หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: ผญาคนอกหัก (พี่น้องอย่าซาเด้อถ้าบ่ม่วน)

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139

    ผญาคนอกหัก (พี่น้องอย่าซาเด้อถ้าบ่ม่วน)

    พี่น้องเอ้ย อันว่าความฮักนี้คือดั่งกับลมหนาว
    พัดพอคราวกะเลยหนี ล่วงกายบ่คงที่
    ตกมาในระหว่างนี้ ใจผมพอปานมี ไฟฮ้อนมาจูดจี่
    มักผู้สาวทังที เขากะหนีจากจ้อย สวอยให้อยู่ก่องน้ำตา เด้นอ
    เหลือแฮงเฮานี่น้า เอาใจมักเพิ่นเหมิดโต
    โสได้ลงทางหุบ โลดหลุบทุนย้อนสาวจ้อย
    ค่ำจนแลงน้ำตาย้อย แนวพาออยแม่นเหล้ากลั่น
    หายไปโดนนานวัน ว่าสิทำใจได้ ผั่นส่ำไม้ตายแล้ง ดินแห้งปลูกบ่คืน
    เดียวนี้มีแต่นอนสะอื้น กลืนน้ำตาตางน้ำท่า
    เข้าบ่กินจนว่าหล่า แฮงหน่อยสิจ่อยผอม
    แนมทางใด๋คือดั่งเขาแล่นอ้อม ชี้หน้าด่าเฮาซั่วหลาย
    พออยากตายวันสามที สาวผู้ดีคือทำได้
    ผิดแนวใด๋น้อหล่า เจ้าคือมาปล่อยถิ่มพี่
    ผิดหม่องอ้ายบ่มี ผิดหม่องพี่บ่โก้ ซั่นบ้อน้องเจ้าจั่งป๋า
    ฮู้บ่ฝนอยู่ฟ้าลินหยาดลงยามใด๋ คือน้ำตาพี่ซายไหลหยาดลงฮ่ำแก้ม
    แนมเบิ่งเงาเสาฮั้ว สีมัวๆว่าแม่นน้องมายามพี่
    หลงแล่นใส่แสนยินดี พอปานผีย้อนป่วงบ้า ให้ไทบ้านเพิ่นกล่าวหยั๋น น้อนางน้อ

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ปร๊าดดดดดดดด..เป็นตาโตนซาดแท่ะ.. มะเฮ้ดจั่งๆได๋คืออกหักคัก หักแน่ แท่ะน้องทองคำ..
    มองต่าง..อย่างปลง

  3. #3
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139
    คับ ตาหลูโตนคือหยังนี่เอื้อย

    น้ำตาเปียกย่ามย่างอยู่หนี่

    หาผู้สาวให้จักคนแหน่เด้อ

  4. #4
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9

    พบปะพูดคุย

    ตอนแลงซิไปต่อจ้า ผญาคนอกหัก ทางนี่กะเพิ่งอกหัก อุบอิบอุบอิบ
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  5. #5
    อกหักเพราะฮักอ้าย
    โศกเศร้าหลายอ้ายบ่ฮัก
    ได้แต่หักใจห่าม
    หลีกห่างไปให่ไกล
    น้องบ่ไค(สวย) อ้ายบ่ฮัก
    แถมมาทักว่าน้องพี(อ้วน):1-
    ขอลาทีเด้ออ้าย
    น้องผู้ฮ้ายสำหรับพี่
    น้องมีดีบ่สมอ้าย
    บ่คาดหมายสิเคียงคู่
    ขอรอพูฮักแท้
    พูบ่แพ้ความสวย เด้ออ้ายเอ้ย c06:

    เข้ามาแจมนำม่วนๆเด้อจ้า :1-

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    ผญานี่กะมักอยู่ครับอ้าย แต่เขียนนำบ่อเป็น ยามอกหักพู้นล่ะเด้อจั่งสิได้มาหัดแต่ง...5555

