วงสุกมาแต่วันซะบ่ล่ะหั่น

  7. #7
    ดูแลตรวจสอบเนื้อหา สัญลักษณ์ของ บ่าวกุดชุม
    วันที่สมัคร
    Sep 2008
    ที่อยู่
    กุดชุม
    กระทู้
    607
    บล็อก
    3
    เอาบักม่วงน้อยแห่งแซบคักเด้อพี่น้อง

  8. #8
    ร่วมถ่ายทอดความรู้สู่สังคม สัญลักษณ์ของ miaw
    วันที่สมัคร
    Jun 2007
    กระทู้
    259
    เฮ็ดยามใด๋มือโพง ยามนั้น เวลาคนมันเดือดขึ้นมาใส่มือค่ะ อิอิ

  9. #9
    Teemunt
    Guest
    จำได้บ่มื่อลมพัดแฮง เฮาแล่นแข่งกันเก็บหมากม่วง เจ้ากะยังยาดได้ตั้งหลายพวง ยาดบักม่วงจนหลวงพ่อเพิ่นไหล่:1-

  10. #10
    ร่วมถ่ายทอดความรู้สู่สังคม สัญลักษณ์ของ ท้าวมนตรี
    วันที่สมัคร
    Oct 2008
    ที่อยู่
    รังสิต
    กระทู้
    423
    ขอบคุณหลายๆครับ สีสันน่ากินแท้เนาะ เฮ็ดก่ายากกว่าซิได่กิน

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •