หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 19

หัวข้อ: ...ถ้าขอคืนกลับมาอ้ายกะว่ายังฮักคือเก่าเด้อ...

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ...ถ้าขอคืนกลับมาอ้ายกะว่ายังฮักคือเก่าเด้อ...



    ...ถ้าขอคืนกลับมาอ้ายกะว่ายังฮักคือเก่าเด้อ...

    ตั้งแต่เจ้าเว้าสั่งอ้าย ว่าบ๊ายบายบ่คืนหวน ขอสงวนว่าแฟนเฮา เป็นของเขาหล่ะเด้อน้อง

    เทียวประคองหมองใจเศร้า เจ็บและเหงาสิพ้นผ่าน น้องส่งสารน์มาบอกอ้าย ว่าขอย้ายจากฝ่ายเขา

    คำว่าเฮายังรอถ้า คำสั่งลาอ้ายลืมผ่าน ถ้าต้องการคืนหาอ้าย ขอเอาฝ้ายผูกรับขัวญ

    เศษส่วนใจเคยแตกนั้น ปั้นขึ้นใหม่กะคือเธอ พร้อมเสนอคำอภัย เรื่องอันได๋กะลืมสิ้น

    มื้อฝนรินยังมีเจ้า มื้อฝนเซากะยังอยู่ ร่วมกันปูทางฮักหมั่น ขอเฮานั้นได้คู่เคียง

    ขอแต่เพียงอ้ายมีเจ้า มาแทนเงาความโดดเดี่ยว ขอฮักเดียวเกรียวฮักแน่น เป็นแฟนอ้ายผู้เก่าเด้อ

    ถ้าจักหน่อยเด้อครับ สำหรับเพลงประกอบ กำลังเดินทาง ม่วน ๆ ครับ

    แก้ไขครั้งสุดท้ายโดย sompoi; 24-01-2010 at 09:36.


  2. #2
    ศึกษาหาความรู้ สัญลักษณ์ของ อิหล่า-หมอนกิ่ว
    วันที่สมัคร
    Apr 2009
    ที่อยู่
    Nongbualamphu
    กระทู้
    21
    ผู้ชายแบบนี้ สูญพันธ์ไปหรือยังน้อ....

    ไปหาใสจังสิพ้อ ชายบ่หล่อน้ำใจดี
    หรือว่ามี แค่ในกลอน ที่เผิ่นวรวาจาอ้าง
    ฟังคำเว่า คือคักแท้ ฮักบ่แปร แม้สิหาง
    แม่นสิฮ้าง แสนฮ้าง กะยังเว่าว่าฮักจริง
    คั่นเป็นจริงคือจังเว้า ผู้หญิ่งเฮ้าคือสิส่วง
    หลงคำลวง เขาชั่วครู่ ยังมีผู้ให้ฮักจริง

    .....
    ....
    ...พอไหวบ่จ้า อ้ายบ่าว เขียนได้แค่นี่ หมดทางไปแล้ว อิๆๆ

  3. #3
    แบ่งปันความรู้และประสบการณ์ สัญลักษณ์ของ commo
    วันที่สมัคร
    Aug 2007
    ที่อยู่
    สระแก้ว
    กระทู้
    447
    บ่เป็นหยังคับ จั่งได่กะยังฮักอ้ายบ่าวโจโล่ คือเก่าคับ คั่นบ่าวคอมโม่เป็นผู้สาวสิไห่ผู่เฒ่าไปขออ้ายบ่าวโจโล่ฮอดบ้านพุ่นหล่ะแหมะ อิอิอิ ซมเซย ซมเซย คักหลายคับอ้ายบ่าว...

  4. #4
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    คั่นว่าเป็นคึจั่งว่า น้องสาวหล่าคนนี้ สิฟ้าวไป..อิอิ
    ...คึใจดีแท้น้ออ้ายบ่าวโจ่โล่ อภัยให้เธอเสมอ ว่าซั่น..ซึ้งๆๆ..

