ช่วงนี้ไข้หวัดหมูระบาดก่ะเลยอยากนำเสนอเรื่องเกี่ยวกับหมูจ้า อั่นนี้เป็นอาชีพของเฒ่าแม่เฒ่าพ่อ อยู่บ้านจ้าพอได้ขายซื้อแนวอยู่แนวกิน อิอิ ช่วงกลับเมือยามบ้านก่ะเลยไปลักถ่ายรูปมาไว้ถ่าเบิ่ง เว่าหลายมันสิยาวมาจ้ามาเบิ่ง
อั่นนี้เป็นหมูพ่อพันธุ์แม่พันธุ์จ้าเพิ่นก่ะสินอนในกรงเหล็กจั่งสิหล่ะจ้า
โตนี้เพิ่นมานจ้า ท้องแก่แล้วขึ้นกรงเตรียมสิคลอดจ้าต้องจดมื้อไว้ดีๆคอยสังเกตุเบิ่งเพราะว่าบางโตเพิ่นสิออกเองบ่ได้ต้องมีการจก เฝ้าหมูออกลูกนี้หิวนอนเป็นตาหน่ายเด้อจ้า
ออกมาแล้วจ้าได้สิบสองสิบสามโตนี้สิพอดี ถ้าเกินนั่นเต้านมแม่หมูมีบ่พอเพิ่นก่ะตายจ้า
อั่นนี้หมูหย่านมแล้วจ้าจับแยกออกจากแม่ ถ้าเป็นโตผู้ก่ะตอนจ้า เตรียมลงคอกใหญ่จ้า
เอาลงคอกใหญ่จ้าส่ำนี้ก่ะสิประมาณสองเดือนจ้า กำลังหั่นแซบ อิอิ
อั่นนี้สามเดือนจ้า เลี้ยงอีกเดือนหนึ่งก่ะขายได้แต่ล่ะเดือนเพิ่นสิกินอาหารบ่คือกันจ้า
ส่วนรุ่นนี้พร้อมสิขายแล้วจ้าสิครบสี่เดือน โตหนึ่งก่ะตกประมาณ ๙๐ ถึง ๑๐๐ กว่าโลจ้า อิอิ ขายได้ก่ะเอาไปใช้หนี้ พะนะ
ป.ล. ยามล้างคอกหมูนี้เหม็นคักขนาดจ้า แถมบ้างเถื่อหมูก่ะกัดพร้อมหุ่มเข้ามาหาคนปานไทมุง ยามหิวนี้ฮ้องได้ยินสามบ้านถ้าโตหนึ่งฮ้องก่ะฮ้องเบิดทุกโตที่นี้
Bookmarks