ป่นเห็ดเผาะ

[บ่าวกุดชุม]

ป่นเห็ดเผาะ
ก่อนอื่นได้เห็ดมาจากป่า ล้างให้สะอาด กะเอาไปต้มใส่น้ำปลาแดก คือสิป่นปลานี่ล่ะ พอต้มสุกแล้ว กะป่้งลงมาให้มันเย็นจักหน่อยก่อน

ตำพริกที่กี่ไว้ หรือพริกผงกะได้ ค่อยเอาเห็ดลงไปตำ ระวังน้ำอยุ่ในเห็ดมันสิเด็นใส่ตาอย่าไปส่องเบิ่งครกเด้อ

เสร็จแล้วกะใส่ถ้วย ใส่น้ำปลาชูรส จักหน่อย ระวังมันสิเค็ม โบราณเผิ่นว่า "หอยอย่าให้เผ็ด เห็ดอย่าให้เค็ม" คือว่าอาหารที่ปรุงจากหอยระวังอย่าใส่พริกหลาย ถ้าเป้นพวกเห็ดระวังมันสิเค็ม มันสิกินบ่ได้

เข้าเฮาอยู่ใสล่ะ เอามาแม่อีนาง มากินนำกัน (ป่นเห็ดเผาะใส่น้ำเอาะเจาะกินกันแล้วมาไปกันเนาะ)

ต้มหน่อไม้ ไขออกแม่เฒ่า

[18ฝนคนอันตราย]

ไสป่นเห็ดคือมีแต่ข้าวเหนียวกะหน่อไม้ 5555555555เห็นแล้วตาแซบเด่ล่ะมาจ้ำนำแน่สั่น

[คนตระการ...]

เมนูนี่กะสุดยอดครับ บ่าวชาลี แต่อยู่บ้านกะกินประจำ

[หนุ่มน้ำยืน]

เป็นตาแซ่บอยู่คับ บ่ได้กินดนแล้ว ข้าวเหนียวจ้ำเบิ่งเด้...

[อิ่มอัมพร]

อยากกินแต แกงเห็ดเผาะ ใส่น้ำเอาะเจาะ แหม เป็นตาแซบ
บ้านเฒ่าดอง คือสิเห็ดหลายเนาะ บ้าน อิ่มอัมพร กะมีแตเห็ดฟาร์ม
เห็ดนางฟ้า นางรม เห็นขอนขาว แมะ ไทบ้านเพิ่นเฮ็ดเป็นอาชีพแล้ว

[เต็มใจให้เธอ]

ป้าดโธ่----- เป็นตะแซบแท้ๆ

เสียดายถ่ายรูปใกล้คักโพด (ย้านพริกเด็นใส่ตากล้อง อิอิ)

[มันฑนา]

เป็นตาแซบดีค่ะ น่ากิน ๆ ๆ กอล์ฟมักใส่ปลาค่อนำ......

[ดีเจปอ บ้านมหา]

คือบ่ใส่หอมเเนครับ อิอิ สิได้เพิ่มรสชาดขึ้นนนะผมว่าเเมะ เเต่ขนาดนี่กะน้ำลายไหลเเล้วล่ะครับ หากินยากเเมะ ป่นเห็ดไค กะคักครับ อิอิ

[น้ำตาล]

แวะมาซิมป่นเห็ดจ้า...ตาแซบแท้น้อ....ข้าวฮ้อนๆเนาะ..น้ำลายไหล

[เขมราฐ]

อยากกินค่ะอ้ายชาลี แบ่งหลินนำจักถ้วยแหน่ค่ะ