  7. #7
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9

    พบปะพูดคุย

    อ้ายเอ๊ย ภูเขาสูงเสียดฟ้า ทะเลกว้างใหญ่ไพศาล

    แผ่นดินยาวนับล้านไมค์ เทียบบ่ได้ใจน้องฮักแต่อ้าย

    มาบัดนี้ ความฮักอ้ายต่อน้องคือจางหาย

    ใจญาอ้าย ซางฮ้าย คืออีกาแท้น้ออ้าย

    ลืมหมดสิ้นอดีตสองเฮาเคยฮวมทุกข์

    กินข้าวเหนียว จ้ำปลาแดกยามทุกข์ยาก

    ฮวมข้าวเวนเทิงเถียงนาน้อยยามเกี่ยวข้าว

    หยาดเหยื่ออ้าย ไหลเปียกปอนย้อยเต็มหลัง

    น้องวีให้ตัวอ้ายคลายความฮ้อน บ่เซามือ

    ยามแลงคล้อยตะเวนอ่อน ทางกลับบ้าน

    เกี่ยวก้อยยางเทิงคันแทสุขเหลือล้นอ้ายเอ๊ย จำได้บ่.


    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  8. #8
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139
    ขอขอบคุณทุกท่าน ผู้มาฮ่วมอุดมการณ์
    คนบ่หม๋านความฮัก มักไผกะพลอยฮ้าง
    ย่างนำทางสาวบ่เอิ้น เดินคนเดียวเทิงทางเปลี่ยว
    เทียวถนนสายเศร้า เหงาเรื่อยอยู่บ่อเซา
    อุกแสนอุกเอ้าแสนเอ้า ไผสิเฮายามาใส่
    ใจมันเพพังแล้ว ปานแก้วแตกกระจาย ท่านเอ้ย

  9. #9
    เจ้าหน้าที่ประชาสัมพันธ์ สัญลักษณ์ของ หนุ่มน้อย
    วันที่สมัคร
    Mar 2009
    กระทู้
    549
    บล็อก
    21
    สงสารเด้ผู้เผิ่นมีความฮัก แนวเผิ่นมักเหลือหลาย สงสารหญิงและชาย
    ผู้มาดหมายสิครองคู่ ถึงฤดูกาลพ้นหนทางกะแปรเปลี่ยน หวานปานได๋กะเลี่ยน
    หนทางเหี้ยนหย่าวลง ปลงเสียเถาะหมู่เจ้าขอบอกเหล่าเรื่องความจริง บ่อได้อิงนิยาย
    บ่อมาดหมายให้ฮนอ้อน อันว่าตอนสุขนั้น กะหวานเหมิดทุกอย่าง บัดห่าทุกข์มาแหล่น
    กุ้มสุขนั้นกะเหือดหาย สุขทุกข์ก็ละหม้ายคล้ายกับฮักของเฮา มีทั้งเบาทั้งหนัก
    มักปานได๋กะเพได้ อย่าได้ไปอ่าวโอ้ กับใจของผู้อื่น มีเป็นหมื่นเป็นแสนบ่ออาจแทนอาจเว้า
    คือใจเจ้าแหม่นผู้เดียว ซั่นได๊ จงทำใจเสียเถิดสาวบ่าวผู้อกหัก อย่าได้ปักใจฮักแต่คนผู้เดียวนั้น
    ย่อมมีวันสูญสิ้น มลายไปแปรเปลี่ยน หมุนเวียนไปอยู่สู่มื้อ ใจเจ้าบ่ออยู่คง อ้ายบ่าวเอย

  10. #10
    แบ่งปันความรู้และประสบการณ์ สัญลักษณ์ของ Lerm ubon
    วันที่สมัคร
    Jan 2009
    ที่อยู่
    Chonburi-BASF The Chemical company
    กระทู้
    271
    อกหักบักเเก่งเเก้..จั่งโงโค้งต่าวอีสาน..พะนะ..55

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •