หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 22

หัวข้อ: ....วิถีชาวนา ยามเดือน 6...

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946

    รอบยิ้มพิมใจ ....วิถีชาวนา ยามเดือน 6...

    ย่างเข้าเดือน 6 ฝนกะตกสู่มื่อน้อค่ะพี่น้อง มื่อเซ้ากะสิ

    ริน ๆ หน่อยหนึ่งก่อนออกมาทำงาน ซงคร้าน แต่กะต้องไปเนาะค่ะ มื่อวานกะทำท่าป่วยลา

    หยุดไปมื่อหนึ่งแล้ว

    แต่ตอนน้องเขมเป็นเด็กน้อย ฝนตกรินแนวนี้หาไล่ตั๊กแตนนำท่งตั่วค่ะ

    ฝนตกน้ำฮ่งนำไฮ่นา เฒ่าพ่อบ่ทันได้ไถนาฮุด ไล่ตั๊กแตนบินตกน้ำไฮ่นา จับง่ายค่ะ ยาม

    เดือนหกมีกิจกรรมให้เฮ็ดหลายอย่างต่อหลายแนว ไล่ตั๊กแตนยามเซ้าจนสวยแล้ว กะไป

    ซ่อยเฒ่าแม่สุมขอนไม้ในนา ตะเว็นบ่ายกะหาขุดจิโป้ม ขวยจิโป้มสิมีหลายนำใต้ต้นหมาก

    หว้าตั่วค่ะ จิโป้มยามเดือนหกนี่แซ่บเนาะค่ะพี่น้อง พวมกำลังไข่ มื่อหนึ่งขุดได้เป็น 100

    ค่ะ ขุดจิโป้มแล้วกะหาเห็ดเผาะนำตากล้า แล้วกะค่ำพอดี ยามค่ำ ๆ ดอกบานค่ำนำคันแท

    นาบาน กลิ่นหอมอ่อน ๆ ปนกลิ่นผักแขยงป่งใหม่ กลิ่นสาปไอดิน เป็นกลิ่นของยามนาคัก

    แหน่ค่ะ พอแต่ตะเว็นใกล้ตกดิน ส่งแสงสีส้มอ่อน ๆ มากระทบยอดไม้ เฒ่าแม่มักเอิ้นว่า

    แดดผีตากผ้าอ้อม น้องเขมกับน้องซายกะสิย่านคัก ฟ้าวเร่งให้เฒ่าพ่อเปลี่ยนล้อรถไถไว ๆ

    ฟ้าวเมือบ้าน ^ ^ ใกล้ค่ำแมงน้ำฝนกะสิฮ้อง แมงไม้อีหยังฮ้องเสียงดังฮ้าย ได้ยินเสียง

    แมงน้ำฝนฮ้องยามได๋น้องเขมเหงาทุกเทื่อเลยค่ะ เขียดจะนาน้อยกะฮ้องเส็งกันนำไฮ่นา

    เป็นมโหรีแห่งท้องทุ่ง จนมื่อนี้น้องเขมมาอยู่เมืองใหญ่บ่ได้ยินเสียงดนตรีธรรมชาติแนว

    นั้น ดนเติบแล้ว มื่อได๋น้อ มื่อได๋สิได้กลับไปฟัง กลับไปสูดกลิ่นดอกบานค่ำ กลิ่นผักแขยง

    ป่งใหม่ยามเดือน 6 น้ออออออออ
    แก้ไขครั้งสุดท้ายโดย เขมราฐ; 19-05-2009 at 16:35.

  2. #2
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    829

    กระพริบตา

    ซ่างมาสะกิดต่อมคิดฮอดบ้าน เซียงเหมี่ยงฯ แท้น้อครับน้องเขม...
    ช่วงเวลานี้ ของทุก ๆ ปีตอนเป็นเด็กน้อยมัธยมต้น ยังจำได้ว่าก่อนไปโรงเรียน ต้องจับควายเขาเลโตใหญ่ มาเทียมแอกไถนาฮุดให้ได้จักฮ่องก่อนจังไปโรงเรียน...
    พอช่วงข้าวแตกกอเริ่มมีปลากลับจากโรงเรียนมากะขุดขี้กะเดียนใสเบ็ด นอนเถียงนาน้อย ยามเบ็ดใต้ตะเกียงอ่านหนังสือไปนำ เสียงกบ เขียด เสียงจากป่า พาให้รู้สึกวังเวงเนาะ...
    กะเป็นความรู้สึกที่บ่เคยลืมเลือนจากหัวใจเลย...
    ชีวิตแบบนี้หาบ่ได้จากใสเลย ถ้าบ่ "โชคดี เกิดมาเป็นลูกอีสาน"

