-
Moderators
ลาบเป็ดไทอำนาจ....
มื้อวานบ่ได้เฮ็ดโอทีครับ เลิกงานห้าโมงครึ่ง พอดีหมู่ทางวัดยายร่มโทรมา บอกว่ามาเฮ็ดลาบเป็ดสู่กินแหน่ ซื้อมาแต่ตลาดบางบอนโตเกือบ3โลหว่าซั่น (คึดในใจ จะแหม่นโทรมาถืกยามคักแท้::)::) )ขั้นตอนก่อนหน้านี้ข้ามเลยน้อครับ มันโหดโพด อิอิ ชำแหระเลยครับ เลาะเอาแต่เนื้อ กระดูกสับไว้ถ่าต้ม เครื่องในล้างให้สะอาดครับ เตรียมไว้ใส่หม้อต้ม
ต้มน้ำเลยครับ หั่นข่า-ตะไคร้ ใบบักกูดใส่ลงไป เอาคนอร์ใส่จัก 2 ก้อนมันจั่งสิหอมนัว พอน้ำเดือดเอากระดูกเป็ดใส่ลงไปครับกับเครื่องใน ใส่เกลือนิดหนึ่ง อย่าลืมใบอันนี้นำครับ ยอดหม่อนหรือใบมอนบ้านเฮา นี้หละครับเคล็ดลับของการเฮ็ดต้มซด รสชาดมันสิคือใส่ ซ......นี้หละพี่น้อง ย้านแต่ซดบ่ยอมวางช้อน::)::)
เนื้อที่เลาะไว้เอามาหั่นครับ หละกะสับให้ละเอียด เสร็จแล้วใส่เกลือนิดหนึ่งครับ บีบบักนาวใส่จัก 5-6 หน่วย คลุกให้เข้ากัน ปั้นเอาน้ำออกครับ (น้ำที่ปั้นออกอย่าถิ่มเด้อครับ เอาใส่หม้อตั้งไฟสิเฮ็ดเป็นน้ำคนลาบ)
เครื่องในที่ต้มสุกแล้วกะเอามาหั่นครับ เตรียมไว้ใส่ลาบ
เอาเนื้อที่สับไว้รวนเลยครับ รวนหลายๆเที่ยวจนเนื้อเป็ดสุก เทน้ำรวนออก เอาน้ำคนลาบที่ตั้งไฟไว้เทลงไปครับ ใส่เครื่องในที่หั่นไว้รอให้เย็นกะปรุงเลยครับตามใจชอบ
ถ่าผุได๋มักกินลาบใส่เลือด กะแยกออกมาใส่ต่างหากครับ แซบคือกัน ถ่าได้ซดจักคำย้านแต่ลืมแบบแรก อิอิ
เสร็จแล้วครับ กินกับผักแกล้มกะมี ยอดบักกอก-ผักกาดหิ่น-ผักหนอก-หละกะถั่วฝักยาว มา มา พี่น้องมากินนำกัน แซบ แซบ
แก้ไขครั้งสุดท้ายโดย บ่าวทิพย์คนอำนาจเจริญ; 21-05-2009 at 12:46.
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks