วิธีการเฮ็ดบักม่วงแผ่น (มะม่วงกวน)

**หล่อร้อยเมตร** · 06-05-2009, 17:45

การเฮ็ดบักม่วงแผ่นเป็นการถนอมอาหารอีกแบบหนึ่งครับ เก็บไว้กินได้โดนแซบนำ บางลังเทื่อกะเก็บไว้เป็นปีเลยเด้อครับ เก็บไว้กินยามดำนา ขึ้นจากหน้านาเมื่อยๆได้บักม่วงแผ่นกับข้าวเหนียวกะแล้วคาบไปยุเด้ผมกะดาย ตอนนี่บักม่วงกะสุกหลายหาเก็บนำวัดแหน่กะเลยสิลองเฮ็ดไว้กินสั่นดอกครับ บ่เคยเฮ็ดดอกมีแต่เถ่าแม่เลาเฮ็ด แต่มื่อนี่เฮ็ดเองครับแบบว่าบ่มีผุส่อยเลยอยู่นาคนเดียวเก็บบักม่วงไว้กะเลยลองเฮ็ดตามสูตรโทรถามเถ่าแม่นำครับ อุบอิบ

วิธีการเฮ็ดบักม่วงแผ่น

1. ล้างบักม่วงให้สะอาดแหน่เด้อจั่งสิบ่คันคอยางบักม่วง (บักม่วงน้อย บักม่วงใหญ่ บักม่วงเอิ่กร่อง บักม่วงน้ำดอกไม้ เฮ็ดสมกันได้ครับ)

2. ฝานเปือกออก หล่อนแกนออกสับให้เละๆนำเด้อครับ

3. กะเอาผ้าแหง่งบ้านเฮาหละครับกรองเอา บีบเอาแต่น้ำหรือกากที่ลอดออกมาจากผ้าแหง่งมันจั่งละเอียดครับ

4. เอาไปตั้งเตากวนกะหว่าฟดจัก 15 นาทีกะปงลงเด้อครับตอนตั้งเตาต้องคนดู๋ๆเด้อครับจั่งสิบ่ไหม้หม้อ ถ่าไหม้หม้อมันสิขิวหลายกั่วหอมครับ

5. ป่อยให้เย็นแล้วเอาไปลาดกับใบตองครับ แต่ผมใช้ผ้ายาง แล้วเอาไปตากแดดมื่อหนึ่ง พอฮอดยามแลงกะเอามาลอกออกครับ แล้วตากอีกแดดหนึ่ง

กะสิได้บักม่วงแผ่นกรอบๆบ่ติดแข่วครับถ่าตั้งไฟบ่ดน แล้วกะตากแดดประมาณจักสองมื่อแล้วเอามาตัดพันเก็บไว้เด้อครับ

**ลูกอิสาน** · 06-05-2009, 18:18

ช่วงนี้มักม่วงสุกหลายพอเฮ้ดเก็บไว้กินอยู่ได่หล่ะน้อจ้า สิได้ตื่นแต่เดิกลุกไปหาเก็บมักม่วงแข่งกับเด็กน้อยแล้วที่หนิ มาเฮ้ดมักม่วงแผ่นคืออ้ายหล่อซั่นดอกหว่า อิอิ

**หนุ่มเหงาคนไกลบ้าน** · 06-05-2009, 18:54

แม่นเหลือยุบ่อน้อครับส่งมาทางเกาหลีจักโลแน่ครับอยากกินบักม่วนทางบ้านเฮาแหม๋ครับ แต่ก่อนกะเป็นเด็กน้อยกะพากันทำไว้กินยุครับคิดพ้อตอนไปหาเก็บมักม่วงหลายๆๆบ่อรู้ว่าซิทำจั่งใด๋มีกะเฒ่าแม่ละครับเฮ็ดไว้ให้กิน