หน้าที่ 2 จากทั้งหมด 2 หน้า หน้าแรกหน้าแรก 12
กำลังแสดงผล 11 ถึง 18 จากทั้งหมด 18

หัวข้อ: ???.~...ความคิดถึง...กะคืออ้าย...~.???

  1. #11
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    584
    อ้ายเอ้ย... ?ความคิดถึง?สองเฮานั่น คือไกลกันคนละถิ่น....แท้น้อ

    ปานได๋หนอฟ้าสิหย่อ สองเฮาพ้อพบหน้ากัน

    บ่อยากฟังแต่คำอ้าง คิดฮอดนางจนว่าป่วง

    บอกหลายวันผ่านล่วง หัวใจอ้ายห่วงแต่นาง

    คั่นแม่นจริงคือคำอ้าง ระยะทางมันบ่ห่างตั้วหล่ะอ้าย

    คั่นแม่นชายหมายมาดมั่น หนทางนั่นผั่นบ่ไกล

    ขอให้มาพบพ้อหน้า นั่งมองตายามจาว่าแนดอกพี่

    ?คิดฮอด?อีหลีหรือกล่าวอ้าง นางนี่สิเบิ่งตาเอาดอกพี่เอย..........


    คิคิ บ่จอบแล้วจ้า มาขอเบิ่งหน้าพร้อมพู้นแล้ว
    อิอิ ความลับผู้ลังคนสิแตกกะมื่อหล่ะสิเบิ่งแววตาคน ว่าตั้วกันบ่น่อ คิคิ
    แก้ไขครั้งสุดท้ายโดย สาวเมืองกะสิน; 28-05-2009 at 15:35.

  2. #12
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    จอบเบิ่งซุมอาจารย์เผิ่นเว้า มี้แต่ผู้เก่งๆ .....โตผู้ข้ากะเลยอยากหัดเว้านำแน่ซั่นดอก...ส่อยซอมเบิ่งแน่เด้อครับ...พอสิเป็นตาเว้านำหมู่ได้บ่อ

    ฝนตกรินฮำย้อย อ้ายนั่งคอยอยู่ม่องเก่า
    คิดเห็นเด้ คิดเห็นนางเคยหยอกอ้าย จาต้านต่อกัน

    ความสัมพันธ์แสนลึกซึ้ง ใจสองใจแสนดูดดื่ม
    เจ้าส่างลืมทิ่มอ้าย ให้หัวใจหล้าสั่นหนาว

    เสียงลมฝนพัดพร้าว ใบอ่อนตามลม คือจั่งใจของนาง ห่างแวใจเลี้ยว
    เหลียวเบิ่งควายบักเลเฒ่า หงอยเหงาใจบ่ซื่น หัวอกอ้ายสะอื้น คิดถึงน้องผู้เดียว

    ....สายฝนรินฮำย้อย เขียนจานา ได้ออกม่วน มวลหมู่กบเขียดฮ้อง แต่โตอ้ายได้แต่เหงา
    คิดเห็นเด้ คิดเห็นคนเคยหยอกเย้า จาต้านม่วนหู

    เห็นสายฝนหล่นอู้อู้ นางฮู้บ่ออ้ายคิดถึง หวลรำพึงอยู่ผู้เดียวสิเป็นบ้า
    อยากหลายเด้ อยากฝากใจไปนำฟ้า ตามหาแม่เนื้ออุ่น
    เป็นใด๋น้อก้ำฝ่ายพุ้น คิดถึงอ้าย แน่บ่อน้อ ....คำแพงเอ้ย...

  3. #13
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,229
    บล็อก
    5

    รอบยิ้มพิมใจ คึดฮอด..ผญาเด้

    :heart:........................

    ความคึดฮอดกะคืออ้าย...บ่เคยหน่ายจากใจนาง
    แม่นฟ้ามืดหรอฝนฮ้าง...ใจของนางกะจดจ่อ
    สิขอรอเบิ้งใจอ้าย..สิขอตายเคียงกายพี่
    ใจของนางบ่หลบลี้....อ้ายคนดีฮู้บ่น๊อ..
    บ่อยากฮู้ดอกใจอ้าย..ถึงบ่หมายใจนำนาง
    ขอจอบเบิ้งอ้ายห่างๆ..บ่ได้หวังสิฮ่วมกาย
    เห็นอ้ายมีผุเคียงข้าง..นางบ่หมางใจดอกพี่..
    ถอดหัวใจให้อีหลี....นางบ่มีข้อแม้เด้อพี่ชาย....
    บ่คึดถึง..นางกะบ่ว่า...ขอเห็นหน้าบาวันเอา....
    ยามเจ็บไข้ส่งใจมาเฝ้า....อดสาฮับเอาแน่เด้อละอ้ายยย.
    ....:heart:

    ************
    ต่ายถนัดแต่กลอนเด้อจ้า..แต่กะมักอ่านผญาหล๊ายหลาย
    ขอทั่นผู้รู้ทั้งหญิงชาย...ฮับกระต่ายเป็นศิษย์แน้ อิ อิคึดฮอด..ผญาเด้
    แก้ไขครั้งสุดท้ายโดย ต่าย; 30-05-2009 at 16:21.

  4. #14
    พี่ชายเอย ทุกคำผญาวาจากล่าว เอาใจเว้าเป็นอักษร
    ฮ้อยวาจาเป็นคำกลอน เรียงอักษรจากหัวใจ (ตั้วละอ้าย)
    คิดฮอดหลายน้อคนไกล เหลียวทางได๋บ่เห็นหน้า
    ใจลอยหาคำอ้ายเว้า ให้น้องเจ้ามองดาวน้อย
    ที่อ้ายเขียนฮอย?คิดถึงจัง? แมนบ่ออ้าย



    แต่งได้มื้อละเล็กละน้อยเด้อจ้า อิอิ
    ช่วยๆแต่งจ้า
    แก้ไขครั้งสุดท้ายโดย ร้อยหมื่นพันไมล์ไกลบ้าน; 30-05-2009 at 22:14.