  5. #5
    อ้ายมาใจดีแท้น้ออภัยให้เธอเสมอพะนะ
    ให้อภัยง่ายปานนั่นเขาสิบ่ได้ใจบ่น้อ อิอิ
    ยังหลงเหลืออีกบ่ผู้ชายแบบนี้

  6. #6
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    น้องสาวเอ๊ย..วาดอักษรเป็นกลอนเว้า เข้ามาจ่ายลายผญา แต้มภาษาบอกคำเขียน ไปส่งเตือนทางใจน้อง

    บ่อาจดองคำคิดพ้อ บ่เคยท้อความเป็นห่วง แนวเหมิดทรวงดวงใจอ้าย นั้นหมายเฝ้าเว้า "คิดถึง"

    จากคนหนึ่งที่ฮักเจ้า ทาบแสงเงาความหวงห่วง ถึงใหญ่หลวงบ่ซ่ำฟ้า กะมีค่าเต็มหน่วยใจ

    สิมีไผมาจาเว้า เคยบอกเขาเจ้ามีใหม่ แต่อ้ายลืมเจ้าบ่ได้ กะขอไว้ว่าอย่ารอ

    เปลี่ยนพอศอกะหลายเที่ยว บ่เคยเกี่ยวพาใจหนี ฟ้าเปลี่ยนสีกะหลายหน อ้ายคิดวนแต่นำน้อง

    ผู้นั่งครองดวงใจอ้าย เทียวทักทายบ่ฮู้เบื่อ อ้ายฮักเจ้าคักเอาเหลือ ฝากใจเมือคืนสู่เย้า เฮาฮักหมั่นกันดังเดิม ที่รักเอย

    อ้ายมาย้ำคำห่วงหา และบอกว่ามารับขัวญ ร่วมสร้างฝันเจ้าดั่งเดิม



  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    กลับคืนมา กะยังฮักคือเค้า คือเก่าดังเดิม
    คอยถ่าเติมแฮงใจส่งไปหาน้อง
    ถึงครรลองสายเส้น หนทางที่วางวาด
    บ่ออาจเดินฮ่วมเจ้า แสนเศร่ากะซ่างตาม
    ขอคนงามคึดเถิงอ้าย ยามภาย ภาคเพิ่น
    มีปัญหาให้ส่งเอิ้น อวยอ้างบ่าวพี่ซาย..แหน่เด๋อ

  8. #8
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3


    ฉึ้งเพลงกะพอแฮงแล้ว มาฉึ้งผญาอีก ได้ใจคั๊ก ๆ อ้ายจานโจ่ ......

    แม่นวาดฝันเคียงคู่อ้าย ให่หมายได้ร่วมก่อ ถักทอฝันบ่สิ้นสร้าง ร่วมทางอ้ายบ่ห่างเหิน

    ตกกะเทินได้ซู้ก่อ หัวใจท้อบ่เทียวทาง ตกระหว่างความฮัก ปักลงดินคือสิ้นแล้ว

    เก็บเป็นแนวเคยสร้าง ทางความหลังที่เคยทวง ใจดวงนี้นั้น ฝันสลายแล้วยากต่าวคืน...

    ฝืนใจทนเก็บกั้น ปั้นสร้างทางเฮาสอง น้ำตานองยามหวนคิด ผิดได๋ไผ๋เทียมฮู้

    อ้ายสิปูทางถ่า รับขวัญน้ำตาด้วยฝ้ายเก่า ผูกแขนฝากวาจาเว้า....อ้ายนี่ฮักเจ้า....

    คือเก่าแต่หนหลัง.....หัวใจยังคำนึงคิด จิตใจยังผูกมั่น ผลานั้นให้ต่าวคืน ......

    น้องนี่ได้แต่ทนฝืน คืนหนทางที่ได้ก่อ ผลาเฮาย่นย่อ บ่ต่อแล่วแนวทวงหาอ้ายเอ้ย....





    ...... ......

    ผญาหนู คือไปข้างๆ คูๆ น้อบาดนิ อ้ายจานโจ่





  9. #9
    โอ้ยยยย...น้ำตาสิย้อยนำ...เว้าทอนี่กะเชื่อแล้วหละทางนี่หั่นนะ ว่าฮักหลาย..คึดฮอดเจ้าคือเก่าเด้ออ้ายเด้อ...

  10. #10
    แบ่งปันความรู้และประสบการณ์ สัญลักษณ์ของ สาวทุ่งฝน
    วันที่สมัคร
    Nov 2008
    ที่อยู่
    ห้องพี่สาว
    กระทู้
    509
    คือใจกว้างแท้อ้าย พร้อมสิให้อภัยคนที่จากไปกับคนอื่นแล้วคืนมานั่นเบาะ นับถือๆ อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •