หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: ***สัญญาเก่า...ที่เจ้าลืม***

  1. #1
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598

    ***สัญญาเก่า...ที่เจ้าลืม***



    ***สัญญาเก่า...ที่เจ้าลืม***


    อ้ายเอ๋ย...นางนิ่เบิดหวังถ่า......เข้าพรรษาสิล่วงผ่าน
    มื้อสงกรานต์ผ่านแล้ว.....โตเจ้าสิว่าได๋
    หมู่บ้านใกล้ไทเฮือนน้อง..........เพิ่นกินดองครองฮักคู่
    แต่สองเฮา ยังบ่เห็นเฮือนประตู ....... ยังบ่เห็นทางอ้ายสิส่งเฒ่ามาขอ
    นางยังรอสัญญามั่น ........ คอยชายหมายเคียงล่อง
    คองถ่าอ้ายอยู่สู่มื้อ....... บ่หวนซ้ำล่ำมา
    หลายเพลาผ่านพ้น ........ทางพี่ได้หนีหาย
    เหลียวหาชายคนที่ฮัก ......ทักทวงว่าแม่นเจ้า
    ใจนางเหงาแห้งเหี่ยว........คือกระเจียวคอยฝนผ่า
    คือจั่งเคียวคอยนา......คือจั่งปลาคองน้ำ......นางถ่าอ้ายให้ต่าวคืน
    หือสุดบืนแล้วแผ่นฟ้า .......สุดท่าสิคองคอย
    ใจลอยลอยวนวน........ทุกข์ระคนบ่มีเว้น
    เห็นแต่เขาเคียงข้าง .........ครองคู่เฮียงสอง
    มองตัวเองกะแฮ่งหนัก .........ฮักชายผู้ไกลบ้าน
    ย้านเด๊...ย้านแต่ทางโตอ้าย ไปม่ายดอกทางได๋
    เอาหัวใจให้ผู้สาว........... บ่คิดคราวแต่เก่ากี้
    สงกรานต์หนีผ่านแล้ว..........ออกพรรษาสิลายล่อง
    กะยังคองถ่าอ้าย....ใจกะมีตั้งแต่อ้าย...คอยถ่า...อยู่สุวัน...เด๊น๊อ...พี่ชายเอ้ยยยยย




    จักแม่นลำหือแม่นผญาเนาะพี่น้องเบิ่งเอาเด้อ....อ้ายโจ่โล่..หากลอนลำแปะให้ม่วนๆ แหน่เด้ออ้าย...แต๊งกิ้วล่วงหน้าจ้า....
    [Radio]jolo/Pare/paya/buab.wma[/Radio]
    แก้ไขครั้งสุดท้ายโดย บ่าวโจ่โล่; 06-06-2009 at 15:20.
    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  2. #2
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,308
    บล็อก
    2
    โตหนังสือน้อยแหม..เพ่งจนตาสิออกจากเบ้า..อิอิ

  3. #3
    แบ่งปันความรู้และประสบการณ์
    วันที่สมัคร
    May 2007
    กระทู้
    181




    ตั้งแต่ฝนได้สั่งฟ้า ปลาได้สั่งลาหนอง น้ำในคลองได้ลาฝาย ไผเด๊หายจากลาน้อง

    ฟ้าสีทองสิคอยถ้า เมฆฝนมาหากันไหม่ ฟังเสียงฮ้องก้องสั่งไว้ จากทิศใต้ไปทิศเหนือ

    เหลียวเห็นเคลือบักบวบน้อย มีดอกออ่ยภูมรินทร์ อยู่โพนดินมีเห็ดผ๋อ หนาวละนอเข้ามาไกล้

    อ้ายจากไปแต่คราวกี้ วันเดือนปีบ่ได้ข่าว แม่นสิได้ฝากลมหนาว ว่าผู้สาวที่ฮักอ้าย สิตายแล้วย่อนคิดถึง

    ความคำนึงคิดถึงอ้าย ยังหลาย หลายอยู่คือเก่า ฝากไว้หลายเนาะความเหงา ปานฮ่มเงาเฝ้าแต่น้อง คือจองไว้แต่ผู้เดียว

    ข้าวรวงเขียว เดี๋ยวมารท้อง รวงสิทองไกล้สิป่ง น้องยังคงรอถ้าอ้าย อีกหลายมื้อกะแม่นรอ เด้ออ้ายเด้อ

    "อ้าย บ่าวจ๋า ไปเอาหมอลำมาลงให้เอื้ื้อยคนสวยแน่เด้อจ้า ผญา ม่วน ๆ ขอแจมนำเอิ้อย แก้ม จ้า"



  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    จักแม่นหน่าย น้องนุ่ง เทิงลูกศิษย์ ค๊วกมือนำไหว่ ๆ ยุ แต่งผญาแล้ว ๆ กะพากันขาดนั่น
    ขาดนี่ โอ๊ยเนาะ ขอรูป แล้วกะพากันขอหมอลำ จักแม่นจัดให้คัก เอาให้มันสุด ๆ
    โลดน้อง ฮ่า ๆ ๆ (จ่มนะเนี่ย ฮ่า ๆ )




    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  5. #5
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307
    โอ้ยมาออนซอนแท้น้อคับทังผญาทั้งเพลงประกอบเนาะม่วนๆๆครับคิดฮอดบ้าน

  6. #6
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598
    พี่เอ๋ย.....หลายฝนปีลายล่วง...นางมาทวงสัญญาเก่า

    ห่มความเหงาอ้างว้าง.....คอยทางอ้ายนั้นบ่หวน

    ใจคร่ำครวญคอยเจ้า.....นั่งเจ่าปานอกหัก

    ที่พักใจคือเถียงนา.....หม่องอ้ายลาจากน้อง

    นางยังคองคอยถ่า....สัญญาใจได้จำจื่อ

    ยังยึดถือในความเว่า.....อ้ายขอเฝ้าเป็นคู่เธอ

    นอนละเมอทุกคืนค่ำ...คำเขามาเว่าอ่อย

    หลอยคิดเห็นแต่หน้าอ้าย....ปานตายได้อยู่บ่เป็น

    แสงจันทร์เพ็ญส่องหล้า.....ฟ้าสิอ่วยบ่คืนหลัง

    ใจยังหวังอ้ายมาขอ...เปลี่ยนพอศอกะรอเจ้า

    อย่าให้เหงา..อย่าให้ม้าง...หยับหนทางเข้ามาต่อ

    สิมาขอแต่งดองน้อง.....เฮ็ดพาขวัญถ่าไว้...สิเหี่ยวถิ่มสาก่อน...เด๊ชาย......





    ...เสียงลำล่องแหม...โอน๊อ...ออนซอนเด๊...ม่วนหลาย.....ไปซ๊อปปิ้งมากะได้ฟังลำม่วนๆ เนาะ....ขอบคุณน้องแพรที่ซ่อยเว่าซ่อยอ้อน...
    .....ขอบคุณอ้ายโจ่โล่หลายๆ จ้า...ทั้งแปะให้ทั้งจ่มเนาะอ้ายชายกะดาย...หืยยยยยย...
    น้องนุ่งวานซ้ำนี้ทำเป็นจ่มหลาย....ผัดผู้สาวเพิ่นว่าซ้านนนน แล่นนำเพิ่นต้อยๆ ผัดบ่จ่้มเนาะ...คิคิ...แซวเล่นเด้อจ้า.....


    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  7. #7
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,065
    บล็อก
    3
    จ่ม อะหยัง อ้ายผุอยู่ข้างเทิงหั่น ฮู้อยู่ดอกว่าเฒ่าแล่ว 55555
    :heart: ไทอุบล คนเมืองนักปราชญ์:heart:

    http://up.how2phin.com/pictures/a46ce89bb69277bd7b1a2f0912d7cb05.gif

  8. #8
    ป๊าดดดดดดดดดกลับมาบาดนี้มาแต่งผญาเก่งแท้น้อยายแมะ อิอิอิ
    ...เปรียบแม่เช่น โคมทองของชีวิต

    ช่วยชี้ทิศ ช่วยนำทาง ช่วยสร้างสรรค์

    ให้ความรัก ให้ความรู้ ชูชีวัน

    ลูกจึงมั่นกตัญญูบูชาคุณ..........เพื่อแม่ แพ้บ่ได้

  9. #9
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412

    เรื่องฮิตน่าอ่าน

    เข้ามางึด....

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ยินดีต้อนรับผญาฝ่ายหญิงรุ่นเดอะของบ้านมหา..ครูแก้ม..จ้า ..มาให้กำลังใจคือเก่าเด้อนาง..หย่าวๆโลดหล่า..ม่วนคักเทิ้งกลอนเทิ้งเพลง.. จะแม่นเพิ่นอารมณ์ศิลป์เนาะ เอื้อยราวๆนี้กะคือกันแม๋ะ ไห้นำละครสุเรื่องเอาโลด..อิอิอิ..รักษาสุขภาพเด้อจ้า..
    มองต่าง..อย่างปลง

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •