ขนมปังโฮลวีทไส้แฮม

[ติ๋ม เปอร์โย]

อีกแล้วกับการเฮ็ดขนมปัง...พอดีมื้ออื่นลูกสาวสิไปเที่ยวเยอรมันกับทางโรงเรียนจัดขึ้น
ค่ารถ150 ถูกมากกก...แล้วทางโรงเรียนกำหนดให้ว่าเด็กคนหนึ่งพกเงินได้บ่เกิน10ยูโร
เพื่อว่าเด็กสิบ่มีการเปรียบเทียบกันขึ้น...รัฐบาลรับผิดชอบค่าอยู่ ค่ากินทั้งหมด..ไปตั้ง3มื้อ โอ้ยยย ตายคึดฮอดลูกข่อย...
ตามประสาแม่ที่ห่วงลูกกะเลยเฮ็ดขนมปังให้ลูกห่อไปกินนำทางยามหิว...เลยเอาสูตรมาฝากพี่น้องนำจ้า...

ส่วนผสม:
1.ยีสต์สด1ก้อน50กรัม, 2.นมจืด3dl., 3.เนยละลาย50กรัม, 4.ใบโหระพาอบแห้ง2ช้อนชา
5.ใบออริกาโน่(Oregano)1ช้อนชา, 6.เกลือ1ช้อนชา, 7.เมล็ดทานตะวัน25กรัม
8.แป้งโฮลวีท75กรัม, 9.แป้งเอนกประสงค์500กรัม
ส่วนผสมของไส้:
1.แฮมหั่นเป็นชิ้นเล็กๆ200กรัม, 2.มัสตาด3ช้อนชา, 3.หอมใหญ่หั่น1หัว, 4.เนยหั่นเล็กๆ50กรัม
ทาหน้าขนม: ไข่1ฟอง,งาตามชอบ

วิธีทำ:
ละลายเนย ใส่นมลงไปอุ่นนิดหน่อย อยู่ที่37องศาพอ เทลงอ่างผสมใส่ยีสต์สดคนให้ละลาย
ใส่ใบโหระพา ออริกาโน่ แป้งโฮลวีทคนจนเป็นเนื้อเดียวกันแล้วใส่แป้งเอนกประสงค์+เกลือ
เทออกจากอ่างมานวดจนแป้งเนียน เอากลับลงไปในอ่าง ผ้าคุมไว้ พักแป้ง30นาที
ในระหว่างถ่าแป้ง กะเฮ็ดไส้ขนมจ้าพี่น้อง แฮม+มัสตาด+หอมใหญ่+เนย ผสมกันใส่ถ้วยไว้
หลังจากนั่นเอาแป้งมานวดไล่ลมออก แบ่งเป็น2ก้อน รีดให้เป็นแผ่นกลมๆ แบ่งให้ได้8ชิ้น
วางไส้ใส่ แล้วม้วน...
วางลงถาดอบที่ปูด้วยกระดาษไข..ทำจนหมดแป้งได้16ชิ้นพอดี

เอาผ้าคุมถาด พักแป้งอีก20นาที...เปิดเตาอบเลยจ้า180องศาC
พอ20นาทีผ่านไปกะทาหน้าขนมปังด้วยไข่ โรยด้วยงาตามชอบ

นำเข้าเตาอบใช้เวลา15นาที พอสุกเอาออกวางบนตะแกรงให้เย็น
แล้วจัดลงใส่กล่องให้ลูกเอาไปกินยามพักรถจ้า...

[pui.lab]

ขอจัก 5 อันแน๊จ้าเอาไปกินหม่องเฮ็ดงาน คึ คึ

[สาวผู้ฮ้าย]

โยกมาทางพี้ จัก ก้อนสองก้อนแนจ้า เอื้อยติ๋ม

บอกบรรยาย การทำ นางบ่ไหวดอก บ้านเฮา เครื่องมือ บ่ครบน้อ

นางนี้ กะถนัดแต่เฮ็ดแนวกิน ล่ะจ้า เอื้อยติ๋ม ฮ่าๆๆๆ

เรื่องขนมปัง นั่งถ้าอย่างเดียวล่ะว่า อิอิอิ

ชอบคุณค๊า

[มันฑนา]

พี่ติ๋ม ทำหนมปังน่าทานอีกแล้ว มืออาชีพเลยค่ะ เป็นตาแซบเน๊าะจ้า
สิจำสูตรไว้จ้า ขอบคุณหลายๆ

[เซียงเหมี่ยงเมืองสุรินทร์]

เห็นด้วย คือ น้องกอล์ฟ ว่าล่ะครับ...
เท่าที่ติดตามมานี่ พอจะเปิดร้าน เบเกอรี่ได้แล้วมั่งครับเอื้อย...

[คนตระการ...]

เอื้อยติ๋มนี่ เฮ็ดกินเองเบิดซู่อย่างเอาโลด..ร้านขายแถวนั่นเขาคือสิบ่อได้ขายให้เอื้อยเนาะ..555

[เขมราฐ]

ป้าดดด ขนมปังเอื้อยติ๋มนี่ ยามาซากิ อายเลยค่ะเป็นตาแซ่บคักค่ะ แบ่งน้องเขมจักอันแหน่ค่ะ

[หนุ่มเหงาคนไกลบ้าน]

โอ้ย.....น้อใด่กะเบิ่งละครับอยากทำเป็นเด่เนาะออนซอนหลายห่อให้แน่เด้อจ้าจักถุงใหญ่ๆๆอิอิ

[หล่อร้อยเมตร]

ป๊าดดดต๊ะแซบแท่ะ อยากๆๆๆๆเคยแต่ซื้อกินยุห้างต่อนละ15 บาทพู่นเด้ออิอิ เอามาเลียแหน่จักต่อน 55

[ชายหล่ามาดามศรี]

ขอแน่จักอัน เช้าแล้วซงกาแฟถ่าแล้วเด้อ เป็นตาแซบฮ่ายเน้อ คิคิ