  5. #15
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ความคิดถึงกะคืออ้ายภายใน ใจเจ้าว่า จริงหรือ
    ย้านแต่สาดต่ำผือ ย้านแต่คือต่ำฝ่ายกลายสิย้อมบ่แก่เข
    ย้านพาเพหลักค้น หยับหนทางหลังกี่
    ไม้ค้ำพั้นแก่นหมากหมี้ ไหมน้อยย้านบ่คือ สาแหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #16

    ความคิดถึงกะคืออ้าย

    ความคิดถึงกะคืออ้าย กระทู้ต้นฉบับโดยคุณ ศรีสะท้าน ความคิดถึงกะคืออ้าย
    ความคิดถึงกะคืออ้ายภายใน ใจเจ้าว่า จริงหรือ
    ย้านแต่สาดต่ำผือ ย้านแต่คือต่ำฝ่ายกลายสิย้อมบ่แก่เข
    ย้านพาเพหลักค้น หยับหนทางหลังกี่
    ไม้ค้ำพั้นแก่นหมากหมี้ ไหมน้อยย้านบ่คือ สาแหลว
    ขอคาราวะท่านนักปราชณ์อิสานก่อนต่อผญาค่ะ


    ความคิดถึงกะคืออ้าย ล้านคำบรรยายกะคือเก่า
    หมื่นคำหวานล้านคำเว้า กะบ่เท่าความคิดถึง เด้ออ้าย
    แม้ขุนเขามาขวางคั่น ใจน้องนั่นกะคือเก่า
    คิดถึงอ้ายบ่หน่ายเซา แม้ไร้เงาอ้ายคู่เคียง อ้ายเอย
    แก้ไขครั้งสุดท้ายโดย ร้อยหมื่นพันไมล์ไกลบ้าน; 31-05-2009 at 01:24. เหตุผล: แก้คำจ้า

  7. #17
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,065
    บล็อก
    3
    เมฆเคลื่อนคล้อย ลมวอยวอย พาใจป่วน
    หวนให่คิดฮอดอ้าย ผู้เคยไกล้ ใจห่วงหา
    เหลียวเบิ่งฟ้า ฝนตั้งเค้า คึดฮอดคำเว้า เฮ็ดใจป่วง
    "อ้ายนี่ห่วงแต่เจ้า" วาจาเว้า คึดต่อนำ
    ตะเว็นเคลื่อนลงต่ำ อ้ายจื่อจำคำเว้า ได้บ่น้อ อ้ายเอย....

    :heart::heart::heart::heart:


    ได้มื้อละนิด ละหน่อย กะเอาเนาะ
    :heart: ไทอุบล คนเมืองนักปราชญ์:heart:

    http://up.how2phin.com/pictures/a46ce89bb69277bd7b1a2f0912d7cb05.gif

  8. #18
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598
    [B][SIZE="3"]
    [CENTER]
    อ้ายเอ๊ย....ความคิดถึงกะคือเจ้า.....บอกร้อยเล่ากะคงเดิม
    แฮ่งเพิ่มเติมความห่วงหา......ทุกเวลาบ่มีเว้น
    ตะเว็นเหงาอยู่เทิงฟ้า......หมู่เมฆาบังมิดหมี่
    บ่อาจหนีความคิดฮอด......มาเทียวจอดอยู่หว่างใจ
    อยู่หม่องได๋ได้คิดพ้อ......หน้าจ่อล่อมาลอยวน
    จนด้วยความเสน่หา......จนวาจาที่เว้าอ้อน
    ขอวอนชายเห็นใจบ้าง......หากทางพี่บ่มีใจ
    อย่าผลักใสไล่ป๋าหนี......ฝากวจีแถลงเว่า
    คลายบางเบาคิดถึงบ้าง......หากทางชายมาเว่าต่อ
    ขอมาเห็นเพียงคำเว่า......คำที่เจ้า..บอกคิดถึง...ซั่นแหล่ว..พี่ชายเอ้ย


    ฉงนใจในโลกกลมใบนี้ ...... ที่ส่งให้เธอคนดีเข้ามาหา
    ให้คิดถึงซึ้งห่วงใยทุกเวลา.....ให้รู้สึกมีคุณค่าในทุกวัน
    ยังแปลกใจเพราะเหตุใดไหนกันเล่า.......ที่ความเหงาได้ห่างหายจากใจฉัน
    ความอ้างว้างเดียวดายมลายพลัน........ ก็เพียงบอกคิดถึงกันเท่านั้นพอ
    อบอุ่นใจในคำที่สัมผัส.........หาใดวัดคำนี้ได้มีไหมหนอ
    สักกี่วันเดือนปีนี้จะรอ........หากเพียงขอได้คิดถึงซึ่งคือเธอ
    อยากขอบคุณโลกกลมๆ ใบนี้นัก......ที่นำรักมาสู่ใจอยู่เสมอ
    ได้รู้ว่าในโลกนี้ยังมีเธอ..........ให้คิดถึงเสมอ...จะขอเก็บเธอไว้ในใจตลอดไป...




    ฮิ้วววว.................
    แก้ไขครั้งสุดท้ายโดย ตะวันนา; 21-05-2010 at 16:35. เหตุผล: ...แก้ซื่อๆ บ่มีหยัง...เหอๆๆ
    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

หน้าที่ 2 จากทั้งหมด 2 หน้า หน้าแรกหน้าแรก 12

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •