หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 25

หัวข้อ: ...ออกจากใจไปสาหล่า...

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ...ออกจากใจไปสาหล่า...


    ...ออกจากใจไปสาหล่า...

    ออกจากใจไปสาหล่า เสียน้ำตากะดายเปล่า ถึงบางคราวคิดฮอดน้อง ยามหมองเศร้ากะแม่นทน

    เดินถนนคนใจพ่าย แสงเดือนหงายยังหดหู่ มื้อขาดหมู่คู่ขาดเจ้า ซ่างเหงาฮ้ายอยู่ฝ่ายเดียว

    สิหันเหลียวเบิ่งทางฟ้า กลางเวหาฟ้าว่างเปล่า เมฆก้อนขาวกะหลบลี้ คือหนีอ้ายปานหน่ายแหนง

    เจ้าคือแสงตะเกียงใต้ ลอดแสงไล่ในราตรี ดวงชีวีเคยสดใส ตั้งแต่ได๋ตอนมีเจ้า

    คำว่าเฮาเหลือเพียงอ้าย มีเดียวดายกลายเป็นหมู่ หม่องที่อยู่ในโลกนี้ ได้มีเพียงเศร้าเฝ้าอยู่เคียง

    อย่ามาเฮียงหัวใจพี่ ถ้าอยากหนีเชิญให้ห่าง หนทางย่างถ้าขาดเจ้า บ่เอาแล้วเป็นทุกข์หลาย น้องสาวเอ่ย



    เขียนให้อ้ายผมครับ เผิ่นขอฟังลำอยากลืมผู้หญิงคนนั้น บ่ได้จัดให้ครับย่านกวนผญา ฮ่า ๆ

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    ศึกษาหาความรู้
    วันที่สมัคร
    Jan 2009
    กระทู้
    30

    Re: ...ออกจากใจไปสาหล่า...

    เยี่ยมเลยครับ....ม่วนหลาย

  3. #3
    ศึกษาหาความรู้
    วันที่สมัคร
    Jan 2009
    กระทู้
    30

    Re: ...ออกจากใจไปสาหล่า...

    ลองเบิ่งเด้อ..ครับ

    ขั่นอยู่กับบักอ้าย ได้กินข้าวบ่ายเกลือ

    เงินบ่เหลือติดถง สิ่งประสงค์บ่เคยต้อง

    กะไปสาเด้อน้อง บ่ต้องห่วงทางหลัง

    อย่าซิหันอ่วยมา ขั่นพ้อคนเหมาะสมน้อง

    ผู้มีเฮือนหอห้อง มูลมังก้อนท่อแข่ง

    พอได้แบ่งให้เจ้า เป็นเค้าดั่งทุน...

    อย่าได้คิดว้าวุ่น เด้ออุ่นเรื่องความหลัง

    อ้ายบ่เป็นอีหยัง แค่หันหลังให้น้อง.....ย่างกลับห้อง พ่องน้ำตา...

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209

    Re: ...ออกจากใจไปสาหล่า...

    เบิ่งชื้อกะทุ้คือเป็นตามีคนชังแท้....... ....ออกจากใจไปสาหล่า...ว่าซั่น ..55555

  5. #5
    แบ่งปันความรู้และประสบการณ์ สัญลักษณ์ของ มะนาว
    วันที่สมัคร
    Sep 2008
    กระทู้
    134

    Re: ...ออกจากใจไปสาหล่า...

    :g:g:g:g:g,ม่วนๆจ้าอ้าย มักๆๆ อ่านแล้วกะเศร้านำเพิ่น อิอิ ออกไปสาหล่า พะนะ.....

  6. #6
    ศึกษาหาความรู้ สัญลักษณ์ของ อิหล่า-หมอนกิ่ว
    วันที่สมัคร
    Apr 2009
    ที่อยู่
    Nongbualamphu
    กระทู้
    21

    Re: ...ออกจากใจไปสาหล่า...

    โอ้ย ซะมะม่วนแท้ เสียสละคักน้อ
    บ่แม่น เผิ่นพ้อพุใหม่ บ่น้อ จ้า

  7. #7
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,622

    Re: ...ออกจากใจไปสาหล่า...

    สุดยอดเลยจ้า ม่วนๆๆกินใจแฮงหลาย..ตะสิโตนอ้ายเด้เนาะ..ล่ะสิให้หล่าไปอยู่ไสน้อน่ะ..Re: ...ออกจากใจไปสาหล่า...Re: ...ออกจากใจไปสาหล่า...:g:g

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    เป็นตาหลูโตนเนาะ...ผู้ข้ากะเคยเป็นคือกันนั่นหละ

    แบบว่า "ทิ้งเขาแล้วเราก็อกหัก" ซั้นดอกว้า..555555

  9. #9
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ความที่อ้ายฮักน้อง บ่เคยหน่ายแหนงหนี
    กะคึดเบิ่งตี้ตั้งแต่นางคบกับอ้าย
    อยากกินหลายน้ำบักพร้าว อ้ายคาดลาดขึ้นปีนป่าย
    ญ้อนฮักหลายชีวิตกะให้ได้ สังลืมอ้ายบาดพบเขา

    กะส่างเถาะหล่าอ้ายซาวนามันต้อยต่ำ
    ตกตอนค่ำยามคึดฮอด สิคอยถ้าเบิ่งเดือน
    เปรียบสเมือนคือโตน้อง ลอยเด่นกลางนภา
    มีดาราดวงดาว ส่องแสงประสานซ้อง

    พี่สิทนเอาดอกนวลน้อง ขอให้นางนั้นสูงส่ง
    คนบ้านดงจั่งบักอ้าย ขอยอมพ่ายให้แก่เขา
    จบฮักเฮาไว้เพียงนี้ ขอลาทีแม่เนื้ออุ่น
    เว้ามาละมันสูนแสบท้องอยู่จ้าวๆ ไปกินข้าวแม่นก่อนเดอ.....

    ...ป้าดๆๆๆๆ คือจบแบบนี้น้อบาดนี้....บ่าวโจ่โล่หาหม่องลงให้แน่ครับ..

    มือใหม่หัดเขียซั่นดอก..

  10. #10
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433
    มื้อที่อ้ายและน้อง ได้ครองฮัก ปักใจกัน สายสัมพันธ์ วันแสนหวาน จั่งน้ำตาลมาโฮยต้อม

    อ้ายกะยอมจนเหมิดสิ้น ซักเสื้อสิ่นบ่ได้ว่า ยามอยากกินช้างม้า อ้ายกะฆ่ามาสู่เธอ

    นี่หล่ะเด้อความฮักอ้าย จักแม่นหน่ายกันแนวได๋ บาดเทื่อไปพ้อเขา อ้ายซ่ำเมาน้อยาโป้

    จนว่าโซเซซึมเศร้า อ้ายหล่ะเยาปานหมาจ่อย ลมพัดผ่านน้อย ๆ กะหลอยล้มดอกเหมื่อยแฮง

    คนแข็งแรงมาเหมื่อยม้อย จนซื่อจ่อยพุ้นเด้อสาว โตขาว ๆ กะเลยดำ ซ้ำตาขาวมาแทนจ้อย

    มะเลิศลอยแทะน้อหล่า เจ้าซ่างป๋าไปมีใหม่ ได้ตำแหน่งนางสาวไทย หลงทิ่มไผให้นั่งเศร้า

    เจ้าลืมอ้ายหนุ่มมอร์เตอร์ไซด์วิน ติเดียวหนิแมะ โอ๊ยเจ็บคัก


    เขียนหยอก ลุงทิดจ่อย ซื่อ ๆ ดอกเด้อครับ อย่าเคียดอย่่าสูนให้กันเด้อ ขะหน่อย ฮ่า ๆ

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •