ขึ้นบ้านใหม่ใส่หญ้าเต็ม

[บ่าวกุดชุม]

การขึ้นบ้านใหม่กะถือเป็นพิธีการของชาวอีสาน มื้อนี้สิพาไปขึ้นบ้านใหม่ทางกุดชุม
เฮือนเฮดแล้วพร้อมขึ้นอยู่

ย้ายแม่ธรณี ดอกไม้ 1 คู่ เทียน 1 คู่ 4 มุมบ้าน

เดินวน 3 รอบ กะขึ้น

ทำพิธีกรรม

พ่อพราหมณ์กะสินอน

ไก่ขัน ตื่น

ทำนายความฝัน มีหิน 4 ก้อน ก้อนเงิน ก้อนคำ ก้อนทอง ส่วนก้อนเศร้า ให้เอาออกจากเฮือน

พ่อพราหมณ์กะผูกแขนเจ้าของเฮือน

มาพี่น้องมากินเข้านำกัน

กะมีลาบปลา ต้มปลา แกงไก่ใส่บักฟัก แจ่ว

ผิดพลาดประการกะชี้แนะแหน่เด้อครับ พยายามสิเอาความเป็นอยู่ของพ่อแม่ชาวอีสานบ้านเฮามาให้พี่น้องรับชมนำกัน อาจจะนำเสนอผิดพลาด หรือไม่ถูกต้องกะขออภัยไว้ ณ ที่นี้ด้วย

[suphat]

เห็นแล้วคิดฮอดบ้านเลยคับพี่น้อง

[nuzing]

ขอแสดงความยินดีนำเด้อที่มีเรือนหอหลังใหญ่/ต้มไก่แซบ/สื่อและบ่งบอกถึงประเพณีไทอีสานขนานแท้เบิ่งแล้วกะคิดฮอดบ้านเด๊ ยายขอเป็นกำลังใจให้จ้า หามาอีกๆรูปที่ส่งไปบ้านยายกะคักจ้าคือๆๆว่างๆกะหามาอีกเด้อจ้าส่อยกันเติมเต็มบ้านมหาของเฮา

[เมษา]

แปลกดีเนาะ ที่บ้านคือบ่เฮ็ดแบบนี่หล่ะหือ

[คนตระการ...]

ผมว่าคือสิบ่อผิดดอกครับ ไกล้เคียงกับบ้านผมครับ บ่าวกุดชุม บางทีตำบลเดียวกันกะเฮ็ดบ่อคือกัน แต่ว่าความหมายสื่อไปทางเดียวกัน..ขอบคุณที่นำมาให้เบิ่งเด้อครับ..

[ลูกอิสาน]

ขอบคุณเด้อจ้าพี่เอาอีกประเพณีหนึ่งมาสู่เบิ่ง บ่เคยเห็นจักเถือจ้าแต่แบบทางอุบลเห็นดุ่อยู่
เฮ้ดแบบนี้ก่ะดีคือกันน้อจ้า บ่ต้องจัดงานใหญ่โต

[สาวทองแพง]

ขอบคุณจ้าที่เอามาให้เบิ่งประเพณีแบบนี้บ่เคยเห็นจักเทื่อ
ขอให้เจ้าของบ้านโชคดีมีความสุขจ้า

[บ่าวคนเดิม]

ขึ้นบ้านใหม่กะบ่บอกกันน้อท่าน....วาซิไปกินต้มไก่นำยุ

[ไก่น้อย]

ประเพณีคือกันกับทางกาสินจ้า แป๊ะเลย ..

ปล..ทางบ้านกุดชุมเพิ่นบ่มีสาดปูกินข้าว ติจ้า ไก่น้อยสิได่ชวนอ้ายศรี เอาไปแลกข้าวทางพุ้นสั่นดอกหว่า

[เขมราฐ]

ยินดีกับอ้ายบ่าวนำเด้อจ๊ะ ประเพณีกะคือกันอยู่เนาะจ๊ะ



เจ้าของบ้านไปใสล่ะค่ะ