  3. #3
    ร่วมถ่ายทอดความรู้สู่สังคม สัญลักษณ์ของ บ่าวห้วยละโอง
    วันที่สมัคร
    Feb 2009
    กระทู้
    717
    คือมาเว่าอยากให้เมือบ้านแท้น้อบาดนี่ ไปหาใส่เบ็ดเนาะ สุมื่อนี่ถือแต่คันเบ็ดฝรั่งแล้ว กะยังคึดฮอดคันเบ็ดไม้ไผ่บ้านเฮาคือเก่า ป่ะๆไปใส่เบ็ดกบ

  4. #4
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307
    แม่นแล้วน้องเขมฝนตกมาใหม่ๆๆบ่ออึดกะแนวกินทางบ้านเฮาเว่ามาละอยากกลับบ้านเฮาเนาะหาเห็ดเห็ด หาไต่เขียด คิดพ้อยามไปซ่อนฮวกกับเฒ่าแม่ดอกครับอยากกินหมกฮวกนำเด่น้อ

  5. #5
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    ป่ะ/น้องหลิน ลาออกจากงานเมือหาเฮ็ดไห่เฮ้ดนาเถาะเฮา อิอิๆๆ
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  6. #6
    ศึกษาหาความรู้
    วันที่สมัคร
    Apr 2009
    กระทู้
    27
    เอาฮูปมาไห่เบิงแนเด้อ บ่ได้เห็นโดนแล้วบรรยากาศแบบ น้องเขมวา นั่นนะ

  7. #7
    ร่วมถ่ายทอดความรู้สู่สังคม สัญลักษณ์ของ miaw
    วันที่สมัคร
    Jun 2007
    กระทู้
    220
    มาเว้าให้คิดถึงเถียงนา แท้ละนอ้งเขม แม่นแท้ ยามกลางคืนฝนตก ละนอนฟังเสียงฝน ตกใส่ สังกะสี เนาะ พี่มักๆอิอิอิ

  8. #8
    ศึกษาหาความรู้
    วันที่สมัคร
    Apr 2009
    กระทู้
    27
    ไล่จับตักแตน จิหลีด เทิงฝนตกริน หนาวกะหนาว แต่ย้อนอยากได้ตักแตน มืนตกคันแทนา แถมถืกแมงงอดตอดอีก ขึ้นมาเถิงเถียงนาเฒ่าพ่อดังไฟใว้ถ่าเพราะฮุ้ว่าลูกซายหล่าเพินหนาว เอาผ้าแพรอีโป้มาไห่นุ่งผีงไฟ เอาตักแตนจิหลีดมาเสียบฮวดย่างไฟสุกแล้วเอามาตำป่นกินกับยอดผักบุ้งผักแว่นหยืดน้ำ แซบหลายจนลืมปวดแมงงอดตอด

  9. #9
    ดูแลตรวจสอบเนื้อหา สัญลักษณ์ของ หนุ่มน้ำยืน
    วันที่สมัคร
    Sep 2007
    ที่อยู่
    sathon bangkok
    กระทู้
    236
    บล็อก
    2
    เขาเอิ้นสวรรค์บนดิน มีความสุขตามอัตภาพ มีเงินร้อยล้านพันล้านกะหาซื้อบ่ได้ดอกครับ
    ชีวิตแบบนี้ โชคดีแล้วที่เกิดมาเป็นคนอีสาน เว้าแล้วกะคึดฮอดตอนเป็นเด็กน้อยอีหลีครับ
    หรือหว่าเจ้าของเฒ่าแล้วบ้อ จังคึดต่อแต่ความหลัง...ว้าย..แมนรับบ่ได้....

  10. #10
    ร่วมถ่ายทอดความรู้สู่สังคม สัญลักษณ์ของ ทิดแหล่
    วันที่สมัคร
    Jun 2008
    กระทู้
    435
    สุมื่อนี่ กะยังพอมีให้เห็นอยู่ดอกขอรับ อั่นบรรยากาศที่น้องเขมว่ามาหั่น...
    แต่ว่า เด็กๆ คุมือนี่ เขาสิบ่อลึกซึ้งในบรรยากาศที่รายรอบ เหมือนเมื่อก่อน...

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •