จักแม่นลมหรือแม่นฟ้า หอบชาตาลาจากท่ง จากลำโขงมูลชีน้ำ ให้ยามนี้ได้อยู่เมือง
จากกองเฟืองอันเหลืองแหล่ ลาดอกแคบักแต้ป่า ทิ่มเถียงนาหลังน้อย น้อย มาตามต้อยแต่เจ้านาย
มีแฮงกายแต่ใจยาก ลำบากเหนื่อยกะยอมทน เดินตากฝนคันแทนา พ่อแม่จาบ่ควรคู่
ไปเป็นครูดู๋เป็นท่าน เป็นอาจารย์ถ้าเรียนเก่ง นั่งรถเก๋งคันโก้ โก้ ถ้าโง่เหง่าเข้าเฮ็ดนา
แม่นผลาแนวได๋แท้ หรือพ่อแม่เผิ่นบัญชา จบออกมาบอกเรียนสูง ต้องอยู่กรุงให้มันเทห์
ข้อยหนิเด๊เป็นเด็กเตป บ่เคยเสพปลาร้าต่อน ทิ่มไห่นาปลาจอบบ้อน สะออนเด๊ เทห์ต่างกัน
เดินตามฝันบ่สุดสิ้น อยากตามกลิ่นความเจริญ กะขอเชิญกันศึกษา แต่ผมลาไปนอนทุ่ง หล่ะเด้อพี่น้องเอ๊ยยยย
"ผญา บ่ม่วนดอกครับ ให้ฟังลำน้ำตาตกไส่กัน ซื่อ ๆ หนิหล่ะ คิดฮอดบ้านเนาะพี่น้อง เนาะ"
[Radio]jolo/Paya/Farmer.wma[/Radio]
Bookmarks